1 Pieri 1:12 - Gourmanchéma Bible

¹² U Tienu den doagidi ki waani ba ke ban soagindi yaa maama yeni ki tie bani biba po ka, li tie yinba yaa po. Moala yi gbadi laa bonla maama yaaba n wangi yi o Laabaaliŋamo kani. Bi den baa o U Tienu Fuoma Yua paalu, U Tienu n soani yua ke o ñani tanpoli po ki cua ŋanduna nni, ki wangi yi la. Baa malekinba bua hali boncianla ki diegi ki bandi laa bonla n tie yaala.

U TIENU MAAMA TILI 2013

¹² U Tienu den doagidi ki waani ba ke ban soagindi yaa maama yeni, naa tie bani bi ba po ka, ama yinba yaa po. Moala yi gbadi laa bonla maama yaaba n wangi yi o Laabaaliŋamo kani. Bi den baa o U Tienu Fuoma Yua paalu, U Tienu n soani yua ke o ñani tanpoli po ki cua ŋanduna nni, ki wangi yi la. Ba malekinba bua hali boncianla ki diegi ki bandi laa bonla n tie yaala.

1 Pieri 1:12 ပူးပေါင်းရင်းမြစ်များ

Mi Ñama 25:20

Selubanba yeni baa yaa tiegi biyabe, bi nunjoma baa pegidi ki yaa nua ku kpaku biili, bi fiabi baa yaa yuugi.

Mi Kpanjama 1:23

Pegidi mani ki cengi n tundi. N baa yadi yipo n yanfuoma, ki teni yin ga n maama.

Esayi 32:15

Dayenli Li Miali Diedo baa jiini o Fuoma tipo. Lanwani mi fanpienma baa kpandi ki tua tikuanu, U tikuanu yeni mo baa kpandi ki tua fuajali.

Esayi 53:1

Ŋme n den daani ban den togidi ti yaala? Li Miali Diedo nuu paalu den doagidi ŋme yaa po yo?

Danieli 10:1

Pelisa diema bado Silusa bali bintaali binli, U Tienu ñoabonli go den doagidi Danieli, ban go yi yua Belisasa po. Li ñoabonli yeni tie moamoani, ama li gbadima den pa boncianla. Danieli den baa li doagidima li bonlekaala nne.

Danieli 12:13

Fini Danieli, ŋan sedi bonŋanla hali mi juodima. A baa ti fuodi ki go ti fii ki sedi ki ga a panpaani ŋanduna juodima yogunu.»

Danieli 12:9

O den goa ki yedi nni: «Danieli, ŋan da yagi a yama kelima li baa yaa tie ŋasiili ki puabi ki bili hali mi juodima yogunu.

Danieli 2:19

Lanwani li bondoaginkaala yeni den doagidi Danieli po ku ñiagu ti dangidi nni. O den jaandi ki kpiagi Tanpoli Tienu.

Danieli 2:22

O doagidi yaala n duagi cain, O bani yaala n ye li *biigili nni Kelima mi yenma gaani ki lindi o

Danieli 2:47

O bado den yedi Danieli: «I moamoani, a Tienu tie U Tienu ki cie bi niba n ŋua yaala kuli, ki go tie bi badicianba kuli Diedo. Wani bebe n doagidi li bondoaginkaala kelima a fidi ki doagidi npo li bondoaginkaala yeni.»

Danieli 8:13

N den gbadi ke maleki maadi. Malekitoa den buali o: ‹Li bonlekaala n waani ke yaala n baa tieni yeni baa waagi ki pundi u laa yogunu? Bi baa sieni daali kuli padili ki pundi hali u laa yogunu? Yaa bolinma n bolindi baa yaa ye hali u laa yogunu? Bi baa yaa ŋmaadi u kaangagidiŋamu leni tanpoli gola hali u laa yogunu?›

Danieli 9:24

Li bili bina lele taalima piilele a nibuolu leni a dogagidiko po. Laa yogunu bili ke mi yiema n gbeni, ke mi tudima n baa u bianu, ke ti tuonbiadi n baa sugili, ke yaa teginma n baa yaa ye hali yaa yogunu kuli n doagidi, ke li bonlekaala leni U Tienu sawalipuaba n den soagini yaala kuli n tieni, ke u *kaangagidiŋanmoanu mo n go gagidi.

