1 Pieri 1:21 - Gourmanchéma Bible

²¹ Li tie kelima wani Kilisiti yaa po ke yi daani U Tienu wani yua n den fiini o bi tinkpiba siiga ki puni o ti kpiagidi, ke yin yaa pia li dandanli leni mi suginma wani U Tienu po.

U TIENU MAAMA TILI 2013

²¹ Li tie wani Kilisiti yaa po ke yi daani U Tienu wani yua n den fiini o bi tinkpiba siiga, ki puni o ti kpiagidi, ke yin yaa pia li dandanli leni ti dugidi wani U Tienu po.

1 Pieri 1:21 ပူးပေါင်းရင်းမြစ်များ

Pisomi 42:5

N tiadi ki ŋuundi n paboanli nni Min den yen cuoni ku niligu siiga, Ki gaani bi liiga ki cuoni ki caa U Tienu diegu po, Ki kpaani li pamanli kpaani leni i jaandi yaa kpaani Nani yaa niligu n taani mi *jaanma po yeni.

Jeremi 17:7

Li seli ye leni yua n dugi Li Miali Diedo po, Ke Li Miali Diedo mo n tie o suginma!

Matie 28:18

Jesu den nagini ki yedi ba: «U Tienu puni nni u paalu kuli tanpoli leni ki tinga nni kuli.

Jan n diani U Tienu Laabaaliŋamo maama 12:44

Jesu den kpaani: «Yua n daani nni, waa daani mini bebe ka, o daani yua n soani nni mo.

Jan n diani U Tienu Laabaaliŋamo maama 14:1

Yin da yagi mani yi yama. Daani mani U Tienu, daani mani mini moko.

Jan n diani U Tienu Laabaaliŋamo maama 14:6

Jesu den yedi o: «Mini n tie u sanu, leni i moamoani, leni li miali. Oba kuli kan pundi Baa kani, li yaa tie mini yaa po.

Jan n diani U Tienu Laabaaliŋamo maama 17:1

Jesu n den maadi laa maama, o den yaadi ki diidi tanpoli po ki yedi: «N Baa, u yogunu pundi. Kpiagi a Bijua, ke Bijua mo n kpiagi a.

Jan n diani U Tienu Laabaaliŋamo maama 17:24

Baa, ŋan puni nni yaaba yeni, min baa ye naankani, n bua bani moko n yaa ye lankani, ke ban yaa nua n kpiagidi, ŋan puni nni yaadi kelima a den bua nni hali ke ŋanduna daa tagi.

Jan n diani U Tienu Laabaaliŋamo maama 17:5

Moala, fini Baa, ŋan kpiagi nni a kani leni min den kpa pia yaa kpiagidi a kani ke ŋanduna daa den ye.

Jan n diani U Tienu Laabaaliŋamo maama 3:34

Kelima U Tienu n soani yua maadi U Tienu n maadi yaa maama, kelima wani U Tienu n puuni o o Fuoma ke o gbie o niinni.

Jesu Tondiba Tuona 2:24

U Tienu den fiini o bi tinkpiba siiga, ki faabi o leni mi kuuma lolima, li kan den tuo mi kuuma n yaa muubi o moko.

Jesu Tondiba Tuona 3:13

Abalahama leni Isaaka leni Jakobo Tienu, wani, ti yaajanba Tienu, den kpiagi o naacemo Jesu. Yi den teni o li bali danba nuu nni, ki yie o Pilata bujiali kani, baa ke o den jagi ke o baa faabi o.

Jesu Tondiba Tuona 3:15

Yi den ku li miali yaa Diedo, U Tienu n den fiini yua bi tinkpiba siiga. Ti tie siedinba laa bonla kuli po.

