1 Pieri 1:17 - Gourmanchéma Bible

¹⁷ Li yaa tie ke yi miadi U Tienu ki go yini o yi Baa, wani yua n ja nilo kuli ti buudi nani o tuona n tie maama, ki naa tiendi gagidima bi niba siiga, lani yaa po yin yaa ye mani leni li fangili o nintuali yin ye ŋanduna nni ki tie canba yaa yogunu bianu kuli.

U TIENU MAAMA TILI 2013

¹⁷ Yi yaa miadi U Tienu ki go yini o yi Baa, wani, waa tiendi gagidima bi niba siiga, ki ja yuakuli buudi nani o tuona n tie maama. Lani yaa po, yin yaa ye leni li fangili o nintuali yin ye ŋanduna nni ki tie canba yaa yogunu bianu kuli.

1 Pieri 1:17 ပူးပေါင်းရင်းမြစ်များ

Mi cilima 47:9

Jakobo den guani Falono ki yedi o: «N candi ŋanduna nni bina pundi kobiga n bina piitaa. N yaa miali yaa bina naa yabidi. Moko n laa fala a bintiama, ŋaa pundi n baanba candi ŋanduna nni yaa bina.»

1 Bi Badiba Jama 29:15

Ti tie a nintuali canba leni nilanba nani ti baanba yeni. Ti miali dana ki tinga nni mo tie nani u soangu yeni, ke suginmaba ki ye.

2 Bi Badiba Jama 19:7

Moala yin yaa pia mani Li Miali Diedo po li fangili. Yin yaa faami yin tiendi yaala mo, kelima subu bi nigagidu bi suuliba kuli naa ye Li Miali Diedo ti Tienu kani.»

Jobi 34:19

Waa diidi bi badijaba nunbu, Waa tiendi gagidima o piado leni o luodo siiga. Kelima wani n tagi bikuli.

Pisomi 39:12

A tundi o nisaalo ki wangi o fala o tagili po A biidi o bonbuadimoanla nani ki kudiga yeni. O nisaalo li tie fawaama bebe, waa mibi lankani. *Joma

Pisomi 89:26

N baa teni wan diedi ki cili mi ñincianma Ki yaa caa hali i kpenciami.

Mi Kpanjama 14:16

O yanfodaano jie li bonbiadila ki foagidi leni la. Ama o yanluodaano jaligi ki tieni li bonla kelima waa pia wan jie yaala.

Mi Kpanjama 28:14

Li pamanli ye leni yua n ye leni li fangili yogunu kuli! Ama yua n juagi o pali wani fala baa nandi o.

Jeremi 3:19

N den buali n yuli: «N sugini hali bonŋanla fine n tua N bijaba siiga kuli liiga yua, Ki pa ŋa yaa diema n mani hali boncianla, Yaa tinga n ŋani ki cie mu tinmu kuli li ŋandunli nni.» N den tama ke a baa yini: «N baa!» Ki kan go buli nni a nunga mo.

Sofoni 3:9

Li Miali Diedo go yedi: «Lani, n baa lebidi i nilanbuoli niba maama Ki teni ke man tua maŋanma. Bi baa yaa ŋua mini Li Miali Diedo bebe Ki kpiagidi nni leni payenli.

Matie 16:27

Kelima o Ja Bijua baa ti cua leni o Baa kpiagidi ki yegi leni n malekinba. Laa yogunu o baa guani yua kuli nani o tuona n tie maama.

Matie 22:16

Bi den soani o kani bi ŋoadikaaba leni o bado *Elodo yaa buakaaba ke bi yedi o: «Canbaa, ti bani ke a tie moamoandaano, ki bangi bi niba U Tienu sanŋoadima leni i moamoani, ŋaa jie oba kuli, ŋaa gagidi oba kelima bi niba n nua ke o tie maama po.

Matie 6:9

Diidi mani yin baa jaandi maama: Ti Baa yua n ye tanpoli,

LOMA YAABA 11:20

Li tie moamoani. Bi den jia ki ñani bani, kelima bi dandanluoma po, fini mo ye lienni kelima li *dandanli yaa po. Lanwani ŋan da kpiagi a yuli, ama ŋan yaa jie.