Amosi 3:7

Lanwani o Diedo, Li Miali Diedo kan tieni liba kuli, Kaa waani o naacenba bi sawalipuaba o ŋasiili.

Sakari 12:10

U Tienu go yedi: «N baa gbieni Dafidi puoliŋuani leni Jelusalema yaaba yaaba n sieni, Leni mi niñima yantiali leni bu miabu yaa yantiali. Bi baa pegidi ki diidi mini, Ban den muu mini yua yeni. Li paboanli baa cuo ba, Nani bijayenyendo kuuma yaa paboanli yeni. Bi baa mua boncianla, Bi baa mua hali boncianla nani o nilo bijakpelo N yen kpe lan tua maama yeni.

Matie 11:25

Lanyogunu Jesu den jaandi ki yedi: «N Baa, fini yua n tie tanpoli leni ki tinga kuli Diedo, n pagi a kelima a doagini li naa bonla bi yanfodanba leni bi nunfandanba kuli po, ki doagidi la yaaba n tie a biwaala yaa po.

Matie 11:27

N Baa puni nni li bonla kuli bali. Oba kuli ki bani Bijua, li yaa tie Baa yaaka, oba kuli mo ki bani Baa, li yaa tie Bijua, leni wani Bijua n bua ki doagidi o yua yaa po yaaka.

Matie 16:17

Jesu den goa ki yedi o: «Li pamanli ye leni a, Simono, Jonasa bijua, kelima nisaalo ka waani a la, n Baa yua n ye tanpoli n doagidi apo la.

Marki 16:15

Lani o den yedi ba: «Gedi mani ŋanduna nni kuli ki ban yaa wangi bi niba kuli o Laabaaliŋamo.

Luki 15:10

N yedi yi, li baa tie yeni tanpoli po. U Tienu malekinba baa mangi bi pala kelima ti tuonbiadi daano yendo yua n lebidi o yama.»

Luki 2:26

Li den sua ke U Tienu Fuoma Yua tuodi ki doagidi ki waani o ke o kan kpe kaa laa o Diedo n *Gandi Yua.

Luki 9:6

Lani bi ŋoadikaaba den fii ki gedi ki goagoadi i dowaali nni ki wangi o Laabaaliŋamo, ki paagidi a yiama i kaani kuli.

Jan n diani U Tienu Laabaaliŋamo maama 15:26

O Todika yaa cua, min baa soani yipo yua, wani i moamoani Fuoma, yua n ñani Baa kani yeni, wani n baa tiendi npo siedi.

Jesu Tondiba Tuona 10:44

Pieli n da den maadi yaa yogunu, U Tienu Fuoma Yua den jiidi yaaba n cengi o maama kuli po.

Jesu Tondiba Tuona 16:10

Polo n den laa li bonlekaala yeni, tontoni ti den lingi yaa ñinbiagu n baa gedini ti Maseduana, kelima ti den sua ke U Tienu yini ti tin ban yaa wangi o Laabaaliŋamo lankane.

Jesu Tondiba Tuona 2:33

U Tienu n den duoni o o jienu po ki kpiagi o, o den baa wani Baa kani U Tienu Fuoma Yua nani U Tienu n den niani maama, ki yayadi o tipo, nani yin nua ki go gba maama.

Jesu Tondiba Tuona 4:31

Ban den jaandi yeni, ban taani naankani den digibi. Bi den gbie leni U Tienu Fuoma Yua ke bi wangi U Tienu maama leni li papaali.

Jesu Tondiba Tuona 4:8

Lani U Tienu Fuoma Yua den gbieni Pieli ke o den yedi ba:

Jesu Tondiba Tuona 8:25

Pieli leni Jan n den tieni siedi o Diedo po ki go waani o maama likani, bi den fii ki goa Jelusalema, ki wangi Samali dogi boncianla nni o Laabaaliŋamo.

LOMA YAABA 1:15

Lani yaa po n bua hali boncianla ki yaa wangi yinba yaaba n ye Loma moko o Laabaaliŋamo.

LOMA YAABA 1:17

O Laabaaliŋamo yeni doagidi U Tienu n saa bi nisaaliba po i moamoani ke bi tiegi maama kelima li dandanli yaa po, leni li dandanli bebe yaa po, nani lan diani maama: «O niteginka baa ye kelima o dandanli yaa po.»

