1 Pieri 1:6 - Gourmanchéma Bible

⁶ Lanwani mangi mani yi pala boncianla, baa li yaa tie tiladi ke moala po biigima buoli boncianla teni ke yi ye leni li pabiidili u yogunu waamu po.

U TIENU MAAMA TILI 2013

⁶ Lanwani, mangi mani yi pala boncianla, ba li yaa tie tiladi, ke biigima buoli boncianla teni ke yi ye leni li pabiidili u yogunu waamu po moala.

1 Pieri 1:6 ပူးပေါင်းရင်းမြစ်များ

Pisomi 119:28

N buudi kelima li paboanli po Paagi n pali nani ŋan niani nni maama.

Pisomi 119:75

Li Miali Diedo, n bani ke a buudi tiegi A pia moamoani mo leni ŋan faligi nni.

Pisomi 34:19

Li Miali Diedo ye leni yaaba yaa jigi n cie, O faabidi yaaba yaa yama n paagi.

Pisomi 35:10

N baa yedi leni n pali kuli: Li Miali Diedo, ŋme n baa fidi nani fini yeni Ki faabi o niñinnilo yua n paani o nuu nni? Ŋme n baa fidi ki faabi o niñinnilo Leni o luodo yua n kpabidi ba nuu nni?

Pisomi 69:20

A bani ban sugidi nni maama Leni ban yuandi nni, ki fiagidi nni maama. N yibalinba kuli ye n nintuali.

Pisomi 9:14

Gbadi npo mi niñima, fini Li Miali Diedo! Diidi ki le yaaba n nani nni n wangi nni yaa fala, Fini yua n faabi nni leni mi kuuma,

Pisomi 95:1

Cua mani tin yiini Li Miali Diedo po leni li pamanli. Tin yigini mani ti tanciangu, ti Candaano po.

Esayi 61:10

N baa mangi n pali Li Miali Diedo po N pali baa mangi n Tienu po hali lan kandi Kelima o lani nni mi faabima tiadi Ki golini nni mi teginma kpalibu Nani yaa pocaancalo n bobi nani o kopadiciamo yeni Nani o pocaano n tieni ti jafandi maama yeni.

Esayi 61:3

N baa lebidi Siyono yaaba, Yaaba n ye li paboanli nni Ki pa ba ti kpiagidi lan lebidi mi fantanpienma kaanu Li pamanli tulale mo n ga li paboanli kaanu, Ti kpiagidi tiayiekaadi mo n ga li pabiidili kaanu Ke ban yaa yi ba mi *teginma ticiandi, Li Miali Diedo tiŋuuke, yi n baa doagidi o kpiagidi.

Matie 11:28

Cua mani n kani, yinba yaaba n tugi a tugikpiaga ki coagi kuli, n baa pa yi mi fuodima.

Matie 26:37

O den taa Pieli leni Sebede bijaliediba ke bi yegi leni o. Li paboanli leni ti yanyagiciandi den cili ki cuo o.

Matie 5:12

Yin mangi mani yi pala ki yaa ye leni li pamancianli kelima yi panpaani baa yaba tanpoli po. Bi niba den wangi bi sawalipuaba falabiado yeni, bani yaaba n den ye ke yi daa ye.

Luki 1:47

N pali mani hali boncianla Kelima wani U Tienu n Candaano po,

Luki 10:20

Baa yeni, yin da mangi mani yi pala kelima mu cicibiadimu tuo yi maama, ama yin mangi mani yi pala kelima bi diani yi yela tanpoli po.»

Luki 2:10

Maleki den yedi ba: «Da jie mani. Kelima n cuani yipo o laabaaliŋamo, yua n baa tua bi niba kuli po pamancianli.

Jan n diani U Tienu Laabaaliŋamo maama 16:22

Li baa tie yeni leni yinba moko. Moala li pabiidili cuo yi, ama n go baa le yi ke yi pala baa mangi. Oba kuli kan fie yikani laa pamanli.

Jan n diani U Tienu Laabaaliŋamo maama 16:33

N waani yi lani ke yin yaa pia mi yanduanma n niinni. Ŋanduna nni yi baa le o falabiado, ama yin paagi mani yi pala. Mini, n paadi ŋanduna.»