2 Korenti 1:2

Ti Baa U Tienu leni ti Diedo Jesu Kilisiti yaa *ŋanbili leni o yanduanma n yaa ye leni yi.

2 Korenti 5:6

Lani yaa po ti jigi co yogunu kuli. Ti bani ke tin da ye ti gbanandi na niinni yaa yogunu, ti da foagi leni o Diedo.

2 Korenti 7:1

N buakaaba, kelima ti pia laa ñoaniani, tin yaa ŋanbidi mani ti yula ki ñandi ti gbanandi leni ti yantiali kuli *joagindi, ki yaa tiendi ania ki suagi liiga leni mi gagidiŋanma hali ki pundi li bianu U Tienu fangili nni.

2 Korenti 7:11

Diidi mani laa pabiidili, U Tienu n bua yaali yaa buolu yeni, n cuani yaala: Li tigini yi ke yi moandi. Li go cie yeni kelima li teni ke yi mia sugili, yi pala mo biidi lipo. Li go teni ke ti jawaandi cuo yi, ki teni ke yi go bua ki le nni, ki go teni ke yi baa li yankuali, ki tundi i tagili daano leni tundifala. Yi doagidi li bonla kuli nni ke yii pia tagili laa bonla nni.

Galati 2:6

Ban den nua yaaba ke bi tie bi yudanba, (to, ban tie yaaba ki tie npo liba, kelima U Tienu naa tiendi gagidima bi niba siiga,) yaaba n den tie bi yudanba yeni naa bili npo bontoala.

Efesa 1:17

Ke ti Diedo Jesu Kilisiti Tienu, wani Baa yua n pia ti kpiagidi kuli, n teni o Fuoma n yendi yi yantiana ki go doagidi o yipo U Tienu, yin bandi o moamoani.

Efesa 3:14

Li tie lani yaa po yo ke n gba Baa kani ki jaandi o,

Efesa 6:9

Yinba canbaanba mo, yin yaa tiendi yeni yi yonbi po. Yin da fu leni ba, kelima yi bani ke yinba leni bani kuli pia Canbaa tanpoli po, yua n naa gagidi bi niba leni biyaba.

Mi Tiadima 10:17

Kelima Li Miali Diedo yi Tienu tie ban pugi yaala kuli yaa Tienu, bi diediba kuli yaa Diedo, U Tienu yua yaa yeli n yaba ki pia u paalu leni i jeje. Waa tiendi gagidima bi niba siiga, waa gaani suuli mo.

Filipi 2:12

Lanwani n buakaaba, nani yin den tuo ki tiendi min yedi yaala min den ye leni yi yaa yogunu kuli maama, moala min kaa go ye leni yi yeni, yin go yaa tiendi yeni ki pugidi. Yin yaa moandi leni li fangili leni mi digibima ki yaa ye yi *tindima yema.

Kolosi 3:25

Yua n tieni yaala n bia kuli baa baa o biadima panpaani, kelima U Tienu naa gagidi bi niba leni biyaba.

Hebilunba 12:28

Lanwani, kelima ti baa baa yaa diema n kan digibi, tin yaa ye leni i tuondi, ki kpiagidi U Tienu ki ŋua o leni li fangili leni i jeje ke li mani opo,

Hebilunba 4:1

Lanwani hali ke U Tienu n den niani yaa ñoanianu o fuodima nni kuama po da baa ye, tin fangi mani ti yula ke yi siiga baa niyendo n da ti sua ke li pendi.

1 Pieri 2:11

N buakaaba, n mia ki tundi yi, yinba yaaba n tie bi canba leni bi sancenba ŋanduna nni, ke yin yaa yiedi ki da tiendi yi gbanandi bonbuakaala yaala n tiendi bu toabu leni yi yantiana.

1 Pieri 3:15

Yin yaa jigindi mani Kilisiti yi pala nni wani yua n tie o Diedo. Yin bogini mani ke yogunu kuli bi yaa buali yi yin pia yaa suginma, yin fidi ki doagidi ki waani ba.