1 Pieri 3:4 - Gourmanchéma Bible

⁴ Ama lan yaa tie yaa ŋamu n wuo yi pala nni ki kan yindi, lani n tie mi dingima leni mi yansoangima, U Tienu n nua yaama ke mi pia mayuli boncianla.

U TIENU MAAMA TILI 2013

⁴ Ama lan yaa tie yaa ŋamu n wuo yi pala nni ki kan yindi, lani n tie mi dingima leni mi yansoangima, U Tienu n nua yaama ke mi pia mayuli boncianla.

1 Pieri 3:4 ပူးပေါင်းရင်းမြစ်များ

Pisomi 131:2

Die, n duani n yama ki ŋmini suo Nani ban babidi yaa biga li biili ke ki ye ki naa kani yeni. N jiini n yama nani laa biga yeni.

Pisomi 147:6

Li Miali Diedo kubi bi yumiindanba Ama o jiindi bi nibiadiba hali tiipo.

Pisomi 149:4

Kelima Li Miali Diedo pali mani o niba po. O jigindi bi yumiindanba ki faabidi ba.

Pisomi 25:9

O teni ke bi yumiindanba cuoni mi *teginma nni. O bangi bi yumiindanba o sanu.

Pisomi 45:13

Tili diema niba, bani yaaba n pia boncianla yeni, Baa ti cuani apo bu paabu ki lingi a nunmanga.

Pisomi 51:6

N tieni apo ti tuonbiadi, N tudi fini bebe yaa po yo N tieni yaala n bia a nuni po. Hali yaala ke a baa tiegi a bujiali nni. Nanmaba mo ki ye a bujiali nni.

Esayi 11:4

Ama o baa jia ti buudi taliginba po leni mi *teginma. O baa tiegi mi diema nni luoda po. O baa pua ki tinga leni o maama nani li yaa bi tie gbiamoe yeni, Leni o ñoabu nni fawaama, o baa teni o nibiado n kpe.

Esayi 29:19

Bi yumiindanba pamanli baa yaa pugidi Li Miali Diedo nni, A luoda pala baa mangi ki kandi, Kelima Isalele Tienu Yua n Gagidi ki ŋani yeni po.

Esayi 57:15

Kelima yua n ye hali Tanpojoma Wani yua n ye hali yaa yogunu kuli Ke o yeli mo gagidi ki ŋani yedi mine: «N ye mi gagidiŋanma nni leni yaa kaanu n kpedi ki cie yaa niinni. Ama n go ye leni ban mabindi yua Leni yua n ye leni li pabiidili, Ke min fidi ki baagi yaaba n ye li pabiidili nni Ki go faabi yaaba n laadi fala bi pala nni.

Esayi 61:1

O Diedo Li Miali Diedo Fuoma ye n niinni Kelima Li Miali Diedo gandi nni Ke min yaa caagi bi niñinniba o laabaaliŋamo. O soani nni ke min baagi yaaba n ye li paboanli nni Ki waani i yonbi ke bi baa mi faabima Ki go waani a kpaada mo ke bi baa mi *faabima,

Jeremi 51:59

O sawalipualo n bili yaa ñoabonbilikaana Selaya leni Juda bado Sedesiasi bali binnaali yogunu. Li sua ke Selaya tie o bado guudikaaba yudaano.

Matie 11:29

Laa mani n naakpakpaadi-daagu, ki ga n bangima, kelima n dingi ki pia li yumiinli, yeni yi baa baa mi fuodima yi naani po.

Matie 21:5

Waani mani Siyono dogu yaaba Ke bi bado kpendi bikani na. O dingi boncianla, ki jagi o ŋunbo, Li tie ŋunbisaagili, o ŋunñua yaa biga.

Matie 23:26

Fini o Falisieni-juamo, kpa ŋanbi yaala n ye ki tadiñokaaga leni ki taditialiga tugu nni, lanwani mu puoli po moko baa ŋani.

Matie 5:5

Li pamanli ye leni yaaba n pia li padingili, kelima bi baa diedi ki tinga.

Luki 11:40

Yinba, bi yanpiidanba yeni, yua n tagi puoli po, wan ka tagi tugu nni mo?

Luki 16:15

O den yedi ba: «Yinba yi moandi ke bi niba n yaa nua ke yi tiegi, ama U Tienu wani n bani yi pala. Bi niba n nua ke yaala n pia ti kpiagidi yeni tie caginde U Tienu po.

