1 Pieri 4:10 - Gourmanchéma Bible

¹⁰ Yi siiga yua kuli n yaa todi o lieba leni wan den baa U Tienu kani yaa *ŋanbili-paabu buolu. Yeni, yi baa yaa tie U Tienu naacen-juoginkaaba leni wan puni yua kuli yaa paabu buolu po.

U TIENU MAAMA TILI 2013

¹⁰ Yi siiga yuakuli n yaa todi o lieba leni wan den baa U Tienu kani yaa ŋanbili paabu buolu. Yeni, yi baa yaa tie U Tienu naacen-juoginkaaba leni wan puni yuakuli yaa paabu buolu po.

1 Pieri 4:10 ပူးပေါင်းရင်းမြစ်များ

Matie 20:28

Lani n tie o Ja Bijua n cua ki tiendi maama. Laa tie nitoaba n yaa tuuni opo ka, ama ke wan yaa tuuni nitoaba po, ki go pa o miali ki kpe, ki da ki faabi bi niba boncianla.»

Matie 24:14

*U Tienu diema Laabaaliŋamo na da baa kpa pundi ŋanduna kuli nni, ki tua siedi i nibuoli kuli po. Lani yaa pendi mi juodima baa cua.

Matie 24:21

Kelima fala baa yabidi laa yogunu hali maama ke o buolu daa tieni ki cili ŋanduna cilima ki pundi hali moala. O buolu kan go tieni mo.

Matie 24:45

Ŋme n tie yaa naacendugika n pia mi yanfuoma, ke o canbaa guuni o o niba ke wan yaa tendi ba mi jiema li yogunu yaa pundi?

Matie 25:17

Yua n den ga talaninba lie moko den tieni yeni, ki mo baa talaninba lie ki pugini.

Matie 25:44

Bani moko baa goa ki yedi: ‹Canbaa, ti den laa ŋa be yogune ke mi koma pia ŋa, bi ke u ñunñuunu pia ŋa, bi ke a tie caano, bi ke a ye mubili, bi ke a yia, bi ke a ye li kpaadidieli nni, ke tii cua ki todi a?›

Marki 10:45

Kelima o Ja Bijua, naa cua ke ban yaa tuuni opo ka, ama ke wan yaa tuuni nitoaba po, ki go pa o miali ki kpe, ki da ki faabi bi niba boncianla.»

Luki 12:42

O Diedo den yedi: «Ŋme n tie yaa tuonsoanjiidi-dugika n pia mi yanfuoma, ke o canbaa guuni o o niba ke wan yaa tendi ba yaa jiema n bili bipo yaa yogunu?

Luki 19:13

Hali ke o daa gedi, o den yini o naacenba siiga bonba piiga ki teni ba wula kujapiena piiga ki yedi ba: ‹Yaa kpendi mani hali min baa goa ki kpeni na.›

Luki 8:3

One mo Jana, o bado *Elodo ligikubilo Kusa pua, one mo Susana, leni potoaba boncianla, yaaba n den ñandi bi piama nni ki todi Jesu leni o ŋoadikaaba bi yema nni.

LOMA YAABA 15:25

Moala n da baa fii ki gedi Jelusalema bi *nigagidiŋanba yaa todima po.

LOMA YAABA 15:27

Bi den tieni yeni bi yama po, li pundi ban tieni yeni moko. Kelima bani bi nilanba yaa den taani leni Jufinba ki boagidi U Tienu sela, li pundi bi nilanba n boagidi bi yema bonbaakaala leni Jufinba.

1 Korenti 15:10

Kelima U Tienu *ŋanbili po yo ke n tua min tie yua na. O ŋanbili npo naa tua fanma, li teni ke n soani ki cie Jesu tondiba kuli. Laa tie mini nba ka soani yeni, ama U Tienu ŋanbili n tuuni leni nni.

1 Korenti 3:10

Nani U Tienu n puni nni yaa *ŋanbili po, n den pu li tanpuuli nani o diemaa-yanfodaano yeni, ke nitoa mo ŋuandi lipo. Die yua kuli n fangi o yuli leni wan ŋuandi lipo maama.

1 Korenti 4:7

Ŋme teni ke a cie a lieba? A pia be ke U Tienu ka puni a? Li yaa tie yeni, be n teni ke a kpiagi a yuli nani U Tienu ka puni a la yeni?

2 Korenti 6:1

Lanwani, nani tin taa ki tuuni leni U Tienu yeni, ti tundi yi ke yin da fali yin den baa U Tienu *ŋanbili-paabu yaabu.

2 Korenti 9:1

Mii nua ke li tie tiladi min diani yipo mi todima bi*nigagidiŋanba po yaa maama.

Efesa 3:8

Mini yua n tie puoli yua U Tienu nigagidiŋanba kuli siiga, n den baa laa ŋanbili ki baa wangi bi nilanba o Laabaaliŋamo, yua n doagidi Kilisiti n pia yaa ŋalimani n yaba hali ke li kandi maama.

Efesa 4:11

O puni bi nitianba ke ban yaa tie tondiba, bi nitianba ban yaa tie sawalipuaba, bi nitianba ban yaa tie o Laabaaliŋamo wangikaaba, bi nitianba mo ban yaa tie bi yankpaaba bi bi bangikaaba.

2 Timote 1:18

O Diedo n gbadi opo mi niñima o goacuama daali. A bani ki cie nilo kuli wan den todi nni yaa todima kuli min den ye Efesa.

Titi 1:7

Li tie tiladi ke Kilisiti n yini yaaba gobidika n yaa tie U Tienu naacen-juoginka, wan da pia ban baa fidi ki kuli o yaala. Wan da tie tupaalu daano, ki da tie mutuodaano, ki da tie dañolo, ki da tie nipualo, ki da tie yua n kuandi o yama yaa i janbi yaa ñuadi nni.

Hebilunba 6:10

U Tienu tiegi. O kan sundi yin den tieni yaala ki doagidi yi buama opo leni yin den todi bi *nigagidiŋanba ki go baa todi ba maama.

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa den laa fala u yogunu waamu po. Wani oba n baa ŋanbi yi cain, ki teni yin yaa se bonŋanla, ki paagi yi pala ke liba kuli kan fidi ki lengidi yi.

1 Pieri 5:12

Silasa, o nidugika, min nua yua ke o tie ti kpiilo, wani n todi nni ke n diani yipo yaa tijenjenga n tie na. N bua ki paagi yi pala, ki tieni yipo siedi ke yi se bonŋanla U Tienu ŋanbili yaali n tie i moamoani.