1 Pieri 2:24 - Gourmanchéma Bible

²⁴ Wani yua n den tugi ti tuonbiadi O gbanandi nni ku daagu po, Ke tinba yaaba n kpe ti tuonbiadi po yeni, N yaa di ye ki fo ki baa tiendi mi teginma. Li tie kelima o poagilima yaa po ke yi paagi.

U TIENU MAAMA TILI 2013

²⁴ Wani yua n den tugi ti tuonbiadi O gbanandi nni ku daagu po, Ke tinba yaaba n kpe ti tuonbiadi po yeni, N yaa ji ye ki fo, ki tiendi mi teginma. Li tie o poagilima yaa po yo, ke yi paagi.

1 Pieri 2:24 ပူးပေါင်းရင်းမြစ်များ

Mi cilima 22:6

Abalahama den taa mi padifantama yaa daadi ki tuni o bijua Isaaka ki kubi mi fantama leni ki juga o nuu nni. Bani bonba lie kuli den cuoni ki caa.

Pisomi 147:3

O duandi yaaba yaa pala n biidi yama Ki buu bi poagilima mo.

Pisomi 38:4

Laafia naa ye n gbanandi nni kuli Kelima a pabiencianli po Fidu ki go ye n kpaba nni kelima n *tuonbiadi po.

Mi Ñama 28:38

Laa bonla baa ye Alono yutunli po. Alono baa tugi Isalele yaaba tagili a pada po, li baa yaa ye o yutunli po wan baa cua Li Miali Diedo nintuali yaa yogunu kuli lan tie wan fidi ki tuo bi miabu.

Mi Kpanjama 20:30

Mi poagilima nala tie ñoagoe mi biadima po. Baa li puapuali mo tie ñoagoe hali li pali tugu nni.

Esayi 53:11

Wan laa yaa fala lipo yeni, O baa le li ñuadi Leni ban baa bandi o maama po Wani n naacemo yua n tiegi yeni baa saa niba boncianla po moamoani Ki taa bi tagili ki tugi.

Levi 16:22

Li ŋuabuali baa tugi laa tagili kuli ki gedi ki tinkuonga nni. Bi baa deli ki gedini li mi fanpienma nni.

Levi 22:9

Ban kubi n ñoabonli yeni kuli, ke ban da ti kua*tuonbiadi nni kelima jiema po. Bi yaa joagini laa jiema mo bi baa kpe. N tie Li Miali Diedo Yua n Gagidi ki ŋanbidi ba.

Mi Coadima 18:22

Isalele yaaba kan go nagini u Kadikaanu gbandieli ke ban da ti tugi tuonbiadiba ki kpe.

Matie 27:26

Lani, Pilata den faabi bipo Balabasa. O den teni ke bi pua Jesu i baliji, ki teni o bi nuu nni ban ban joani o li dapoanpoanli po.

Matie 5:20

N waani yi, yi teginma yaa cie li *bali maama bangikaaba leni *Falisieninba, yi kan kua tanpoli diema nni.

Matie 8:17

O den tieni yeni ke o sawalipualo Esayi n den maadi yaa maama n tieni: Wani oba n den taa ti tadingu, Ki tugi ti yiani.

Marki 15:15

Pilata den bua ki mangi ku niligu pali, lani yaa po o den faabi bipo Balabasa. O den teni ke bi pua Jesu i baliji, ki taa o ki teni a minteela ban ban joani o li dapoanpoanli po.

Luki 4:18

O Diedo Fuoma ye n niinni Kelima o gandi nni Ke min yaa wangi a luoda o Laabaaliŋamo. O soani nni ke min kpaani i yonbi *faabima. Ke min pa a juama mi nunnualima. O soani nni ke min yaa faabidi ban miabi yaaba,

Jan n diani U Tienu Laabaaliŋamo maama 1:29

Lan den fii ki fa, Jan den laa Jesu ke o kpendi o kani ki yedi: «Diidi mani U Tienu Pebiga, yua n tugi ki ñandi ŋanduna *tuonbiadi.

Jan n diani U Tienu Laabaaliŋamo maama 19:1

Lani Pilata den teni ke a minteela taa Jesu ki pua o i baliji.

Jesu Tondiba Tuona 10:35

Yua n fangi o ki tiendi yaala n tiegi, wan tie yaa nibuolu yua kuli, baa fidi ki cua o kani.

Jesu Tondiba Tuona 10:39

Ti tie siedinba wan den tieni yaala Jufinba diema nni leni Jelusalema nni kuli. Bi den joani o ku daagu po ki ku o.

Jesu Tondiba Tuona 13:29

Ban den kuani i Diani n den maadi opo yaa maama kuli ki dudi, bi den joandi o ku daagu po, ki ban duani o li kuli nni.

Jesu Tondiba Tuona 5:30

Yin den joani Jesu yua ku daagu po ki ku o, ti yaajanba Tienu fiini o bi tinkpiba siiga.

LOMA YAABA 6:11

Yi moko n yaa nua mani yi yula ke yi kpe ki paadi leni ti tuonbiadi, ki nan ye ki fo U Tienu po Jesu Kilisiti nni.

