1 Pieri 3:1 - Gourmanchéma Bible

¹ Yinba bi puoba mo, yin yaa miindi yi yula yi ciaba kani, ke bi siiga tianba yaa tuo U Tienu maama, yi tagi n tie maama n teni ban tuo ki daani, baa ke yii maadi ba maamaba kuli,

U TIENU MAAMA TILI 2013

¹ Yinba bi puoba mo, yin yaa miindi yi yula yi ciaba kani, ke bi siiga tianba yàá tuo U Tienu maama, yi tagi n tie maama n teni ban tuo ki daani, ba ke yii maadi ba maamiba kuli.

1 Pieri 3:1 ပူးပေါင်းရင်းမြစ်များ

Mi cilima 3:16

O den yedi o pua: «N baa pugini apo fala ŋan punbi yaa yogunu. A baa maa leni fala. A gbanandi bonbuakaala baa ŋoadi a calo yaala, Ama o baa diedi a.»

Mi Kpanjama 11:30

O niteginka bontienkaala tie li miali tibu. O yanfodaano baadi bi niba ke bi ŋua o kelima o yanfuoma po.

Mi Kpanjama 18:19

A yaa tudi ŋan kpi leni yua, O naginma pa ki cie u dopaalu. Mi janjanma mo tie nani u dogu buliñoana sendabila yeni.

Matie 18:15

A lielo yaa tieni ti *tuonbiadi, gedi, fini leni wani yi lie lie, ki waani o o tagili. O yaa tuo a tundi, a ga a lielo yeni.

LOMA YAABA 10:16

Ama bikuli naa den tuo ki ŋoadi o Laabaaliŋamo. Esayi den doagidi la ki yedi: «O Diedo, ŋme daani ti maama?»

LOMA YAABA 6:17

Tin yaa tuondi mani U Tienu kelima baa ke yi den kpa tie ti tuonbiadi yonbi, yi den tuo leni payenli ki ŋoadi ban den bangi yi yaa bangima.

LOMA YAABA 7:2

Li tie nani li bali maama n loli o pua leni o calo hali o calo miali banlu kuli maama. Ama o ja yaa kpe, o pua yeni faabi leni yaa bali maama n luo o yeni.

1 Korenti 11:3

Baa yeni n bua yin bandi ke Kilisiti tie ja kuli yudaano, o ja mo tie o pua yudaano, U Tienu mo tie Kilisiti yudaano.

1 Korenti 14:34

li pundi bi puoba n yaa ŋmini a taana nni, kelima baa pia sanu ki maadi lienni. Ama ban yaa miindi bi yula, nani li *balimaama moko n bili maama.

1 Korenti 7:16

Fini o pua, a bani lede a yaa baa faabi a calo? Fini o ja mo, a bani lede a yaa baa faabi a pua?

Efesa 5:33

Li mayuli yinba yaa po tie ke ja kuli n yaa bua o pua nani wan bua o yuceli maama, pua kuli mo n yaa fangi o calo.

Kolosi 3:18

Yinba bi puoba, yin yaa miindi mani yi yula yi ciaba kani nani lan pundi o Diedo yaaba n yaa tiendi maama.

Kolosi 4:5

Yin yaa ye leni yaaba n kaa daani leni mi yanfuoma, ki da tuo yin ye leni ba yaa yogunu n bia fanma.

2 Tesaloniki 1:8

O baa doagidi u mupienu nni ki tu yaaba n kaa bani U Tienu leni yaaba n kaa tuo ki ŋoadi ti Diedo Jesu yaa Laabaaliŋamo, bi biadima panpaani.

Hebilunba 11:8

Li tie kelima li dandanli yaa po ke Abalahama den tuo ki tieni U Tienu n yedi o yaala wan den yini o yaa yogunu, ki fii ki gedi wan baa baa ki diedi yaa diema nni. O den fii ki caa kaa bani wan caa naankani.

Hebilunba 5:9

Wan den teni ke o ŋani ki dagidi cain yeni, o den tua yua n cuani yaa *tindima n kaa pia gbenma yaaba n tuo ki ŋua o kuli po.

1 Pieri 1:22

Moala yi ŋanbi yi yula leni yin ŋua i moamoani ke yin fidi ki yaa pia yaa buama n kaa pia tuonanma yi kpiiba po. Lanwani yin yaa bua mani yiyaba hali boncianla leni yi pala kuli.

1 Pieri 3:2

ama kelima bi nua yi tagi n ŋani ki go pia li fangili maama.

1 Pieri 3:7

Yinba bi podanba moko, yua kuli n yaa ye leni o pua leni mi yanfuoma, ki yaa faami ke bi tadi ki cie. Yin yaa jigindi ba, kelima bi moko taa leni yi ki baa U Tienu kani li *ŋanbili leni li miali. Yin yaa tiendi mani yeni ke liba kuli n da pigini yi jaandi.

1 Pieri 4:17

U yogunu pundi ke ti buudi baa cili leni U Tienu diegu. Lanwani li yaa tie ke ti buudi cili leni tinba, yaaba n yie kaa tuo ki tiendi U Tienu Laabaaliŋamo n yedi yaala mo yaa juodima baa tie lede?