1 Pieri 1:5 - Gourmanchéma Bible

⁵ O bili la yinba yaa po, wani U Tienu paaciamu n kubi yaaba kelima li *dandanli po, yaa *tindima n baa yuandi ki doagidi mi juodima yogunu po.

U TIENU MAAMA TILI 2013

⁵ O bili la yinba yaa po, wani U Tienu paalu n kubi yaaba kelima li dandanli po, yaa tindima n baa yuandi ki doagidi mi juodima yogunu.

1 Pieri 1:5 ပူးပေါင်းရင်းမြစ်များ

Jobi 19:25

Kelima n bani ke n *candanbaalo fo, Ke wani n baa juodi ki fii ki tinga nni.

Pisomi 37:28

Kelima Li Miali Diedo bua mi teginma. O kan ŋa o ŋoadikaaba, o kubi ba yogunu kuli. Ama bi nibiadiba puoliŋuani baa bodi.

Mi Kpanjama 2:8

O kubi yua n cuoni mi *teginma sanu nni, O kubi o nidugikaaba.

Esayi 45:17

Isalele yaaba wani, bi baa baa mi faabima kelima Li Miali Diedo po. Yaa faabima n baa ye hali yaa yogunu kuli Yi kan go fiagi, Yi kan go yaa ye leni i fe hali yaa yogunu kuli po.»

Esayi 51:6

Yaadi ki diidi mani tanpoli po Ki nan yuandi ki tibini ki diidi tiipo! Kelima tanpoli baa bodi nani i muñii yeni, Ki tinga mo baa yondi yondi ki baa nani yaa tiadi n bedi yeni Ki niba mo baa bodi nani i sii yeni. Ama n faabima wani baa ye hali yaa yogunu kuli po, N teginma mo kan gbeni hali abada.

Esayi 54:17

Ama ban tagi yaa jatiagu ki koani leni a kuli kan fidi a, Yaa lanbu n buni leni a ti buudi kuli, A baa maadi ki guli bu. Lani n tie Li Miali Diedo naacenba faali Lani n tie ban baa mini Li Miali Diedo kani yaa *moamoansaali. Li Miali Diedo n yedi yeni.

Esayi 66:22

Lanwani nani min tieni Yaa tanpopaano leni yaa tinpanga Ke bi baa ye n nintuali maama, Yi puoliŋuani leni yi yeli mo baa ye yene. Li Miali Diedo n yedi yeni.

Jeremi 23:4

N baa lingi bipo yaa yankpaaba n baa taa ba ki ban yaa kpaa ba. Bi kan go yaa jie, bi kan go yaa digibi Baa bonyendo kan poadi bi siiga mo.» Li Miali Diedo n yedi yeni.

Jeremi 32:40

N baa kuani yaa ŋantaado n kan fidi hali abada leni ba. N kan go buli ki ŋa ba. N baa tieni ba mi ŋanma, N baa kuani n fangili bi pala nni Lani n tie ban da foagidi leni nni.

Jan n diani U Tienu Laabaaliŋamo maama 12:48

Yua n yie nni kaa ga n maama kuli, pia o bujialo. Min den maadi yaa maama yeni, mani n baa bu leni o li juodidaali.

Jan n diani U Tienu Laabaaliŋamo maama 17:15

Mii mia ŋa ke ŋan ñani ba ŋanduna nni ka. Ama ke ŋan yaa kubi ba o *Biado n da paadi ba.

Jan n diani U Tienu Laabaaliŋamo maama 4:14

Ama yua n ñuni min baa pa o yaa ñima kuli, u ñunñuunu kan go cuo o hali abada. Min baa pa o yaa ñima baa tua ñinbunli o niinni ki yaa pudi ki puubi hali yaa miali n kan gbeni nni.»

Jan n diani U Tienu Laabaaliŋamo maama 5:24

N yedi yi i moamoani, yua n cengi n maama, ki daani yua n soani nni, pia yaa miali n kan gbeni. O kan cua ti buudi po, ama o ñani mi kuuma nni ki kua li miali nni.

LOMA YAABA 11:20

Li tie moamoani. Bi den jia ki ñani bani, kelima bi dandanluoma po, fini mo ye lienni kelima li *dandanli yaa po. Lanwani ŋan da kpiagi a yuli, ama ŋan yaa jie.

LOMA YAABA 8:18

Lani yaa po n bani ke tin laadi yaa fala yaa yogunu n tie na kan fidi ki boagini leni U Tienu n baa doagidi yaa kpiagidi yaadi n baa ye.

