1 Pieri 1:7 - Gourmanchéma Bible

⁷ Laa bonla cua ki baa doagidi yi dandanli n moani maama. Wula, baa ke o tie bonmoanla, baa fidi ki biidi, ama bi yen biigi o leni mi fantama. Li tie yenma leni yi dandanli, yaala n tie bonmoanla ki cie wula ban baa biigi yaali ki bandi lin moani maama, ke yin baa ti pagidi leni ti kpiagidi leni ti jigidi Jesu Kilisiti n baa doagidi yaa yogunu.

U TIENU MAAMA TILI 2013

⁷ Laa bonla cua ki baa doagidi yi dandanli n moani maama. Wula, ba ke o tie bonmoanla, baa fidi ki biidi. Ama bi yen biigi o leni u mu. Li tie yenma leni yi dandanli, yaala n tie bonmoanla ki cie wula, ban baa biigi yaali ki bandi lin moani maama. Lani n tie yin baa ti pagidi, ti kpiagidi leni ti jigidi Jesu Kilisiti n baa doagidi yaa yogunu.

1 Pieri 1:7 ပူးပေါင်းရင်းမြစ်များ

Jobi 23:10

Ama o nan bani n sanu n tie yu. O yaa ti biigi nni yaa yogunu n baa ña ki ŋani nani wula yeni.

Jobi 28:1

Li pia ban ñandi ŋanjilifa naani Leni ban ŋanbidi wula mo naani.

Pisomi 17:3

Diidi n pali bonŋanla, ki goandi li ku ñiagu, A biigidi nni, ama ŋaa la tagiliba kuli N maama naa pendi n yankpaagili.

Mi Kpanjama 16:16

Ki moandi ki baa mi yama cie wula, Ki moandi ki baa mi yanfuoma mo cie ŋanjilifa.

Mi Kpanjama 17:3

Bi biigidi ŋanjilifa leni wula ki buaga nne, Ama yua biigidi a pala wani n tie Li Miali Diedo.

Mi Kpanjama 8:19

N bonluonkaala pia mayuli Ki cie wula, baa o wulaŋanmoano N bonluonkaala n kpendinni yaala cie ŋanjilifa.

O Yanfuodaano 5:14

Wan ñani o naa tugu nni maama, o baa kua ki tinga nni yene, mubima kaa kubi liba. O kan taa o tuonli nni liba kuli ki baa gedini.

Esayi 48:10

N den tongi ki nandi yi ki baa biigi Ke laa tie nani ban nandi ŋanjilifa maama ka. Ama n den biigi yi leni fala.

Jeremi 48:36

N mua n pali nni Moabi leni Kili-Elesi niba po nani ki kuyeliga n piebi maama yeni, kelima ban baa yaa ñuadi kuli bia fanma.

Jeremi 9:7

Bi landi tie nani yaa piemi n sondi bonŋanla yene. Bi li pia i boandi bebe. Bi baa maadi leni bi yieninlielo mi yanduanma maama, Ki nan bani bi pala nni ke bi dia o ku diagu.

Sakari 13:9

N baa ŋaani bani yaaba n sieni ki fo yeni, Nani ban yen tieni ŋanjilifa leni wula mi fantama nni maama Ki ñani ti joagindi yeni. Bi baa yaa jaandi ki miadi nni, N baa yaa guandi bipo bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

Malaki 3:3

O baa kali nani yua duadi ŋanjilifa u maafanu nni, Ki ñandi ti joagindi yeni. O baa ŋanbi Lefi puoliŋuani, Ki ñani bipo bi *joagindi, Nani ban ñandi wula leni ŋanjilifa joagindi maama. Yeni, bi go baa fidi ki padi Yaa pada n tiegi Li Miali Diedo po.

Mi Coadima 5:28

Ama li yaa tie ke o pua yeni naa joagini oba, tagiliba kan yaa ye opo, wan go baa a bila mo.

Matie 19:28

Jesu den goa ki yedi ba: «N waani yi i moamoani, li bonla kuli yaa goa ki pandi yaa yogunu, ke o *Ja Bijua mo kali o bali kalikaanu po leni ti kpiagidi kuli, yinba yaaba n ŋua nni, yi moko baa kali piiga n bali kalikaani lie po ki jia Isalele piiga n buoliedi buudi.

