1 Pieri 5:10 - Gourmanchéma Bible

¹⁰ U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa den laa fala u yogunu waamu po. Wani oba n baa ŋanbi yi cain, ki teni yin yaa se bonŋanla, ki paagi yi pala ke liba kuli kan fidi ki lengidi yi.

U TIENU MAAMA TILI 2013

¹⁰ U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa tuo ki laa fala u yogunu waamu po. Wani o ba n baa ŋanbi yi cain, ki teni yin yaa se bonŋanla, ki paagi yi pala, ke liba kuli kan fidi ki lengi yi.

1 Pieri 5:10 ပူးပေါင်းရင်းမြစ်များ

Pisomi 119:28

N buudi kelima li paboanli po Paagi n pali nani ŋan niani nni maama.

Pisomi 138:7

N yaa ye baa li paboanli nni, a teni ke n fo. A nuu maa n yibalinba po, A nijienu mo n faabidi nni.

Pisomi 86:15

Ama fini, O Diedo, a tie yaa Tienu n gba mi niñima, Ki go pia ti bulicindi. A pia li juunli leni li ŋanbili Ki go tie ti dugidi daano.

Pisomi 86:5

Fini o Diedo, a ŋani ki puuni sugili, Ki pia li *ŋanbili yaaba n jaandi a kuli po.

Sakari 10:12

N baa pa n niba u fidu, Bi baa yaa kpiagidi nni, Ki tuodi ki tiendi min yedi yaala. Li Miali Diedo n yedi lani.»

Sakari 10:6

N baa pa Juda yaaba u paalu, Ki faabi bani Isalele yaaba. N baa gbadi bipo mi niñima, Ki lebidi ki guani ba bi deni. Bi baa yaa tie npo nani mii den kpa yie ba baa yenma yeni, Kelima n tie Li Miali Diedo, bi Tienu. N baa guani bi miabu.

Luki 22:32

Die n mia U Tienu apo ke a *dandanli n da gbali. A yaa ti lebidi ki guani n kani, ŋan yaa paagidi a kpiiba pala.»

LOMA YAABA 15:13

Mi suginma Tienu n gbieni yi pala leni li pamanli leni mi yanduanma li *dandanli nni. U Tienu Fuoma Yua paaciamu n teni yin yaa pia mi suginma ki pugidipugidi.

LOMA YAABA 15:5

U Tienu yua puuni li juunli leni li papaali n teni yin yaa pia yantiayenli leni yiyaba nani Jesu Kilisiti n bua maama,

LOMA YAABA 16:25

Tin yaa kpiagidi mani U Tienu, Wani yua n baa fidi ki teni yin yaa se Ke li pa o sanŋoadima nni Nani min wangi yaa Laabaaliŋamo Ki maadi Jesu Kilisiti maama n yedi maama. N wangi o nani U Tienu bondoaginkaala, Yaala n den duagi ŋasiili nni hali yogu, N doagidi maama moala.

LOMA YAABA 9:11

Hali ke laa bila daa den mali, ki daa tieni yaala n ŋani bi yaala n bia, ke U Tienu n den tuodi ki jagi yaala n yaa ye, ki ŋua o gandima ki naa ŋoadi a tuona, ama ki ŋua U Tienu yiinu,

LOMA YAABA 9:24

Lani n tie tinba, wan yini yaaba. Waa yini ti yaaba n tie Jufinba siiga bebe ka. Ama o go yini ti yaaba n kaa tie Jufinba moko yaa siiga.

1 Korenti 1:10

N kpiiba, n mia yi ki tundi yi kelima ti Diedo Jesu Kilisiti yeli po ke yikuli n yaa mani leni yiyaba, ke paadimaba kuli n da ye yi siiga, ke yin yaa taa yenma yi yantiana leni yi yanjaga kuli nni.

1 Korenti 1:9

U Tienu tie tin fidi ki dugi yua yaa po, wani yua n den yini yi ke yin yaa pia yanyenma leni o Bijua Jesu Kilisiti ti Diedo.

2 Korenti 13:11

N kpiiba, n majuodikaama tie mine: Yin yaa mangidi mani yi pala. Moandi mani ki ŋanbi ki dagidi cain, baagi mani yiyaba, ki yaa pia mani yantiayenli, ki yaa mani leni yiyaba. Lanwani mi buama leni mi yanduanma Tienu baa ye leni yi.

