1 Pieri 5:2 - Gourmanchéma Bible

² Yin yaa kpaa mani U Tienu yankulu, yu n ye yikani. Yin da tiendi la nani li tie tiladi ka, ama lan yaa tie yi yama po, nani U Tienu n bua maama. Yin da tiendi yeni kelima yi bua ki baa i ligi ka, ama yaa tiendi mani la ke yi yama ye lienni moamoani.

U TIENU MAAMA TILI 2013

² Yin yaa kpaa U Tienu yankulu, yuu n ye yi kani. Yin da tiendi la nani li tie tiladi ka, ama lan yaa tie yi yama po, nani U Tienu n bua maama. Yin da tiendi yeni kelima yi bua ki baa i ligi ka, ama yaa tiendi mani la, ke yi yama ye lienni moamoani.

1 Pieri 5:2 ပူးပေါင်းရင်းမြစ်များ

I Yani 1:8

Fini yaa pua n ŋani ki cie bi puoba kuli yeni, A yaa bani, wan kpaa o yangoli naankani, Ŋan ña ki ŋoadi ti yanbidi fuuli Ki kpaa o ŋuabila Bi yankpaaba gbandiena n ye naankani.

Esayi 40:11

O kpaa o yangoli nani o yankpaalo yeni. O gobidi ki taani a pebila leni o buagu Ki taa ba ki ŋmabi. O gobidi yaa peñoe n da ŋaandi.

Esayi 56:11

Bi tie sangbantugidanbe Yaaba n ki pia ke bi guo. Bi tie yaa yankpaaba N ki bani ki gagidi liba. Bikuli ŋua bi sancele, Yua kuli bi siiga li lingi o yaa yuceli ŋamu yo.

Esayi 6:8

N den gbadi Li Miali Diedo nialu ke o tua: «N baa soani ŋme? Ŋme n baa tua ti tondo?» N den goa ki yedi: «Mini nne, soani nni.»

Esayi 63:11

Lanwani o niba den tiadi puoli yogunu po leni Musa po ki buali biyaba: «Yua n den duoni o yankpaaba leni o yangoli yeni ye le? Yua n den kuandi bi siiga o Fuoma yeni ye le?»

Jeremi 13:17

Yi yaa cengi line, n baa buudi ŋasiili nni, Kelima yi japaadi po. N baa wuli ti ninsiidi N baa mua boncianla kelima bi baa gedini Li Miali Diedo niba ti yonbidi.

Jeremi 13:20

Yaadi ki diidi a yibalinba yaaba n ñani nijienu po ki kpendi. Min bi piani ŋa yaa niba yeni Ŋan bi jigini a yuli yaaba yaa po yeni ye le?

Jeremi 6:13

Kelima ki cili leni yua n wa ki ban tuoni yua n yaba ki cie, Bikuli lingi bi yucela ŋamu bebe Ki cili o kopadiciamo ki ban taani leni o *sawalipualo Bikuli ye i janbi po yo.

Jeremi 8:10

Lani n teni ke n baa taa bi puoba ki teni nitoaba, Ki teni yaaba n paadi ba mo n diedi bi kuani. Kelima ki cili ki bonwaaga ki ban pundi o nikpelo, Bikuli li tiini ki lingi bi yucela ŋamu bebe. Ki cili o sawalipualo ki ban taani o kopadiciamo, Bikuli li ye i janbi po yo.

Esekieli 34:23

N baa tuni yankpaayende n yangoli yeni yuli, wan yaa faami bipo. N naacemo Dafidi n baa tua bi yankpaalo ki yaa kpaa ba, ki tua bi yankpaamoano.

Esekieli 34:31

Yinba n tie n pe, n yangoli pe. Yi tie nisaalibe mini mo tie yi Tienu. O Diedo, Li Miali Diedo n yedi yeni.»

Esekieli 46:24

O den yedi nni: «Li tie a jeŋanbila leni yaaba n ye U Tienu diegu tuonli po n baa yaa ŋaandi ban padi bi niba po yaa yandi nandi naankani.»

Mise 3:11

Jelusalema yudanba jia ti buudi ki gaani a suuna. Likani kopadicianba yaa ga pani, Bi kan bangi li *bali maama, Bi sawalipuaba yaaba n ye likani yaa ga ligi, Bi kan pua sawali. Ama bi cili ki paagidi bi pala Li Miali Diedo po ki tua: «Naani Li Miali Diedo ki ye leni ti? Fala kan nandi ti.»

Mise 5:4

Wani n baa cuani mi yanduanma. Asili yaaba yaa cua ti diema nni Ki kua hali ti dieŋama nni. Ti baa teni bi yudanba boncianla n fii ki sedi bipo.

