1 Pieri 2:12 - Gourmanchéma Bible

¹² Yin yaa pia mani u tagiŋamu bi *nilanba siiga. Lanwani, baa bi yaa kuli yi ke yi tiendi yaala n bia, ban le yi tuonŋama, ki kpiagi U Tienu, o cuama daali.

U TIENU MAAMA TILI 2013

¹² Yin yaa pia u tagiŋamu bi nilanba siiga. Lanwani, ba bi yaa kuli yi ke yi tiendi yaala n bia, ban le yi tuonŋama, ki kpiagi U Tienu, o cuama daali.

1 Pieri 2:12 ပူးပေါင်းရင်းမြစ်များ

Pisomi 37:14

Bi nibiadiba baa noadi bi jugisiemu, Bi kpali bi dabana Ki bua ki guli o niñinnilo leni o luodo, Ki bua ki kodi yaaba yaa sani n tiegi.

Pisomi 50:23

Yua yaa padili n tie ti pagidi, mini U Tienu po, Wani n kpiagidi nni. Yua n kubi o sanu ke u tiegi, N baa teni wan le mini U Tienu *faabima.

Esayi 10:3

Yi baa tieni lede fala daali leni yaa yebiadima n ye foagima ki kpendi yeni po? Yi baa sani ki gedi ŋme yaa po yo ki baa mi todima? Yi baa ŋa yi piama le yo?

Danieli 6:4

Danieli den cie o yudanlieba leni gufeneelinba yeni kuli kelima o den pia o niinni yaa yantiali n ŋani ki cie bikuli. Lani o bado den jagi ke o baa dini Danieli li bali wan todi o ki yaa die mi diema kuli.

Matie 10:25

Li dagidi o ŋoadika n yaa tie nani o canbaa, o naacemo mo n yaa tie nani o daano yeni. Bi yaa yini o diedaano *Belisebu, laa pia tama ke bi baa sugidi o diegu nni yaaba ki cie.

Matie 5:11

Li pamanli ye leni yi bi niba yaa sugidi yi ki wangi yi falabiado ki maadi yipo mi mabiadima kelima mini yaa po.

Matie 5:16

Yeni yin cedi mani yi yenma n yendi yeni bi niba kani ke ban le yi tuonŋama ki kpiagi yi Baa yua n ye tanpoli po.

Matie 9:8

Ku niligu n den laa lani, ti jawaandi den cuo ba, ke bi kpiagi U Tienu leni wan puni bi nisaaliba laa paalu buolu.

Luki 1:68

«O Diedo Isalele Tienu n baa ti pagidi, Kelima o laa o niba po ki da ki faabi ba.

Luki 19:44

ki bolini a, fini u dogu yeni leni a niba kuli, ki mudi a diena, ki kan ŋa baa tanyenli n yaa maa liyali po. Lankuli baa tieni kelima ŋaa den bani U Tienu n den cua ki baa faabi a yaa yogunu.»

Luki 6:22

Li pamanli ye leni yimo bi niba yaa nani yi, ki deli yi ki ñandi bi siiga, ki sugidi yi, ki sengi yi nani ti bonjoagindi yeni kelima o Ja Bijua yaa po.

Jan n diani U Tienu Laabaaliŋamo maama 13:31

Judasa n den ñani, Jesu den yedi: «Moala o *Ja Bijua baa ti kpiagidi. U Tienu mo baa ti kpiagidi kelima opo.

Jesu Tondiba Tuona 15:14

«N kpiiba, cengi mani nni. Simono togidi U Tienu n den kpa noanli ki laa bi nilanba po maama, ki gandi bi siiga yaa niba n baa tie o nibuolu.

Jesu Tondiba Tuona 24:13

Bi kan fidi ki baa yaa siedi n baa doagidi ke ban maadi npo yaa maama a kani moala tie moamoani.

Jesu Tondiba Tuona 25:7

Polo n den cua, Jufinba, yaaba n ñani Jelusalema, den lindi o ki maadi opo ki kuliti o leni yaa maama n yaba ki bia boncianla, ban kan fidi ki doagidi ke yaama n tie moamoani.

Jesu Tondiba Tuona 28:22

Die ti bua ki gbadi a kani ŋan sua yaala, kelima ti bani ke bi yie u naa jaanbuolu i kaani kuli.»

LOMA YAABA 12:17

Yin da guani oba mi biadima kelima wan tieni yi yaa biadima po. Yaa lingi mani yaala n ŋani bi niba kuli nintuali.

LOMA YAABA 13:13

Tin yaa tiendi mani yaala n dagidi nani bi niba n tiendi yaala u yensiinu, ki da tuo mi jiema n diedi ti yantiana, ki foagidi leni li dañoli, leni mi *conconma leni ti cagindi, leni mi niama leni li nunponli.

LOMA YAABA 14:18

Yua n tuuni Kilisiti po yeni, U Tienu pali baa mani leni o, bi nisaaliba mo baa saa opo i moamoani.

LOMA YAABA 15:9

ki go teni ke bi nilanba moko n kpiagi U Tienu o niñigbadima po. Nani lan diani maama: «Lani yaa po n baa pagi a I nilanbuoli siiga, N baa yiini ki kpiagi a yeli.»

1 Korenti 14:25

Yaala n wuo o pali nni kuli baa wuodi. Lanwani o baa labini U Tienu nintuali ki kpiagi o ki yedi ke U Tienu ye yi siiga moamoani.

