1 Pieri 3:14 - Gourmanchéma Bible

¹⁴ Li pamanli ye leni yi baa bi yaa waani yi fala yin tiendi yaala n ŋani yaa yogunu mo. Yin da jie mani bi nisaaliba baa waamu, ki da yagi yi yama.

U TIENU MAAMA TILI 2013

¹⁴ Li pamanli ye leni yi, ba bi yaa waani yi fala yin tiendi yaala n ŋani yaa yogunu. Yin da jie mani bi nisaaliba ba waamu, ki da yagi yi yama.

1 Pieri 3:14 ပူးပေါင်းရင်းမြစ်များ

Mi Kpanjama 3:25

Ŋan da jie bonludikabiadila, bi nibiadiba yaa cua ki baa ŋa, ŋan da jie.

Esayi 51:12

Li tie mini lige, mini n baagidi yi. Be yaa po ke ke yi baa yaa jie o nisaalo yua n baa kpe, O nisaalo biga, yua yaa miali n tie nani ku muagu yeni,

Jeremi 1:8

Da jie ba kelima n ye leni a Ki baa faabi a. Mini Li Miali Diedo n yedi yeni.»

Jeremi 15:15

Fini Li Miali Diedo a bani likuli Tiadi npo, todi nni Tu npo n panli leni yaaba n wangi nni fala. Da kpa nni, fini yua yaa pali n ki be tontoni. Bandi ke n laa i fe buoli kuli kelima a yaa po.

Esekieli 3:9

N baa teni ŋan yaa pa nani yaa tanli n juagi ki cie a tana kuli. Ŋan da jie ba, ŋan da digibi bi nintuali mo, kelima bi tie nibuoyieko yo.»

Matie 10:28

Da jie mani yaaba n baa kpa ti gbanandi, ama ki nan kan fidi ki kpa o naano. Ama yin yaa jie mani yua n baa fidi ki bolini o naano leni ti gbanandi kuli ku *fantanbuogu nni.

Matie 10:31

Lanwani yin da jie mani pu kuli, yi pia mayuli ki cie i nuani boncianla.

Matie 10:39

Yua n bua ki kubi o miali baa biani li. Ama yua n baa biani o miali kelima mini yaa po baa le li.

Matie 16:25

Kelima yua n bua ki ga o miali baa biani li, ama yua n baa biani o miali kelima mini yaa po kuli, baa goa ki le li.

Matie 19:29

Yua mo n fii ki ŋa o diena, yaaka o naataanjaba, yaaka o naataanpola, yaaka o baa, yaaka o naa, yaaka o bila, yaaka o kuani kelima n yeli po, o baa baa likuli taalima kobiga kobiga, ki go baa yaa miali n kan gbeni.

Marki 10:29

Jesu den goa ki yedi o: «N waani yi i moamoani ke laa pia yua n fii ki ŋa o dieli, yaaka o naataanjaba, yaaka o naataanpola, yaaka o naa, yaaka o baa, yaaka o bila, yaaka o kuani kelima n yaa po leni o Laabaaliŋamo yaa po,

Marki 8:35

Kelima yua n bua ki ga o miali baa biani li. Ama yua n baa pa o miali n yaa po leni o Laabaaliŋamo yaa po kuli, go baa baa li.

Jan n diani U Tienu Laabaaliŋamo maama 14:1

Yin da yagi mani yi yama. Daani mani U Tienu, daani mani mini moko.

Jan n diani U Tienu Laabaaliŋamo maama 14:27

N ŋa yipo mi yanduanma. N puni yi n yaa yanduanme. Mii puuni yi ma nani ŋanduna n puuni maama ka. Yin da yagi mani yi yama, yin da jie mani.

Jesu Tondiba Tuona 9:16

N baa waani o wan baa le yaa fala kuli kelima n yeli po.»

2 Korenti 12:10

Lani yaa po ke n mangidi n pali leni ku tadingu, leni ti sugidi, leni mi luoma, leni bi niba n faligidi nni, leni ban mabindi nni kelima Kilisiti po. Kelima yaa yogunu ke n tadi, laa yogunu yo ke n pa.

Filipi 1:29

Kelima U Tienu n tieni yipo yaa ŋanbili yeni, laa tie ke yin daani Kilisiti bebe ka, ama yin go yaa laadi opo fala moko.

Jaki 1:12

Li pamanli ye leni yua n fidi ki juuni mi biigima nni. Kelima bi yaa biigi o ki pagi o yaa yogunu, o baa baa li miali badifogiliga, o Diedo n niani ke o baa pa yaaba n bua o kuli yaaga.

Jaki 5:11

Diidi mani, ti tua ke li pamancianli ye leni yaaba n laa fala ki go den juuni lienni. Yi gbadi Joba n den pia yaa juunli leni o Diedo n den yuandi ki puni o yaala o juodima yogunu. Kelima o Diedo pia mi niñingbadima ki go pia li *ŋanbili boncianla.

1 Pieri 3:6

nani Sala n den tiendi maama. O den tuodi ki ŋua Abalahama maama ki yi o o diedo. Yi tie Sala puoliŋuani moala, yi yaa tiendi yaala n ŋani, kaa tuo ke jawaandiba kuli cuo yi.