Mise 7:14

U Tienu, taa a yankpaagbiamu ki yaa kpaa a niba, Bani yaa nigoli n tie a piama yeni, Bani, yaaba n ye bi bebe Kalimeli fuasieli Ki pia yaa tisoangidi n yaba leni yaa yankpaakaani n yaba. Ŋan go yaa kpaa ba nani ŋan den kpa kpaa ba maama Yaa yankpaakaani n ŋani boncianla ki ye Basana leni Galaadi diema nni yeni.

Sakari 11:17

Fala n baa ku yankpaayuogu, Yaagu n ŋa i pe. Bu toabu n bolini o nuu paalu, Leni o nuni gbanmanu, Ke o nuu n faani, O jiennunbu mo n juani!

Malaki 1:10

Li Miali Diedo, U Paaciamu Kuli Daano go yedi: «Li baa yaa ŋani ki cie yinba bi kopadicianba siiga nni Yendo n luoni n diegu buliñoana, Yin da go cuondi n padibinbinli po mi fantama fanma fanma. N pali ki mani yipo baa waamu. Mii go bua ki ga yi nuu nni padiliba kuli mo.

Mi Coadima 18:7

Fini leni a bijaba mo n baa yaa tuuni yi kopadician-tuonli li padibinbinli kani leni u *kaangagidiŋanmoanu nni, yu n ye bu *kpalidoaginkaabu puoli po yeni. Yi kopadician-tuonli yeni tie min puni yi yaa tuonli. Yua n ki tie Alono buolu yua yaa nagini likani o baa kpe.»

Luki 12:32

Da jie mani liba, fini yaa yankulu n ki yaba, kelima li mani yi Baa wan pa yi mi diema.

Jesu Tondiba Tuona 20:29

N bani ke n yaa fii, yaaba n tie nani i fuasangbanbiadi yeni baa kua yi siiga. Bi kan cedi u yankulu.

Jesu Tondiba Tuona 21:13

O den goa ki yedi: «Yi tiendi be n yeni ki buudi ki bua ki biidi n pali? N baa tuo ban loli nni, baa ki kpa nni moko, o Diedo Jesu yeli po, Jelusalema po.»

LOMA YAABA 1:15

Lani yaa po n bua hali boncianla ki yaa wangi yinba yaaba n ye Loma moko o Laabaaliŋamo.

1 Korenti 9:7

Ŋme baa kua minteeli leni o yuceli piama? Ŋme baa ŋu i tilondi ki nan kan ŋmani li bonluonkaala? Ŋme baa kpaa u naakulu ki nan kan ño mi naaŋanma?

1 Timote 3:3

Wan da tie yua n puni o yuli li dañoli, wan da tie yua n bua janjanma, wan yaa tie yua n dingi kaa bua koanli, kaa bua ligi ke li pendi.

1 Timote 3:8

Li go tie tiladi Kilisiti n yini yaaba todikaaba moko n yaa tie bi niba n jigindi yaaba, ban da pia pala lie, ki da kuani bi yama li dañoli nni, ki da kuani bi yama yaa ñuadi n pia i fe moko nni.

Titi 1:11

Li tie tiladi ŋan mubini bi ñoana, kelima bi yagini ti dietiandi yama ki bangi ki lingi ki baa i janbi ñuadi.

Titi 1:7

Li tie tiladi ke Kilisiti n yini yaaba gobidika n yaa tie U Tienu naacen-juoginka, wan da pia ban baa fidi ki kuli o yaala. Wan da tie tupaalu daano, ki da tie mutuodaano, ki da tie dañolo, ki da tie nipualo, ki da tie yua n kuandi o yama yaa i janbi yaa ñuadi nni.

Titi 2:14

O den puni o yuli ki kpe tipo ke wan da ki faabi ti leni mi biadima kuli, ki ŋuudi ki ŋanbi ti tin tua wani n die yaaba, yaaba n baa pia li yankuali a tuonŋama po.

Titi 3:1

Ŋan yaa tiadi ba ke ban yaa fangi mi diema gobidikaaba leni li bali danba kuli, ki tuo ki yaa ŋua bi maama, ki go bogini tuonŋanli kuli po.

Filemon 1:14

Die mii den bua ki tieni liba kali min kpa buali a ki bandi ŋan jagi yaala, ke a ŋanma n da tie nani u paalu yeni ka, ama lan yaa tie a yama po.

Hebilunba 12:15

Yin fangi mani yi yula ke oba n da muni o yuli U Tienu*ŋanbili. Yin go fangi mani yi yula ke yaa jiinu n bia ki to kuli n da toa a benkpela, ki cuani ti yanyagidi ki yaa *joagindi bi niba boncianla.

2 Pieri 2:3

Kelima bi bangi-faadanba yeni ŋaliŋabuama po bi baa baadi yi kani li baali ban bungi ki ñani yaa bangifaama po. Bi bujiali cuonu bili bipo hali yogu ki kpendi, bi bolinma mo kan go waagi ki cua.