1 Pieri 2:9 - Gourmanchéma Bible

⁹ Ama yinba wani, yi tie ban den gandi yaa nibuolu, o Bado yaa kopadicianba, yaa nibuolu n gagidi ki ŋani, wan baa yaa nibuolu o yuceli po. O yini yi ke yin ña li *biigili nni ki kua o yenma yaama n ŋani cain nni, ke yin yaa wangi o tuona yaa n ŋani boncianla.

U TIENU MAAMA TILI 2013

⁹ Ama yinba wani, yi tie ban den gandi yaa buolu, o Bado kopadicianba, yaa buolu n gagidi ki ŋani, wan baa yaa buolu o yuceli po. O yini yi ke yin ña li biigili nni, ki kua o yenma yaama n ŋani cain nni, ke yin yaa wangi o tuona yaa n ŋani boncianla.

1 Pieri 2:9 ပူးပေါင်းရင်းမြစ်များ

Pisomi 106:5

Lanwani ti baa le ŋan gandi yaaba yaa yemanma, Ki mangi ti pala leni a niba n pia yaa pamanli Ke tin fidi ki taani leni a niba ki jigini tiba.

Pisomi 118:27

Li Miali Diedo n tie U Tienu Ki puuni ti mi yenma. Bogini mani ki dadi ki padiyanga Hali li *padibinbinli yina kani.

Pisomi 135:4

Kelima Li Miali Diedo gandi o yuli po Jakobo, Ki teni ke o puoliŋuani Isalele yaaba tua wan die yaaba.

Pisomi 22:30

Baa ki tinga nni paatieba moko baa cua Ki je ki gbaani o nintuali. Yaaba n baa kpe ki guani mi tama nni, Baa cua ki gbaani o nintuali.

Pisomi 33:12

Li pamanli ye leni Li Miali Diedo n tie yaa nibuolu yaa Tienu. Li pamanli ye leni Li Miali Diedo n gandi yaa niba ki baa yaa die ba.

Pisomi 73:15

N yaa den jagi ke n baa maadi nani bani yeni, N den baa janbi a bila buolu.

Esayi 26:2

Luodi mani a buliñoana, Yaa nibuolu niba n tiegi yeni n kua Kelima bi tie nidugikaaba.

Esayi 41:8

Ama fini n naacemo Isalele, Fini Jakobo min gandi yua N danli Abalahama buolu!

Esayi 42:16

N baa teni a juama n tagini ban daa den bani yaa sanu, Ki gobidi ba yaa sanbila n den boani ba niinni. N baa teni yaa biigili n ye bi liiga n lebidi ki tua yenma. N go baa teni yaa sani n tie gbangbana mo n ladi ki dagini. N kan ŋa ba Lani n tie min baa tieni yaala n yeni.

Esayi 44:1

Moala yin cengi mani, yinba Isalele yaaba Yinba Jakobo puoliŋuani min gandi yaaba yeni.

Esayi 61:6

Ama yinba, bi baa yaa yi yi Li Miali Diedo yaa kopadicianba, Ki go yini yi ti Tienu naacenba. Yi baa je mi nilandiema kuli ŋalimani Ki yaa kpiagidi yi yula leni bi yaa kpiagidi.

Esayi 62:12

Bi baa yini ba: “Yaa niba n gagidi ki ŋani, Li Miali Diedo n da ki faabi yaaba.” Ki yini a mo: “Ban lingi yua, Ban ki ŋa yaa dogu.”

Esayi 66:21

N baa gandi bi siiga bi kopadicianba moko Bani Lefi buolu yaaba. Li Miali Diedo n yedi yeni.

Esayi 9:2

A teni ke u buolu yabidi. A puni ba li pamancianli. Bi pala mangi a nintuali nani u jetaagu yaa pamanli yeni. Nani bi niba n yen kuudi ki mangi bi pala Ti fagidi boagidima yogunu maama yeni.

Malaki 3:17

Li Miali Diedo, U Paaciamu Kuli Daano yedi: «Min baa doagidi n paalu yaa daali, Laa niba kuli baa tua n yaa niba, Bi baa yaa tie mini nba cele yaa niba. N baa gbadi bipo mi niñima, Nani o nilo n gba mi niñima maama O bijua yua n tuuni opo yeni.

Matie 4:16

Laa niba, yaaba n den ye li *biigili nni, di laa mi yencianma. Laa yenma yendi bani, Yaaba n den ka mi kuuma leni mi jinjingu n den die naankani.»

Matie 5:16

Yeni yin cedi mani yi yenma n yendi yeni bi niba kani ke ban le yi tuonŋama ki kpiagi yi Baa yua n ye tanpoli po.

Luki 1:79

Ki baa yendi yaaba n ye li *biigili nni Leni mi kuuma jinjingu nni po, Ki gobidi ti ke tin kua ki yaa cuoni Mi yanduanma sanu nni.»

Jan n diani U Tienu Laabaaliŋamo maama 17:19

N gagidi ki ŋanbi n yuli apo ke bani moko n gagidi ki ŋanbi apo i moamoani nni.

Jesu Tondiba Tuona 20:28

Yin yaa fangi mani yi yula po ki go yaa gu u yankulu kuli, yu n tie Kilisiti n yini yaaba, U Tienu Fuoma Yua n kaani yi yaaba yaa siiga ke yin yaa tie bi gobidikaaba, ki tie nani bi yankpaaba ki yaa kpaa U Tienu nitaanli yaaba, wan da yaaba leni o soaceli.