Jesu Tondiba Tuona 4:10

To, yinba yaaba n ye ne kuli, leni Isalele yaaba yaaba n sieni kuli, yin bandi mani ke li tie kelima Nasaleti yua Jesu Kilisiti yaa yeli po, yin den joani yua li *dapoanpoanli po, ke U Tienu fiini o bi tinkpiba siiga, ke yaa ja n tie na paagi cain ki se yi nintuali.

LOMA YAABA 10:9

A yaa tuo leni a ñoabu bi niba nintuali ke Jesu tie o Diedo, ki daani a pali nni ke U Tienu den fiini o bi tinkpiba siiga, a baa tindi.

LOMA YAABA 4:24

Ama li diani tinba yaa po moko, U Tienu n baa coadi yaaba yaa po ke li tie teginma, tinba yaaba n daani U Tienu, wani yua n den fiini ti Diedo Jesu bi tinkpiba siiga.

2 Korenti 6:15

Kilisiti leni Beliali baa dagidi leni biyaba lede? Yua n daani baa taani ki boagidi be leni yua n kaa daani?

Efesa 1:15

Li tie lani yaa po ke min den gbadi yi *dandanli o Diedo Jesu po maama leni yi buama bi nigagidiŋanba kuli po,

Kolosi 1:27

O bua ki teni o nigagidiŋanba n yaa bani o bondoaginkaala, yaala n tie ŋalimani ki pia ti kpiagidi ki ye i nibuoli kuli po. Laa bondoaginkaala tie line, Kilisiti ye yi niinni, ki teni ke yi pia mi suginma ke yi baa taani ki baa U Tienu kpiagidi.

1 Timote 1:1

Mini Polo, n tie Jesu Kilisiti tondo kelima U Tienu ti Candaano yaa ñoabonli po, leni Jesu Kilisiti yua n tie ti suginma yaa po.

1 Timote 3:16

Oba kan nia ke U Tienu sanŋoadima bondoaginkaala ñua boncianla. Laa bondoaginkaala tie wani, Yua n den doagidi o yuli ti gbanandi nni. U Tienu Fuoma den saa opo i moamoani, Malekinba den laa o, Bi den wangi o maama i nibuoli nni, Bi den daani o ŋanduna nni, O den goa ki doni ti kpiagidi kaanu nni.

Hebilunba 2:9

Ama ti laa Jesu, U Tienu n den jiini yua u yogunu waamu ke malekinba cie o, ki puni o ti pagidi leni ti kpiagidi ki go dini o li bali kelima wan den laa fala ki kpe yaa kuuma yaa po. O den kpe bi niba kuli po kelima U Tienu *ŋanbili po.

Hebilunba 6:1

Lanwani tin cedi Kilisiti maama bangicilikaama, ki suagi ki pundi yaa bangima n tie yaaba n kpedi ki dagidi yaa po. Tin da go pu yaa tanpuupanli n tie: Ki lebidi ki ŋa yaa tuona n baa cuani mi kuuma leni li *dandanli U Tienu po

Hebilunba 7:25

Li tie lani yaa po, ke o baa fidi ki faabi yaaba n nagidi U Tienu kelima o yaa todima po yaa yogunu kuli, kelima o ye ki fo yogunu kuli ki miadi U Tienu bipo.

1 Pieri 1:11

Kilisiti Fuoma yaama n den ye bi niinni den tuodi ki waani ba Kilisiti n baa le yaa fala leni wan baa yuandi ki baa yaa kpiagidi. Bi den moandi ki bua ki bandi lankuli n baa tieni yaa yogunu leni li yogunu n baa tie maama.

1 Pieri 1:3

U Tienu ti Diedo Jesu Kilisiti yaa Baa n baa ti pagidi! O niñingbadicianma po teni ke ti pia li miapanli, leni yaa suginma n fo kelima Jesu Kilisiti fiima bi tinkpiba siiga yaa po.

1 Pieri 3:22

Jesu kua tanpoli po ki ye U Tienu jienu, ki die malekinba, li bali danba leni tanpoli paaciami danba kuli.