1 Pieri 3:8 - Gourmanchéma Bible

⁸ N tundijuodike n tie ne. Yikuli n yaa pia mani yantiayenli leni yiyaba, ki yaa gba mani yiyaba po mi niñima, ki gbie leni mi buama yi kpiiba po, ki go yaa pia mi niñingbadima leni li yumiinli yiyaba po.

U TIENU MAAMA TILI 2013

⁸ N tundijuodike n tie ne. Yikuli n yaa pia mani yantiayenli leni yiyaba, ki yaa gba yiyaba po mi ninñima, ki gbie leni mi buama yi kpiiba po, ki go yaa pia mi ninñingbadima leni li yumiinli yiyaba po.

1 Pieri 3:8 ပူးပေါင်းရင်းမြစ်များ

Pisomi 103:13

Nani bibaa n gba o bila po mi niñima maama, Li Miali Diedo moko gba yaaba n fangi o po mi niñima yene.

Mi Kpanjama 28:8

Yua pugidi o piama leni i janbi yaa ñuadi, Pugidi ma yua n gba a luoda po mi niñima po yo.

Sakari 7:9

«Mini Li Miali Diedo, U Paaciamu Kuli Daano den yedi: ‹Yaa ja mani ti buudi leni mi *teginma, ki go yaa pia mani yiyaba po mi ŋanma leni mi niñingbadima.

Matie 18:33

Laa pundi ke fini mo n gbadi a lielo po mi niñima nani min gbadi apo maama yeni?›

Luki 10:33

Ama, Samali yua, den caa u dogu ki cua likani. Wan den laa o ja yeni, mi niñima den cuo o opo.

Jesu Tondiba Tuona 2:1

Li *Danpiimuuli jaanma n pundi, Jesu ŋoadikaaba kuli den taa ki ye kaanyendu.

Jesu Tondiba Tuona 27:3

Lan den fii ki fa, ti den pundi Sidoni ki sedi. Juliyusa den kubi Polo leni mi buama, ki puni o ke o ñani ku ñinbiagu nni, ki gedi ki fuondi o danlinba ki baa mi todima bikani.

Jesu Tondiba Tuona 28:7

Li kpendegili yudaano den yi Pubiliyusa. O diegu den kuu leni tin ye naankani. O den cua ki biali ti ki gedini ti o denpo ki ga ti cangu hali dana taa leni ki nunmanga.

Jesu Tondiba Tuona 4:32

Yaaba n den daani kuli den pia yanyenma leni yanjagiyenli. Oba kuli naa den yedi ke wan pia yaala tie wani bebe n baa die yaala, nilo kuli den tuo ke o piama tua o lieba kuli po.

LOMA YAABA 12:10

Yin yaa bua mani yi yaba nani yaaba n kpi yeni. Yaa jigindi mani yiyaba.

LOMA YAABA 15:5

U Tienu yua puuni li juunli leni li papaali n teni yin yaa pia yantiayenli leni yiyaba nani Jesu Kilisiti n bua maama,

1 Korenti 1:10

N kpiiba, n mia yi ki tundi yi kelima ti Diedo Jesu Kilisiti yeli po ke yikuli n yaa mani leni yiyaba, ke paadimaba kuli n da ye yi siiga, ke yin yaa taa yenma yi yantiana leni yi yanjaga kuli nni.

1 Korenti 12:26

Gbanan-buoyendu yaa laadi fala, i gbananbuoli kuli taani leni u laa fala nni. Gbanan-buoyendu yaa baa ti jigidi, i gbananbuoli kuli mangi i pala leni u.

Efesa 4:2

Yin yaa ye mani leni yiyaba leni li yumiinli leni mi dingima leni li juunli. Juuni mani leni yiyaba leni mi buama.

Efesa 4:31

Yin cedi mani li mutuoli, ki nanga, li pabienli, ku fuugu, ku tuotabigu, leni tugutongu buolu kuli n ña yi siiga.

Efesa 4:32

Yin yaa mani mani leni yiyaba ki gba yiyaba po mi niñima, ki tiendi yiyaba po sugili nani U Tienu n den tieni yipo sugili kelima Kilisiti nni maama.

Filipi 2:3

Yin da tieni liba kuli leni mi paadima yantiali, yaaka yaa kpiagidi n tie fanma fanma po, ama ke li yumiinli n teni yin yaa nua yiyaba ke bi cie yi.

Filipi 3:16

Ama tin pundi yaa bianu po, tin taani mani ki suagi liiga yenma.

Kolosi 3:12

Lanwani yinba U Tienu nigandikaaba, wan gagidi ki ŋanbi yaaba, ke yi tie o buakaaba, yin yaa laa mani mi niñingbadima leni li *ŋanbili, li yumiinli leni mi dingima leni li juunli.

Hebilunba 13:1

Suagi mani ki yaa pia mi buama yi kpiiba po.

Jaki 2:13

U Tienu yaa jia ti buudi yaa yogunu, o kan gbadi mi niñima yua n kaa den gbadi o lieba po mi niñima yaa po. Mi niñingbadima paani li bujiali.

Jaki 3:17

Ama yaa yanfuoma n ñani tanpoli n tie maama nne: Mi kpa ŋani cain, yaala n ŋua mo tie ke mi kpendinni mi yanduanma, mi dingi, mi pia li yumiinli ki gbie leni mi niñingbadima, mi tiendi a tuonŋama, maa tiendi gagidima bi niba siiga, maa pia pala lie mo.

Jaki 5:11

Diidi mani, ti tua ke li pamancianli ye leni yaaba n laa fala ki go den juuni lienni. Yi gbadi Joba n den pia yaa juunli leni o Diedo n den yuandi ki puni o yaala o juodima yogunu. Kelima o Diedo pia mi niñingbadima ki go pia li *ŋanbili boncianla.

1 Pieri 1:22

Moala yi ŋanbi yi yula leni yin ŋua i moamoani ke yin fidi ki yaa pia yaa buama n kaa pia tuonanma yi kpiiba po. Lanwani yin yaa bua mani yiyaba hali boncianla leni yi pala kuli.

1 Pieri 2:17

Yin jigini mani bi nisaaliba kuli, ki bua mani yi kpiiba. Yaa fangi mani U Tienu, ki jigindi o badiciamo.

1 Pieri 5:5

Yinba bi jawaaba mo, yin yaa miindi mani yi yula bi nikpeliba kani. Yikuli n yaa miindi mani yi yula yiyaba kani, ki yaa laa li yumiinli ki yaa todi yiyaba kelima li diani: «U Tienu yiedi bi japaadanba, Ama o puuni bi yumiindanba o *ŋanbili.»

2 Pieri 1:7

ki go yaa pugidi U Tienu tuoma po mi kpiilibuama, ki go pugidi mi kpiilibuama yeni po mi buamoanma.

1 Jan 3:14

Ti bani ke ti ñani mi kuuma nni ki kua li miali nni kelima ti bua ti kpiiba. Yua n kaa pia mi buama da ye mi kuuma nni.