2 Korenti 4:17

Kelima tin laadi yaa fala u naa yogunu po, naa tie pu ti yaa biigi o leni wan bogini tipo yaa kpiagidi n yaba ki kandi ki naa pia pendima maama po.

Filipi 4:13

N fidi likuli kelima wani yua n puuni nni li paalu yaa po.

Kolosi 2:7

ki yaa pia yi jiini o niinni ki suagi liiga o sanŋoadima nni. Yin go yaa se ke li pa yi dandanli nni nani ban den bangi yi maama. Yi pala n yaa gbie leni i tuondi opo hali ke li kandi.

1 Tesaloniki 2:12

Ti den tundi yi, ki paagidi yi pala, ki go tigini yi ke yin yaa cuoni maama n dagidi U Tienu po, wani yua n yini yi ke yin yaa taa leni o o diema nni leni o kpiagidi nni kuli.

2 Tesaloniki 2:14

U Tienu den yini yi lankuli po kelima tin den waani yi yaa Laabaaliŋamo po, ke yin baa yi biinu ti Diedo Jesu Kilisiti kpiagidi nni.

2 Tesaloniki 2:17

n yaa baagidi yi pala ki teni yin yaa se ke li pa yaala n ŋani tienma nni leni mi maama nni kuli.

2 Tesaloniki 3:3

Ama o Diedo tie tin fidi ki dugi yua yaa po. O baa teni yin yaa se ke li pa bonŋanla, ki kubi yi ke o *Biado n da paadi yi.

1 Timote 6:12

Ŋan yaa moa li dandanli yaa muaŋanli, ki cuo yaa miali n kan gbeni, U Tienu n den yini a ke ŋan baa yaali, ŋan go den tieni yaa siediŋamo bi niba boncianla nintuali kelima yaali yaa po.

2 Timote 1:9

O den faabi ti ki yini ti yaa yiinu n gagidi. Waa den tieni yeni kelima ti tuonŋama po ka, li tie kelima o yanjagili leni o ŋanbili po, wan den tieni tipo yaala Jesu Kilisiti nni hali ke ŋanduna daa tagi.

2 Timote 2:10

Lani yaa po n tuo li kuli kelima bi nigandikaaba po, ke bani moko n baa yaa *tindima n ye Jesu Kilisiti nni leni yaa kpiagidi n kan gbeni.

Hebilunba 9:15

Li tie lani yaa po ke Kilisiti tie o *ŋantaadipaano candanbaalo ke U Tienu n yini yaaba kuli baa baa wan den niani ba yaa ŋalimani, yi n baa ye hali yaa yogunu kuli. Lankuli baa tieni kelima Kilisiti kpe ke o kuuma faabi ba leni ban den tieni yaa *tuonbiadi o ŋantaadikpialo n den die ba yaa yogunu.

1 Pieri 1:15

Ama, nani yua n yini yi n gagidi ki ŋani maama, yi mo n gagidi ki yaa ŋani yeni yi tagi kuli nni.

1 Pieri 4:10

Yi siiga yua kuli n yaa todi o lieba leni wan den baa U Tienu kani yaa *ŋanbili-paabu buolu. Yeni, yi baa yaa tie U Tienu naacen-juoginkaaba leni wan puni yua kuli yaa paabu buolu po.

1 Pieri 4:11

O nilo yaa maadi, lan yaa tie ke wangi U Tienu maama. Yua n tuuni U Tienu tuonli, wan yaa tuuni leni U Tienu n puuni o yaa fidu. Yin yaa tiendi yeni ke wani U Tienu n yaa baadi ti kpiagidi li bonla kuli nni kelima Jesu Kilisiti po, wani yua n die ti kpiagidi leni u paalu kuli hali yaa yogunu kuli. Amina!

2 Pieri 1:3

U Tienu yaa paaciamu po, o den puni ti li bonla kuli yaala n baa todi ti li miali nni leni U Tienu tuoma nni, ki teni ke ti bandi wani yua n den yini ti o kpiagidi leni o ŋanbili po.

1 Jan 2:25

Wani n niani ti yaala tie yaa miali n kan gbeni.

Jude 1:24

U Tienu fidi ki kubi yi ke yin da tuudi ki baa, ki go sieni yi o kpiagidi nintuali ke yi naa pia ban baa fidi ki kuli yi leni yaala, leni li pamancianli.