1 Korenti 1:21

Kelima bi nisaaliba leni bi yaa yanfoceli naa fidi ki bandi U Tienu leni wan doagidi o yanfuoma maama. Lanwani U Tienu den jagi ke o baa faabi yaaba n daani leni o Laabaaliŋamo wangima yaama n tie nani mi yanluomaama yeni.

2 Korenti 1:24

Laa tie ke ti bua ki bili yin baa yaa daani yaala ka. Ama ti bua ki todi yi yin yaa pia li pamancianli kelima yi se ke li pa li*dandanli nni.

Galati 2:20

Lanwani laa go tie mini yua n ye ki fo, li tie Kilisiti yua n ye ki fo n niinni. Min pia yaa miali n gbanandi nni moala, n pia li kelima n dugi wani U Tienu Bijua po, wani yua n den bua nni ki puni o yuli ki kpe npo.

Efesa 2:8

Li tie li ŋanbili-paabu yaa po ke yi tindi. Yi baa la kelima li *dandanli yaa po. Laa ñani yi yaa kani, li tie U Tienu paabu.

Efesa 3:17

ke Kilisiti n yaa ye yi pala nni kelima li dandanli yaa po. N go mia o ke wan pa yi yin yaa pia yi jiini leni yi tanpuuli mi buama nni ki se ke li pa.

Filipi 1:6

N daani ki go bani cain ke wani yua n cili laa tuonŋanli yi niinni, baa tuuni li hali lin dudi Jesu Kilisiti goacuama daali.

Filipi 4:7

Lanwani U Tienu yaa yanduanma, yaama n pendi o nisaalo bandima kuli, baa guudi yi pala leni yi yantiana kuli Jesu Kilisiti nni.

2 Timote 3:15

Hali a biwaama nni a bani i Diani, yi n gagidi ki fidi ki puni a mi yanfuoma mi *tindima po kelima li dandanli Jesu Kilisiti nni yaa po.

Titi 2:13

ki go gu tin sugini yaala ke li pia li pamancianli yeni, lani n tie ti Tienu yua n tie Tienciamu leni ti Candaano Jesu Kilisiti yaa kpiagidi yaa doagidima.

Hebilunba 6:12

Tii bua yin yaa tie kpadijedanba, ama yin yaa togidi yaaba n baadi U Tienu n niani yaala kelima li dandanli leni li juunli yaa po.

Hebilunba 9:28

Li tie yeni ke Kilisiti den padi o yuli ki kpe yenma, ki tugi bi nisaaliba boncianla tuonbiadi. O go baa cua mi liema ki doagidi o yuli ke li kan go yaa tie ti tuonbiadi ñanma po ka, ama yaaba n den gu o *tindima po.

1 Pieri 1:13

Lani yaa po yin bogini, yi yantiana mo n yaa se kaanyendu, ki bili yi suginma yin baa baa yaa ŋanbili nni Jesu Kilisiti n baa doagidi yaa yogunu.

1 Pieri 4:13

Ama yin yaa mangidi mani yi pala leni yin taani leni Kilisiti o fala nni, ke o kpiagidi yaa doagidi yaa yogunu yi moko n yaa ye leni li pamankandikaali.

1 Pieri 5:1

Lanwani, mini yua moko n tie o nikpelo, ki go tie siedi Kilisiti falaciamo po, ki go baa taani ki baa U Tienu n baa doagidi yaa kpiagidi, mia ki go tundi yi siiga yaaba n tie bi nikpeliba line:

2 Pieri 1:3

U Tienu yaa paaciamu po, o den puni ti li bonla kuli yaala n baa todi ti li miali nni leni U Tienu tuoma nni, ki teni ke ti bandi wani yua n den yini ti o kpiagidi leni o ŋanbili po.

1 Jan 3:2

N buakaaba, moala ti tie U Tienu bila. Tin baa tua yaala daa doagidi, ama ti bani ke o yaa doagidi yaa yogunu, ti baa tie nani wani n tie maama, kelima ti baa le o nani wan tie maama.

Jude 1:1

Mini Juda, yua n tie Jesu Kilisiti naacemo ki go tie Jaka waalo, n diani li tili yipo, yinba U Tienu yua n tie Baa n yini yaaba ki go bua yaaba, ki kubi yaaba Jesu Kilisiti po.

Jude 1:24

U Tienu fidi ki kubi yi ke yin da tuudi ki baa, ki go sieni yi o kpiagidi nintuali ke yi naa pia ban baa fidi ki kuli yi leni yaala, leni li pamancianli.

1 Samueli 2:9

O baa yaa kubi o buakaaba ban caa naankani kuli. Ama bi nibiadiba wani baa bodi li *biigili nni. O nilo kan paadi liba leni o fidiceli.