LOMA YAABA 1:23

Bi lebidi U Tienu yua n kan kpe yaa kpiagidi, ki kpiagidi a nannana, ya n naani leni o nisaalo yua n baa kpe, leni ti bonyugiditi, leni ti yandi, leni li bonbalinkaala.

LOMA YAABA 2:29

Yua n tie Jufi moamoani, tie yua n tie yeni hali o pali tugu nni. Ku koanciagu moko ;nua U Tienu Fuoma n tieni yaala o nilo pali nni, ke laa ;nua li bali maama ka. Yua n tie yeni naa baadi ti pagidi bi niba kani ka, ama U Tienu kani.

LOMA YAABA 6:6

Ti bani ke bi den joani ti tagikpelu leni Kilisiti li *dapoanpoanli po ke u kpe, ke ti gbanankpiadi, ti tuonbiadi n die yaadi, kan go fidi liba, ke tin da go tie ti tuonbiadi yonbi.

LOMA YAABA 7:22

N pali tugu nni U Tienu bali maama mani npo.

2 Korenti 10:1

Mini Polo n tundi yi kelima Kilisiti yumiinli leni o dingima po, mini yua n dingi yi siiga, ama n yaa foagi leni yi n tie nipaalo yipo.

2 Korenti 4:16

Lani yaa po tii luo papaali. Baa ke ti gbanandi kpeligidi, ti niinni, ti pandi daali kuli.

Galati 5:23

Li bali maama naa koani leni laa bonla.

Efesa 4:2

Yin yaa ye mani leni yiyaba leni li yumiinli leni mi dingima leni li juunli. Juuni mani leni yiyaba leni mi buama.

Kolosi 3:12

Lanwani yinba U Tienu nigandikaaba, wan gagidi ki ŋanbi yaaba, ke yi tie o buakaaba, yin yaa laa mani mi niñingbadima leni li *ŋanbili, li yumiinli leni mi dingima leni li juunli.

Kolosi 3:3

Kelima yi kpe, ke yi miali mo wuo leni Kilisiti U Tienu kani.

1 Tesaloniki 4:11

Yin moandi mani ki yaa mani leni yiyaba, ki go yaa kubi yi ŋantaadiceli, ki yaa tuuni li tuonli ki baadi yaala n dagidi yi yema po mo nani tin den kpa bangi yi maama yeni.

2 Tesaloniki 3:12

Ti waani laa niba, ki tundi ba kelima o Diedo Jesu Kilisiti yeli po, ke ban yaa tuuni li tuonli leni mi yansoangima, ki baadi bi jiema.

1 Timote 2:2

leni bi badiba leni bi yudanba kuli po, ke tin baa ki yaa ye leni mi yanduanma leni mi yansoangima, ki ŋua U Tienu ke li dagidi ki go tiegi.

2 Timote 2:25

Wan go yaa tie yua n tundi yaaba n yiedi opo leni mi dingima, ki yaa sugini U Tienu n pa ba ban lebidi bi yama, ki fidi ki bandi i moamoani,

Titi 3:2

Ban da maadi niloba kuli po mabiadima. Ban yaa bua mi yanduanma, ki yaa mani leni bi niba, ki pia mi dingima bi niba kuli kani.

Jaki 1:21

Lanwani yin lu mani yaala n tie ti *joagindi leni mi biadima kuli, ki yaa gaani U Tienu n buli yaa maama yi pala nni leni li yumiinli, kelima mi baa fidi ki tindi yi naani.

1 Pieri 1:23

Lani yaa po yi pia li miapanli. Yii pia li ke li ŋua leni yaa bonbuoli n baa bedi ka. Ama leni yaali n kan bedi. Lan tie U Tienu maama yaama n fo ki baa ye hali yaa yogunu kuli po.

1 Pieri 3:15

Yin yaa jigindi mani Kilisiti yi pala nni wani yua n tie o Diedo. Yin bogini mani ke yogunu kuli bi yaa buali yi yin pia yaa suginma, yin fidi ki doagidi ki waani ba.

1 Samueli 16:7

Ama Li Miali Diedo den yedi Samueli: «Ŋan da diidi o bugima leni wan foagi maama kelima n cedi wani. Mini U Tienu mii nua ki bigidi nani o nisaalo n nua ki bigidi maama ka. O nisaalo nua i nuni n laa yaale, ama mini Li Miali Diedo nua li pali nne.»