Matie 25:21

O canbaa den yedi o: ‹Li ŋani, n naacendugika, a teni ke n dugi apo li bonwaala po, n baa teni ŋan diedi boncianla. Cua ki taani ki mangi a pali leni nni.›

Matie 25:23

O canbaa den yedi o: ‹Li ŋani, n naacendugika, a teni ke n dugi apo li bonwaala po, n baa teni ŋan diedi boncianla. Cua ki taani ki mangi a pali leni nni.›

Luki 12:33

Kuadi mani yin pia yaala, ki pa a luoda yin kuadi ki baa yaa ligi. Ŋanbi mani yi yula po tanpoli po yaa ligiboaga n kan biidi leni yaa ŋalimani n kaa pia gbenma, a concona n kan nagini naankani, ti lulugidi mo n kan lugi ki bolini naankani.

Luki 17:30

Li go baa tua yene o Ja Bijua n baa doagidi o yuli yaa daali.

Jan n diani U Tienu Laabaaliŋamo maama 12:26

O nilo yaa tuuni npo, wan yaa ŋua nni. Min baa ye naani, wani n naacemo mo baa ye lankani. Yua n tuuni npo kuli, n Baa baa jigini o.

Jan n diani U Tienu Laabaaliŋamo maama 5:44

Yi tuo ki baadi ti kpiagidi yiyaba kani, ama yii lingi yaa kpiagidi n ñani U Tienu yua n kaa pia lielo kani. Yin tiendi maama yeni, yi baa ga lede ki dugi npo?

Jesu Tondiba Tuona 8:20

Pieli den yedi o: «Fini leni a ligi kuli n bodi, kelima a tama ke a baa pa i lige ki baa U Tienu paabu.

LOMA YAABA 2:10

Ama yua n tiendi yaala n ŋani kuli, ki cili Jufinba ki ŋoadi bi nilanba, U Tienu baa pa ba ti kpiagidi leni ti jigidi leni mi yanduanma.

LOMA YAABA 2:29

Yua n tie Jufi moamoani, tie yua n tie yeni hali o pali tugu nni. Ku koanciagu moko ;nua U Tienu Fuoma n tieni yaala o nilo pali nni, ke laa ;nua li bali maama ka. Yua n tie yeni naa baadi ti pagidi bi niba kani ka, ama U Tienu kani.

LOMA YAABA 2:7

Yaaba n tiendi yaala n ŋani kaa cedi, ki lingi U Tienu kani ti kpiagidi leni ti jigidi leni yaa miali n ki pia kuuma, U Tienu baa pa ba yaa miali n kan gbeni.

LOMA YAABA 8:19

Mi tagima kuli gu leni mi sugincianma U Tienu n baa doagidi o bila yaa yogunu.

1 Korenti 3:13

kelima ti buudi daali baa waani la. Mi fantama baa doagidi yua kuli n soani yaala. Mi baa biigi yua kuli tuonli ki waani lan tie yaala.

1 Korenti 4:5

Lani yaa po yin da ja ti buudi liba kuli po hali ke li yogunu daa pundi. Yaa gu mani o Diedo cuama, wani yua n baa yendi yaala n wuo li*biigili nni, ki go doagidi yaala n den wuo a pala nni. Laa yogunu nilo kuli baa baa U Tienu kani lan pundi wan baa yaa pagidi.

Jaki 1:12

Li pamanli ye leni yua n fidi ki juuni mi biigima nni. Kelima bi yaa biigi o ki pagi o yaa yogunu, o baa baa li miali badifogiliga, o Diedo n niani ke o baa pa yaaba n bua o kuli yaaga.

1 Pieri 1:13

Lani yaa po yin bogini, yi yantiana mo n yaa se kaanyendu, ki bili yi suginma yin baa baa yaa ŋanbili nni Jesu Kilisiti n baa doagidi yaa yogunu.

1 Pieri 1:5

O bili la yinba yaa po, wani U Tienu paaciamu n kubi yaaba kelima li *dandanli po, yaa *tindima n baa yuandi ki doagidi mi juodima yogunu po.