Jesu Tondiba Tuona 26:18

N soani a bikani ke ŋan ŋubidi bi nuni, ki ñani ba li *biigili nni ban kua mi yenma nni, ki ñani ba Sutaani paalu nni, ban cua U Tienu kani. Lani ban baa bi *tuonbiadi sugili, ki baa bi u kaanu U Tienu gagidi ki ŋanbi yaaba kelima li *dandanli po yaa siiga.›

Jesu Tondiba Tuona 26:28

Agilipa den goa ki yedi Polo: «Li sieni waamu ŋan teni min tua Kilisiti yua.»

LOMA YAABA 9:24

Lani n tie tinba, wan yini yaaba. Waa yini ti yaaba n tie Jufinba siiga bebe ka. Ama o go yini ti yaaba n kaa tie Jufinba moko yaa siiga.

1 Korenti 3:17

Yua n bolini U Tienu diegu kuli, U Tienu baa bolini o. Kelima U Tienu dieli gagidi ki ŋani, yinba n tie laa dieli.

Efesa 1:14

U Tienu Fuoma Yua yeni tie tipo i *kpaaligi *U Tienu diema ŋalimani po, yaala n doagidi ke U Tienu baa faabi ti cain ke tin yaa pagi o kpiagidi.

Efesa 1:6

Lanwani tin yaa pagi o ŋanbili yaali n pia ti kpiagidi, wan puni ti yaali kelima o *Bijabuadiga po.

Efesa 3:21

wani n yaa baadi ti kpiagidi Kilisiti n yini yaaba siiga leni Jesu Kilisiti yaa po hali nifiima n tu nifiima hali yaa yogunu kuli. Amina!

Mi Tiadima 10:15

Ama Li Miali Diedo den gandi yi yaajanba ki kuani o yama bi niinni. Bi yaa puoli ke o den gandi yinba leni yi yaa puoliŋuani i nibuoli kuli siiga nani yin nua la maama dinla.

Mi Tiadima 14:2

Kelima yi tie yaa nibuolu n gagidi ki ŋani Li Miali Diedo yi Tienu po. Lani Li Miali Diedo yi Tienu den gandi yi ki tinga nibuoli kuli siiga ke yin tua wan die yaa nibuolu.

Mi Tiadima 18:2

Bi kan je faali bi kpiiba siiga. Li Miali Diedo n baa tie bi faali nani wan yedi maama.

Mi Tiadima 4:20

Ama yinba, Li Miali Diedo taa yi ki ñani yi Ejipiti kudi buaga nni, ke yin tua yaa niba tie o yaa yaaba nani yin tie maama dinla.

Mi Tiadima 7:6

Kelima yi tie yaa nibuolu n gagidi ki ŋani Li Miali Diedo yi Tienu po. Li Miali Diedo yi Tienu gandi yi ke yin tua i nibuoli siiga, o yaa nibuoliceli mi tinfanma nni.

Filipi 3:14

Yeni n tiini ki cuubi n nuama juodima, ki baa baa laa panpaani. Lani n tie U Tienu n yini nni min baa yaa panpaani tanpoli po Jesu Kilisiti nni.

Kolosi 1:13

O faabi ti ki ñani ti li *biigili paaciamu nni ki kuani ti o *Bijabuadiga yaa diema nni.

2 Timote 1:9

O den faabi ti ki yini ti yaa yiinu n gagidi. Waa den tieni yeni kelima ti tuonŋama po ka, li tie kelima o yanjagili leni o ŋanbili po, wan den tieni tipo yaala Jesu Kilisiti nni hali ke ŋanduna daa tagi.

Titi 2:14

O den puni o yuli ki kpe tipo ke wan da ki faabi ti leni mi biadima kuli, ki ŋuudi ki ŋanbi ti tin tua wani n die yaaba, yaaba n baa pia li yankuali a tuonŋama po.

1 Pieri 1:2

U Tienu yua n tie Baa den gandi yi nani wan den tuodi ki bani ki jagi maama, ki teni ke o Fuoma gagidi yi ke yin yaa tuodi ki tiendi Jesu Kilisiti n yedi yaala, ke o soama mo n mii ki ŋanbi yi. Li *ŋanbili leni mi yanduanma n yaa pugidi yipo boncianla.

1 Pieri 2:5

Yinba yaaba moko n tie nani yaa tana n fo, teni mani ban maa yi yin tua U Tienu diegu, o Fuoma n ye naankani. Lani, yi baa tua yaa kopadicianba n gagidi U Tienu po, ki padi opo yaa pada n gagidi, ki go mani opo kelima Jesu Kilisiti yaa po.

1 Pieri 4:11

O nilo yaa maadi, lan yaa tie ke wangi U Tienu maama. Yua n tuuni U Tienu tuonli, wan yaa tuuni leni U Tienu n puuni o yaa fidu. Yin yaa tiendi yeni ke wani U Tienu n yaa baadi ti kpiagidi li bonla kuli nni kelima Jesu Kilisiti po, wani yua n die ti kpiagidi leni u paalu kuli hali yaa yogunu kuli. Amina!

Mi Doagidima 1:6

ki go teni ke ti tua kopadicianba diema o Baa U Tienu po, n baa ti kpiagidi leni u paaciamu hali yaa yogunu kuli. Amina!

Mi Doagidima 20:6

Li pamanli ye leni yaa nigagidiŋanba n fii bi tinkpiba fiikpiama nni. Mi kuliedima naa pia paalu bi yaa po, ama bi baa tie U Tienu leni Kilisiti yaa kopadicianba, ki taani ki yaa die leni Kilisiti hali bina tudili.

Mi Doagidima 5:10

A teni ke bi tua diema Leni kopadicianba U Tienu po. Bi baa diedi ki tinga nni.»

1 Samueli 12:22

Kelima Li Miali Diedo yeli n pia yaa kpiagiciandi yaa po, o kan ŋa yi, kelima o den jagi o yama po ke yi baa tua o yaa niba.