1 Pieri 3:21 - Gourmanchéma Bible

²¹ Mi ñima yeni den tie yaa *batisima n faabi yi moala yaa nannanli. Laa tie ke mi batisima ŋuudi ki ñani ti gbanandi*joagindi ka, li tie yaa nilo n puni o yuli U Tienu leni yaa pali siedi n ŋani. Yi baa ki faabi kelima Jesu Kilisiti fiima bi tinkpiba siiga yaa po.

U TIENU MAAMA TILI 2013

²¹ Mi ñima yeni den tie yaa batisima n faabi yi moala yaa nannanli. Laa tie ke mi batisima ŋuudi ki ñani ti gbanandi joagindi ka. Ama mi baa teni o nilo n pa o yuli U Tienu leni yaa pali n ki pia joagindi. Yi baa ki faabi kelima Jesu Kilisiti fiima bi tinkpiba siiga yaa po.

1 Pieri 3:21 ပူးပေါင်းရင်းမြစ်များ

Sakari 13:1

Li Miali Diedo, U Paaciamu Kuli Daano yedi: «Laa daali, Li ñinbunli baa pudi, Ki yaa ŋuudi ki ñandi Dafidi puoliŋuani Leni Jelusalema yaaba *tuonbiadi leni bi joagindi.

Matie 28:19

Lanwani, yin gedi mani ki tieni i nibuoli nni kuli bi ŋoadikaaba, ki *batisi ba Baa yeli nni, Bijua yeli nni leni U Tienu Fuoma Yua yeli nni, ki bangi ba ban yaa kubi min den yedi yi yaala kuli.

Marki 16:16

Yua n tuo ki daani ki go *batisi kuli baa tindi. Ama yua n ki daani, bi baa jia leni ti buudi ki cuo o.

Jan n diani U Tienu Laabaaliŋamo maama 13:9

Simono Pieli den yedi o: «N Daano, da nigidi n taana bebe ka, n nii leni n yuli kuli.»

Jesu Tondiba Tuona 16:33

Lanyogunu, ku ñiagu yeni liga, o den gedini ba ki ŋuudi bi nala. Lanyogunu bi den batisi o, wani leni o diegu yaaba kuli.

Jesu Tondiba Tuona 2:38

Pieli den goa ki yedi ba: «Lebidi mani yi yama, yi siiga yua kuli n *batisi Jesu Kilisiti yeli nni, ke yin baa sugili yi *tuonbiadi po. Lane yi baa baa U Tienu paabu yaabu n tie o U Tienu Fuoma Yua.

Jesu Tondiba Tuona 22:16

Moala a go ji be? Fii ki teni ban *batisi a, a *tuonbiadi n ŋuudi ki ña, kelima a jaandi o Diedo yeli nni.›

Jesu Tondiba Tuona 8:36

Ban den ŋua bi sanu ki suagi liiga, bi den pundi mi ñima kani. Ki moagiliga den yedi: «Diidi mi ñima nna. Be n yie npo ke min da batisi?» [

Jesu Tondiba Tuona 8:37

Filipi den goa ki yedi o: «A yaa daani leni a pali kuli, li baa fidi.» Ki moagiliga den goa ki yedi: «N daani ke Jesu Kilisiti tie U Tienu Bijua.»]

LOMA YAABA 5:14

Baa yeni, ki cili Adama yogunu ki yaa caa hali Musa yaa yogunu, mi kuuma den die bi niba kuli, baa yaa niba n kaa den tieni ti tuonbiadi nani Adama yeni. Adama tie yua n den baa ti cua yaa nannanli.

1 Korenti 12:13

Tikuli den *batisi mi Fuoma yenma yeni yaa niinni, ke tin tua gbananyendi, lan tie Jufinba leni bi nilanba, lan tie i yonbi bi yaaba n die bi yula, U Tienu puni tikuli ke ti baa ki ñuni Fuoma yenma yaa kani.

1 Korenti 4:6

N kpiiba n maadi mini leni Apolosa maama na nani mi kpanjama yeni, ki baa todi yi yin bandi tikani ki da pendi yaala n diani ki bili yaa bianu. Min maadi yaala tie ke yin da pia ti japaadi ki kpiagi niyendo ki fali o lielo.