LOMA YAABA 10:15

Oba kuli yaa soani U Tienu mawangikaaba mo, bi baa ga lede ki yaa wangi o maama? Nani lan diani maama: «Diidi mani bi cenli n ŋani maama, Bani yaaba n cua ki wangi o Laabaaliŋamo.»

LOMA YAABA 15:19

N den baa U Tienu Fuoma paalu, ki tieni bi siiga sinankeeninba leni mi bancianma. N den cili ki wangi Kilisiti Laabaaliŋamo Jelusalema, ki yuandi ki wangi li maama i kaani kuli hali ki ban gaani ki pundi Ilili diema.

1 Korenti 2:10

U Tienu teni ke o Fuoma doagidi la tinba yaa po. Kelima o Fuoma bigidi li bonla kuli, baa U Tienu yanjaga ya n wuo ki ñua.

2 Korenti 1:22

ki go tieni tipo o maalima, ki go puuni ti o Fuoma ke mi ye ti pala nni ki tie nani i *kpaaligi yeni.

2 Korenti 6:6

Ti moandi ki pia laa siediŋamo kelima ti yantugupiendi po, mi bandima po, li juunli po, li ŋanbili po, U Tienu Fuoma Yua po leni mi buamoanma po.

Galati 1:12

Mii den gbadi o nisaalo kani ka, o nisaalo ka den bangi nni o maama fuuli mo, ama Jesu Kilisiti n den doagidi o npo.

Galati 1:16

Wan den sua ke li dagidi opo, o den doagidi npo o Bijua, ke min yaa wangi o Laabaaliŋamo bi nilanba siiga. Lanyogunu mii den kpa gedi ki buni niloba kuli.

Efesa 3:10

ki bua moala, kelima Kilisiti n yini yaaba po, i paaciami danba leni li bali danba yaaba ye tanpoli po n bandi wani U Tienu yanfuoma, yaama yaa buoli n yaba.

1 Tesaloniki 2:9

N kpiiba, yi tiani ti tuonli leni ti coagingu po. Tin den wangi yi o Laabaaliŋamo, ti go den tuuni li tuonli u yensiinu leni ku ñiagu kuli ki baadi ti jiema, ke ti yema n da tie yi siiga oba kuli po fala.

1 Timote 3:16

Oba kan nia ke U Tienu sanŋoadima bondoaginkaala ñua boncianla. Laa bondoaginkaala tie wani, Yua n den doagidi o yuli ti gbanandi nni. U Tienu Fuoma den saa opo i moamoani, Malekinba den laa o, Bi den wangi o maama i nibuoli nni, Bi den daani o ŋanduna nni, O den goa ki doni ti kpiagidi kaanu nni.

Hebilunba 11:13

Laa niba kuli den kpe ki kubi li dandanli. Bi daa den baa U Tienu n den niani ba yaala. Ama bi den tuodi ki laa la hali foagima, ki mangi bi pala lipo, ki tuo ke bi tie canba ki ye u yogunu waamu po ŋanduna nni.

Hebilunba 2:4

U Tienu moko den ñii bi siedi leni sinankeeninba leni li bonlidikaala leni yaa bancianma buoli n yaba, leni U Tienu Fuoma Yua paabu nani wan bua maama.

Hebilunba 4:2

Kelima bi den waani ti U Tienu maama nani bani yeni. Ama ban den gbadi yaa maama yeni naa den todi ba liba, kelima baa den ga ma leni *dandanli.

1 Pieri 1:25

Ama o Diedo maama baa ye hali yaa yogunu kuli.» Laa maama tie ban den wangi yi yaa Laabaaliŋamo.

1 Pieri 4:6

Li tie lani yaa po ke bi den waani yaaba n kpe o Laabaaliŋamo, ke ban fidi ki yaa pia U Tienu miali kelima mi Fuoma po, baa ke ti buudi den cuo ba nani bi nisaaliba kuli yeni.

Mi Doagidima 5:11

N go den nuali ki gbadi malekinba boncianla niali, bani yaaba n lindi li bali kalikaanu leni a bonfuodinaada leni bi nikpeliba. Bi coali den tie tudapiiga taalima tudapiiga, hali a tudatuda bam.