1 Pieri 2:4

Yaa kpendi mani o Diedo kani, wani yua n tie yaa tanli n fo kani, bi nisaaliba n den yie ki luni yaali, ama U Tienu n den gandi yaala ke li pia mayuli boncianla.

1 Pieri 2:7

Laa tanli tie jigidi yinba yaaba n daani po. Ama yaaba n kaa daani po yaa po, li tie: «Bi tanmaaba n den yie yaa tanli, Lini n tua li tanpuuli tanjigi.»

1 Pieri 4:12

N buakaaba, lan da paki yi leni yaa falaciamo n tie nani mi fantama ki ye yi siiga ki baa biigidi yi nani li tie yipo boncanla yeni.

1 Pieri 4:13

Ama yin yaa mangidi mani yi pala leni yin taani leni Kilisiti o fala nni, ke o kpiagidi yaa doagidi yaa yogunu yi moko n yaa ye leni li pamankandikaali.

1 Pieri 5:1

Lanwani, mini yua moko n tie o nikpelo, ki go tie siedi Kilisiti falaciamo po, ki go baa taani ki baa U Tienu n baa doagidi yaa kpiagidi, mia ki go tundi yi siiga yaaba n tie bi nikpeliba line:

2 Pieri 1:1

Mini Simono Pieli, Jesu Kilisiti naacemo leni o tondo, n diani li tili yipo, yinba yaaba n taa leni ti ki baa yaa *dandanli n tie bonmoanla, kelima ti Tienu leni Jesu Kilisiti ti Candaano *teginma po.

2 Pieri 1:4

Li tie lani yaa po ke o puni ti wan den niani yaa ñoanianciami yi n tie bonbuadimoanla, ke yin tua yaaba n pia U Tienu tagu kelima yini yaa po, ki faabi leni mi yanbuabiadima n cuani yaa *joagindi ŋanduna nni.

2 Pieri 3:14

Lanwani n buakaaba, kelima yi gu laa bonla kuli, yin yaa moandi ke o yaa cua, wan sua ke yii pia joagindiba leni tagiliba kuli, ama ke yi pia mi yanduanma leni o.

Jude 1:24

U Tienu fidi ki kubi yi ke yin da tuudi ki baa, ki go sieni yi o kpiagidi nintuali ke yi naa pia ban baa fidi ki kuli yi leni yaala, leni li pamancianli.

Mi Doagidima 1:7

Diidi ki le mani, O kpendi ti tawadi nni, Nunbu kuli baa le o, Baa yaaba n den muu o. Ŋanduna nibuoli kuli Baa buudi kelima opo. Yeni n yeni, Amina!

Mi Doagidima 2:10

Ŋan da jie ŋan baa ti le yaa fala. Cengi, li kan go waagi ke ku *tuotabigu yudaano baa kuani yi siiga bi nitianba li kpaadidieli nni, lan tua yipo mi biigima. Bi baa waani yi fala dana piiga. Ŋan yaa tie nidugika hali mi kuuma. Lani, n baa pa ŋa li miali yaa badifogiliga.

Mi Doagidima 3:10

Nani ŋan den pia li juunli ki go kubi n maama yeni, n moko baa kubi a mi biigima yogunu, yaama n baa ti cua ŋanduna niba kuli po.

Mi Doagidima 3:18

Lani yaa po n tundi a ke ŋan da n kani ban ŋanbi yaa wula u maafanu nni ke ŋan tua piado, ki go da n kani ti tiapiendi ki yaa yie ban da go le a mubima fe, ki go da n kani u nunñoagu ki duo a nuni ki yaa nua.

1 Samueli 2:30

Lani yaa po mini Li Miali Diedo Isalele yaaba Tienu yedi mine: ‹N den bili ke a diegu leni a baadiegu baa yaa tuuni li kopadician-tuonli n nintuali hali yaa yogunu kuli. Ama dinla n kadi ki waani ke li kan go tua yeni. Kelima n baa kpiagi yua n kpiagi nni, ama yaaba n fali nni n baa fali ba.