1 Pieri 4:1 - Gourmanchéma Bible

¹ Lanwani, kelima Kilisiti n den laa fala o gbanandi nni yeni, yi mo n bogini ki sedi leni laa yantiali, kelima yua n laa fala o gbanandi nni paadi leni ti *tuonbiadi.

U TIENU MAAMA TILI 2013

¹ Lanwani, Kilisiti n den laa fala o gbanandi nni yeni, yimo n bogini ki sedi leni laa yantiali, kelima yua n laa fala o gbanandi nni paadi leni ti tuonbiadi.

1 Pieri 4:1 ပူးပေါင်းရင်းမြစ်များ

Esayi 1:16

Wali mani ki ŋanbi yiba Ñani mani n kani yi tuonbiada Cedi mani mi biadima tienma.

Esekieli 16:41

Bi baa juu a diedi leni mi fantama ki kuani yaa buudi n den bili apo, puoba boncianla kuli nintuali. N baa teni a conconma n baa u bianu ke ŋan da fidi ki go pa panpaaniba.

Marki 3:3

Jesu den yedi yua yaa nuu n faani: «Fii ki sedi siiga nni ne.»

LOMA YAABA 6:11

Yi moko n yaa nua mani yi yula ke yi kpe ki paadi leni ti tuonbiadi, ki nan ye ki fo U Tienu po Jesu Kilisiti nni.

LOMA YAABA 6:2

Kalam. Tinba yaaba n den kpe ki paadi cain leni ti tuonbiadi, ti baa ga lede ki go yaa ye ti tuonbiadi nni?

LOMA YAABA 6:7

Kelima yua n kpe kuli faabi leni ti tuonbiadi.

Galati 2:20

Lanwani laa go tie mini yua n ye ki fo, li tie Kilisiti yua n ye ki fo n niinni. Min pia yaa miali n gbanandi nni moala, n pia li kelima n dugi wani U Tienu Bijua po, wani yua n den bua nni ki puni o yuli ki kpe npo.

Galati 5:24

Yaaba n tie Kilisiti yaaba joani ti gbanandi leni ti yantiali leni ti bonbuakaala li dapoanpoanli po.

Efesa 6:13

Lani yaa po yin taa mani U Tienu n puni yi yaa toatiadi kuli, ke yin fidi ki sedi ki yie yaala n bia yaa ti cua yaa daali ki koani ki paadi, ki go yaa se ke li pa mo.

Mi Tiadima 27:10

Yi baa tuo Li Miali Diedo yi Tienu yedima, ki yaa tiendi o bali maama, o mabilikaama min teni yi yaama dinla ne.»

Filipi 2:5

Yin yaa pia mani Jesu Kilisiti n den pia yaa yantiali.

Hebilunba 12:3

Yin kpaagikpaagi opo mani, wani yua n den juuni leni ti tuonbiadi danba n den yie opo maama kuli, ke lan todi yi yin da coagi ki luo li papaali ki cedi.

Hebilunba 4:10

Kelima yua n kua U Tienu yaa fuodima nni, fuodi leni o tuona nani U Tienu n den fuodi leni o ya maama.

1 Pieri 2:21

U Tienu den yini yi lani yaa po kelima Kilisiti wani oba moko den laa fala yinba yaa po, ki ŋa yipo li bontogidikaala ke yin yaa ŋua o yaa fuuli.

1 Pieri 3:18

Kilisiti moko den laa fala yenma ti *tuonbiadi po ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den goa ki baa li miali kelima mi Fuoma po.