2 Korenti 1:12

Tin jigini ti yula yaala yaa po tie ke ti pala siedi doagidi ke ti ye ŋanduna nni leni yaa tagu n gagidi leni yaa yantugupiendi n ñani U Tienu kani. Yaala n cie mo tie ke ti tagu den tie yeni yi moko yaa siiga. Tii den pia laa tagiŋamu kelima o nisaalo yanfuoma po ka, ama kelima U Tienu ŋanbili po.

2 Korenti 7:1

N buakaaba, kelima ti pia laa ñoaniani, tin yaa ŋanbidi mani ti yula ki ñandi ti gbanandi leni ti yantiali kuli *joagindi, ki yaa tiendi ania ki suagi liiga leni mi gagidiŋanma hali ki pundi li bianu U Tienu fangili nni.

Galati 3:27

Yinba, yaaba n den *batisi Kilisiti nni, yi lani wani Kilisiti nani li liadili yeni.

Efesa 5:26

O den tieni yeni ki baa ŋuudi ki ŋanbi ba leni mi ñima leni U Tienu maama,

Kolosi 2:12

Nani ban den taani ki piini yi leni Kilisiti kelima mi *batisima po yeni, yi go fii bi tinkpiba siiga o yaa niinni ki taani leni o, kelima li dandanli U Tienu yua n den fiini o bi tinkpiba siiga paaciamu yaa po.

1 Timote 1:5

Laa tundi n baa cuani yaala tie yaa buama n ña yaa pali n pieni niinni, leni yaa pali siedi n ŋani, leni li dandanmoanli.

1 Timote 6:12

Ŋan yaa moa li dandanli yaa muaŋanli, ki cuo yaa miali n kan gbeni, U Tienu n den yini a ke ŋan baa yaali, ŋan go den tieni yaa siediŋamo bi niba boncianla nintuali kelima yaali yaa po.

Hebilunba 10:22

Lankuli yaa po tin yaa nagidi U Tienu kani leni li payenli, leni li dandanmoanli, ki yaa pia yaa pala n ŋuudi ki ñani yaa pali siedi n bia leni yaa gbanandi n ŋuudi leni mi ñinŋanma.

Hebilunba 11:19

O den kpaagi ki nua ke U Tienu pia u paalu ki baa fiini baa bi tinkpiba. Li tie lani yaa po ke U Tienu go den guani o o bijua. Laa bonla tie nannanli buolu.

Hebilunba 13:18

Yaa jaandi mani tipo. Kelima ti bani cain ke ti pala siedi ŋani ki go bua ti tagi n yaa tiegi li bonla kuli nni.

Hebilunba 9:14

lanwani laa pia kuli tama ke Kilisiti yaa soama, wani yua n den puni o yuli U Tienu nani yaa padili n ki pia joagindi kelima U Tienu Fuoma yaama n ye hali yaa yogunu kuli paalu yaa po, baa ŋuudi ki ŋanbi ti pala siedi leni yaa tuona n baa cuani mi kuuma ke tin yaa tuuni U Tienu yua n ye ki fo yaa po.

Hebilunba 9:24

Kelima Kilisiti ki den kua bi nisaaliba n tii yaa kaangagidiŋamu yu n tie u bonmoanu nannanli niinni ka. O den kua tanpoli oba yaa niinni, ki baa ye U Tienu kani moala ki miadi o tipo.

1 Pieri 1:3

U Tienu ti Diedo Jesu Kilisiti yaa Baa n baa ti pagidi! O niñingbadicianma po teni ke ti pia li miapanli, leni yaa suginma n fo kelima Jesu Kilisiti fiima bi tinkpiba siiga yaa po.

1 Pieri 3:16

Ama lan yaa tie leni mi dingima leni li fangili. Yaa pia mani yaa pali siedi n ŋani, lani, baa bi yaa sugidi yi ki kuli yi ke yi tie i tagili danba, yaaba n sugidi yin pia yaa tagiŋami Kilisiti nni yeni n le i fe.