LOMA YAABA 6:13

Yin da go teni ti tuonbiadi n diedi yi gbananbuoli, ke ti tuonbiadi n taa ki yaa tiendi mi biadima. Ama yin teni U Tienu yi yula nani yaaba n fii bi tinkpiba siiga ki go ye ki fo yeni. Yin yaa puuni mani yi gbananbuoli U Tienu ki yaa tiendi yaala n tiegi.

LOMA YAABA 6:16

Yii bani ke yin teni yua yi yula nani i yonbi yeni ki tuo ki ŋua o maama kuli, yi tie o yonbi kaa? Li yaa tie ti tuonbiadi yaadi n baa yuandi ki cuani mi kuuma, bi U Tienu tuoma yaama n baa yuandi ki cuani yipo li *moamoansaali.

LOMA YAABA 6:2

Kalam. Tinba yaaba n den kpe ki paadi cain leni ti tuonbiadi, ti baa ga lede ki go yaa ye ti tuonbiadi nni?

LOMA YAABA 6:22

Ama moala ke yi faabi leni ti tuonbiadi yonbidi ki tua U Tienu yonbi, yin baadi yaala lienni tie mi gagidiŋanma, ke likuli baa cuani yaa miali n kan gbeni.

LOMA YAABA 6:7

Kelima yua n kpe kuli faabi leni ti tuonbiadi.

LOMA YAABA 7:6

Ama moala, ti faabi leni li bali maama kelima ti kpe ki paadi leni yaala n den kpa luo ti nani a kpaada yeni. Lani yaa po U Tienu Fuoma gobidi ti ke ti tuuni U Tienu po leni yantiapanli ke laa go taa leni tin den moandi ki baa ;noadi yaala n diani li bali maama nni maama.

1 Korenti 15:3

N den kpa waani yi mini nba n den baa yaa bangima, lani n tie ke Kilisiti den kpe ti yaa *tuonbiadi po nani i Diani n yedi maama,

2 Korenti 6:17

Lani yaa po o Diedo go yedi: ‹Yin ña mani bi siiga Ki paadi leni ba, Ki da sii yaala n *joagini kuli, Lani n baa ga yi.›

Galati 3:13

Kilisiti den da ki faabi ti leni li bali maama yaa solindi, ki den tua ti solindi ti yaa po, kelima li diani: «Ban joani yua ku daagu po kuli tie ti solindi yua.»

Efesa 5:9

Kelima mi yenma n baa luoni yaa bonluonkaala tie li *ŋanbili leni mi teginma leni i moamoani.

Filipi 1:11

Yeni, yi baa yaa tuuni mi *teginma tuona ya n ñani Jesu Kilisiti kani, lan tua ti kpiagidi leni ti pagidi U Tienu po.

Kolosi 2:14

O den bolini yaa tili yaa diani N den buni ki cuo ti ki doagidi Tin den yie o mabilikaama maama, Ki kpaa ki tabini laa tili Li *dapoanpoanli po ki bolini li.

Kolosi 2:20

Yi yaa kpe leni Kilisiti, yi paadi leni ŋanduna maasuagu. Be yaa po ke yi go tuo ke ŋanduna kuana die yi nani yi da tie ŋanduna yaaba yeni?

Kolosi 3:3

Kelima yi kpe, ke yi miali mo wuo leni Kilisiti U Tienu kani.

Hebilunba 10:10

Kelima U Tienu yanbuama yeni po Kilisiti den puni o gbanandi ki tua li padili ki kpe tipo yenma ke li dagidi yogunu kuli po, ki gagidi ki ŋanbi ti.

Hebilunba 10:5

Li tie lani yaa po ke Kilisiti n den kua ŋanduna nni yaa yogunu, o den yedi: «Ŋaa bua li padili leni bu paabu kuli, Ama a tagi npo ti gbanandi.

Hebilunba 12:13

Yi taana n yaa ŋua yaa sani n cuubi ke yua n diani taali n da kpigidi, ama lin paagi.

Hebilunba 7:26

Wani n tie yaa kopadicianba bado buolu n dagidi tipo. Kelima o gagidi ki ŋani cain, waa pia tagiliba kuli, *tuonbiadiba kuli mo ki ye o niinni. O paadi leni ti tuonbiadi danba, U Tienu den duoni o ke o pendi tanpoli kuli.

Hebilunba 9:28

Li tie yeni ke Kilisiti den padi o yuli ki kpe yenma, ki tugi bi nisaaliba boncianla tuonbiadi. O go baa cua mi liema ki doagidi o yuli ke li kan go yaa tie ti tuonbiadi ñanma po ka, ama yaaba n den gu o *tindima po.

Jaki 5:16

Lanwani yin tuo mani yi tuonbiadi yiyaba nintuali, ki go yaa jaandi yiyaba po ke yin paagi. O niteginka jaandimoani pia u paalu hali boncianla.

1 Jan 2:29

Yi yaa bani ke o tiegi, yin bandi mani ke yua n tiendi yaala n tiegi kuli tie wan mali yua.

1 Jan 3:7

N bibuadimu, yin da tuo mani ke oba kuli n boandi yi. Yua n tiendi yaala n tiegi, o tiegi nani Kilisiti n tiegi maama.

Mi Doagidima 22:2

U dogu fanma siiga leni u kpenciamu boanjaalieda po yaa miali n kan gbeni tibu ye ki luoni piiga n taalima lie binli kuli, ŋmaali kuli yenma. Bu faadi baa tie i nibuoli paagima po.