1 Pieri 1:19 - Gourmanchéma Bible

¹⁹ Ama, o den da ki faabi yi leni Kilisiti yaa soama, yaama n pia mayuli hali boncianla ki tie nani ban padi yaa pebiga n ki pia poadoba kuli yaama maama yeni.

U TIENU MAAMA TILI 2013

¹⁹ Ama, o den daa ki faabi yi leni Kilisiti yaa soama, yaama n pia mayuli hali boncianla, ki tie nani ban padi yaa pebiga n ki pia poadoba kuli yaama maama yeni.

1 Pieri 1:19 ပူးပေါင်းရင်းမြစ်များ

Mi Ñama 12:5

Li baa tie yaa pebiga n ki pia poadi kuli, ki tie bontonga ki go pia binyenli. Yi baa fidi ki taa pebiga bi ŋuabiga.

Esayi 44:22

N bolini yi tagili nani ku tawaligu yeni Ki bolini yi *tuonbiadi mo nani ku gbangbadigu yeni. Goa ki cua mani n kani Kelima n den da ki faabi yi.

Esayi 53:7

Bi den faligi o, ki fiagi o Ke o naa den yaadi o ñoabu Nani ban caani yaa pebiga u yankodikaanu yeni. Nani ban moagi o pia kobidi ke o ŋmini maama yeni Waa yaadi o ñoabu.

Danieli 9:24

Li bili bina lele taalima piilele a nibuolu leni a dogagidiko po. Laa yogunu bili ke mi yiema n gbeni, ke mi tudima n baa u bianu, ke ti tuonbiadi n baa sugili, ke yaa teginma n baa yaa ye hali yaa yogunu kuli n doagidi, ke li bonlekaala leni U Tienu sawalipuaba n den soagini yaala kuli n tieni, ke u *kaangagidiŋanmoanu mo n go gagidi.

Levi 1:10

O nilo yeni padili yaa tie padijuukaali ki tie yanbiga, li yaa tie pia bi ŋuabo, o baa padi bontonli yaali n ki pia poadi.

Levi 22:20

Yin da cua ki padi yaa yanga n pia poadi kelima Li Miali Diedo kan ga yipo.

Sakari 13:7

Li Miali Diedo, U Paaciamu Kuli Daano yedi: «Ki jugisiega, fii ki baa o yankpaalo, Min den taa yua ke o tie n todika yeni. Ŋan kpa o, Lani i pe baa yadi i kaani kuli, Min baa ki cuo a bonbila.»

Matie 20:28

Lani n tie o Ja Bijua n cua ki tiendi maama. Laa tie nitoaba n yaa tuuni opo ka, ama ke wan yaa tuuni nitoaba po, ki go pa o miali ki kpe, ki da ki faabi bi niba boncianla.»

Matie 26:28

kelima line n tie n soama, o *ŋantaadipaano yaa soama yaama n baa wuli yaa niba n yaba po ke ban baa bi *tuonbiadi sugili.

Jan n diani U Tienu Laabaaliŋamo maama 1:29

Lan den fii ki fa, Jan den laa Jesu ke o kpendi o kani ki yedi: «Diidi mani U Tienu Pebiga, yua n tugi ki ñandi ŋanduna *tuonbiadi.

Jan n diani U Tienu Laabaaliŋamo maama 1:36

ki laa Jesu ke o cuoni ki yedi: «Diidi mani U Tienu Pebiga.»

Jesu Tondiba Tuona 20:28

Yin yaa fangi mani yi yula po ki go yaa gu u yankulu kuli, yu n tie Kilisiti n yini yaaba, U Tienu Fuoma Yua n kaani yi yaaba yaa siiga ke yin yaa tie bi gobidikaaba, ki tie nani bi yankpaaba ki yaa kpaa U Tienu nitaanli yaaba, wan da yaaba leni o soaceli.

LOMA YAABA 3:25

U Tienu den tuodi ki bili ke wani Jesu baa tua i candanbaani padili yaaba n pia li dandanli o soama po kuli yaa po. U Tienu tieni yeni ke wan fidi ki doagidi o teginma, kelima o den juuni leni bi niba n den tieni yaa tuonbiadi u yogunkpelu kaa cuo ba tipo.

Efesa 1:7

Ti baa mi *daafaabima o niinni kelima o soama po, leni ti*tuonbiadi sugili nani o ŋanbili n yaba maama po.

Kolosi 1:14

O yaa niinne ke ti pia mi *daafaabima leni ti ti *tuonbiadi sugili.

1 Pieri 1:2

U Tienu yua n tie Baa den gandi yi nani wan den tuodi ki bani ki jagi maama, ki teni ke o Fuoma gagidi yi ke yin yaa tuodi ki tiendi Jesu Kilisiti n yedi yaala, ke o soama mo n mii ki ŋanbi yi. Li *ŋanbili leni mi yanduanma n yaa pugidi yipo boncianla.

1 Pieri 3:18

Kilisiti moko den laa fala yenma ti *tuonbiadi po ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den goa ki baa li miali kelima mi Fuoma po.

1 Jan 1:7

Ama ti yaa ye mi yenma nni nani U Tienu wani oba n ye mi yenma nni maama, Ti pia yanyenma leni tiyaba, O Bijua Jesu yaa soama mo baa ŋuudi ti pala Ki ñandi tipo ti *tuonbiadi kuli cain.

1 Jan 2:2

Wani n tie i candanbaani padili ti tuonbiadi po. Laa tie ti yaa tuonbiadi bebe po ka, ama ŋanduna yaaba kuli yaa tuonbiadi po.

Mi Doagidima 1:5

leni Jesu Kilisiti yua n tie o siedi-dugika leni o nikpialo yua n kpa fii bi tinkpiba siiga, leni ŋanduna badiba kuli bado, n pa yi li *ŋanbili leni mi yanduanma! Wani yua n bua ti ki den faabi ti leni ti *tuonbiadi kelima o soama yaa po,

Mi Doagidima 14:1

N den diidi ki laa ke ki Pebiga se yaa juali n yi Siyono po, ke kobiga n piinaa n niba tudanaa (144 000) se leni o. Bi den tie yaaba n den pia ki Pebiga yeli leni o Baa yeli bi yutuna po.

Mi Doagidima 14:5

Faamaba kuli ki den ye bi ñoana nni, baa pia ban baa fidi ki kuli ba leni yaala.

Mi Doagidima 5:6

Lani, n go den laa ki Pebiga, ke li naani ke bi kodi ga, ke ki se li bali kalikaanu kani, a bonfuodinaada leni bi nikpeliba yeni siiga. O den pia yina lele leni nuni lele yi n tie U Tienu fuoma yaaba bilele, wan soani yaaba ki tinga kuli nni.

Mi Doagidima 5:9

Bi den yiini bu yanpanbu ki tua: «A pundi ki ga li tili, Ki tabidi mi maalima, Kelima bi den kodi a, Ke a da bi niba U Tienu po Leni a soama, Ki faabi ba i buoli kuli nni Leni i mabuoli kuli, I nibuoli kuli nni Leni mi diema kuli siiga.

Mi Doagidima 7:14

N den goa ki yedi o: «Canbaa, a bani.» O den yedi nni: «Bi tie yaaba n ñani o falaciamo nni, bi ŋuudi bi liadiciama ki Pebiga yaa soama nni ki pendi ŋa.