Jesu Tondiba Tuona 14:22

I kaani kuli bi den paagidi yaaba n daani pala, ki tundi ba ke ban yaa se bonŋanla li dandanli nni, ki tua ba: «Li tie tiladi tin kpa le fala boncianla ki baa ki kua *U Tienu diema nni.»

LOMA YAABA 12:12

Yin yaa mangidi yi pala yi suginma nni. Yin yaa pia li juunli fala nni. Yin yaa jaandi mani ki da cedi.

LOMA YAABA 5:11

Laa tie lani bebe ka, ama ti pia li pamancianli U Tienu nintuali kelima ti Diedo Jesu Kilisiti po, yua n teni ke ti mangi leni U Tienu.

LOMA YAABA 5:2

Li tie kelima li dandanli Jesu po n teni ke ti baa U Tienu *ŋanbili, tin se yaali yaa niinni bonŋanla. Ti go pia li pamancianli kelima ti sugini ke ti baa taani leni U Tienu o kpiagidi nni.

LOMA YAABA 9:2

N ye leni ti yanyagiciandi leni li paboanli yogunu kuli.

2 Korenti 4:17

Kelima tin laadi yaa fala u naa yogunu po, naa tie pu ti yaa biigi o leni wan bogini tipo yaa kpiagidi n yaba ki kandi ki naa pia pendima maama po.

2 Korenti 6:10

Bi nua ti nani li pabiidili danba, ama ti pia li pamanli yogunu kuli. Bi nua ti nani a luoda, ama ti teni ke niba boncianla tua piada. Bi nua ti nani tii pia pu, ama ti pia li bonla kuli.

Galati 5:22

Ama U Tienu Fuoma n baa cuani yaa bonluonkaala tie: mi buama, li pamanli, mi yanduanma, li juunli, mi ŋanma, ti bulicindi, ti dugidi, mi dingima, leni li yukubili.

Filipi 2:26

O den bua hali bonŋanla ki le yikuli. Wan den bandi ke yi gbadi ke o yia, o yama den yagi lipo boncianla.

Filipi 3:3

Kelima tinba n tie a jungimoana, yaaba n kpiagidi U Tienu kelima o Fuoma yaa po, ki jigini ti yula Jesu Kilisiti nni, ki naa bili ti dugidi ti gbanandi nni.

Filipi 4:4

Yin yaa mangidi mani yi pala o Diedo nni yogunu kuli. N go waani yi yeni, yaa mangidi mani yi pala.

1 Tesaloniki 1:6

Yi den ŋoadi tinba leni o Diedo fuuli ki ga U Tienu Maama baa o falaciamo siiga leni U Tienu Fuoma n puuni yaa pamanli.

Jaki 1:2

N kpiiba, yin yaa nua mani ke yaa biigima buoli kuli n cua yikani tie pamanli bonla.

Jaki 1:9

Ti kpiiba siiga yua n tie luodo n yaa mangidi o pali boncianla leni U Tienu n jigini o maama.

Jaki 4:9

Yin bandi mani yi yebiadima ki yaa ye leni li paboanli ki yaa mua. Yin teni yi laadi n lebidi ki tua bubula, ki go teni yi pamanli n lebidi ki tua pabiidili.

1 Pieri 3:17

Li yaa tie ke U Tienu n bua yin le fala, kelima yi tiendi yaala n ŋani, li cie yin le o kelima yi tiendi yaala n bia.

1 Pieri 4:7

Li bonla kuli juodima nagini. Yin faami mani ki yaa kubi yi yula, ke yin fidi ki yaa jaandi.

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa den laa fala u yogunu waamu po. Wani oba n baa ŋanbi yi cain, ki teni yin yaa se bonŋanla, ki paagi yi pala ke liba kuli kan fidi ki lengidi yi.

1 Samueli 2:1

Ana den jaandi ki yedi: «Li Miali Diedo teni ke n pia li pamanli. Li Miali Diedo teni ke n paalu yeli ñani. N yaadi n ñoabu ki ñuadi n yibalinba. N pali mangi kelima fini U Tienu faabi nni.