2 Korenti 1:12

Tin jigini ti yula yaala yaa po tie ke ti pala siedi doagidi ke ti ye ŋanduna nni leni yaa tagu n gagidi leni yaa yantugupiendi n ñani U Tienu kani. Yaala n cie mo tie ke ti tagu den tie yeni yi moko yaa siiga. Tii den pia laa tagiŋamu kelima o nisaalo yanfuoma po ka, ama kelima U Tienu ŋanbili po.

2 Korenti 13:7

Tin miadi U Tienu yaala tie ke yin da tiendi yaala n bia baa waamu. Laa tie ti bua ki yaa tie nani ban biigi ki pagi yaaba ka, ama ti bua ke yin yaa tiendi yaala n tiegi, baa li yaa naani ke bi biigi ti ki sua ke ti poadi.

2 Korenti 8:21

Kelima tii lingi yaala n ŋani o Diedo nintuali bebe ka, ti lingi la bi nisaaliba moko yaa nuni po moko.

Efesa 2:3

Tikuli den kpa tie yeni, ki tiendi nani laa niba n tiendi maama moala, ki ŋua ti gbanandi bonbuakaala, ki tiendi ti gbanandi leni ti yantiana n bua yaala kuli. Ti den mali ki tie U Tienu pali n be leni yaaba nani bi nisaaliba kuli yeni.

Efesa 4:22

Lani n tie ke yin da go tie nani yin den kpa tie maama. Ama yi siiga yua kuli n landi o tagikpelu nani li liadili yeni, o yanbuabiadima boandi n den biidi yu.

Filipi 1:27

Lanwani bonyenla tugi li yuli, lani n tie ke yi tagi n yaa de leni Kilisiti yaa Laabaaliŋamo. N yaa fidi ki cua yikani ki laa yi, leni n yaa fidi ki cua, min yaa gba ke yi se bonŋanla ki pia yantiayenli, ki moa o Laabaaliŋamo n cuani yaa dandanli yaa muali.

Filipi 4:8

N kpiiba, yaa maama n sieni tie mine: yin yaa tia mani yaala n tie moamoani kuli, leni yaala n pia ti jigidi kuli, leni yaala n tiegi kuli, leni yaala n ŋani kuli, leni bi niba n baa bua yaala ki faadi la kuli, leni yaala n pia siediŋamo, leni yaala n pia ti bulicindi ki pundi bi niba n pagi la kuli.

1 Tesaloniki 4:12

Yin yaa tiendi yeni ke yaaba n kaa daani n yaa nua yi ke yi tie nimoanba ki jigindi yi, ke yin da dugi nitoa todima po.

1 Timote 2:2

leni bi badiba leni bi yudanba kuli po, ke tin baa ki yaa ye leni mi yanduanma leni mi yansoangima, ki ŋua U Tienu ke li dagidi ki go tiegi.

1 Timote 4:12

Ŋan da tuo ke niloba kuli n fali a kelima a tie jawaalo. Ama ŋan tua li bontogidikaala bi nidugikaaba po a maama nni, a tagu nni, a buama nni, a dandanli nni leni a yantugupiengu nni kuli.

1 Timote 5:10

ki tie bi niba n pagi yua o tuonŋama po, ki go tie yua n den wubi a bila, ki gaani bi canba cangu leni mi buama, ki nigidi bi*nigagidiŋanba taana, ki todi yaaba n ye leni fala, ki tieni a tuonŋama buoli kuli.

Hebilunba 13:18

Yaa jaandi mani tipo. Kelima ti bani cain ke ti pala siedi ŋani ki go bua ti tagi n yaa tiegi li bonla kuli nni.

Hebilunba 13:5

Yin da pa mani yi yula i ligi buama po. Ama yin yaa mangidi yi pala leni yin pia yaala moala kelima U Tienu yedi: «N kan ŋa ŋa, N kan lu ŋa hali abada.»

Jaki 3:13

Yi siiga ŋme tie o yanfodaano ki pia mi bandima ki fani? Wan doagidi o tagiŋamu nni o tuonŋama ya n yegi leni li yumiinli leni mi yanfuoma.

1 Pieri 2:15

Lanwani U Tienu bua ke yin yaa tiendi yaala n ŋani yeni ki fidi ki mubini bi yanboandanba leni bi yanpiidanba ñoana.

1 Pieri 3:16

Ama lan yaa tie leni mi dingima leni li fangili. Yaa pia mani yaa pali siedi n ŋani, lani, baa bi yaa sugidi yi ki kuli yi ke yi tie i tagili danba, yaaba n sugidi yin pia yaa tagiŋami Kilisiti nni yeni n le i fe.

1 Pieri 4:11

O nilo yaa maadi, lan yaa tie ke wangi U Tienu maama. Yua n tuuni U Tienu tuonli, wan yaa tuuni leni U Tienu n puuni o yaa fidu. Yin yaa tiendi yeni ke wani U Tienu n yaa baadi ti kpiagidi li bonla kuli nni kelima Jesu Kilisiti po, wani yua n die ti kpiagidi leni u paalu kuli hali yaa yogunu kuli. Amina!

2 Pieri 3:11

Lanwani, nani laa bonla kuli n baa nandi ki bodi yeni, li pundi yi tagu n gagidi ki yaa ŋani, ki go tuo U Tienu n yaa die yi cain.

Ruti 3:14

O den dua o taana kani ki faa fii hali ke li daa yendi. Boasa ki den bua ban bandi ke o pua kua u jalu nni.