1 Korenti 9:3 - Gourmanchéma Bible

³ Lani n tie min maadi maama ki baa ga n yuli leni yaaba n kuliti nni.

U TIENU MAAMA TILI 2013

³ Line n tie min baa yedi yaala ki gaa n yuli leni yaaba n kuliti nni:

1 Korenti 9:3 ပူးပေါင်းရင်းမြစ်များ

2 Timote 4:16

Min den kpa sedi ki baa maadi ki ga n yuli u bujiakaanu kani, oba kuli ki den todi nni, bikuli den ŋa nni. O Diedo n da guani ba la.

Filipi 1:17

Bine mo wangi o ki bua ki cie nni, bi yantiana naa ŋani. Bi tama ke bi yaa tieni yeni li baa pugini npo fala li kpaadidieli nni.

Filipi 1:7

Li pundi min yaa tiani yikuli po yeni, kelima n kubi yi n pali nni. Min ye leni ti kpaadi, leni min maadi ki ga o Laabaaliŋamo ki teni ke o se ki pa, yikuli taa leni nni ki baadi min baadi yaa ŋanbili U Tienu kani.

2 Korenti 13:10

Li tie lani yaa po ke n diani yipo laa maama kuli min ki ye yikani yaa yogunu, ke n yaa ti cua yikani, min da mabini yi leni o Diedo n dini nni yaa bali yaala n tie yi ŋamu po, kaa tie yi tingbali po.

2 Korenti 13:5

Yinba yiba, yin kpaagikpaagi ki le yi yaa ye li *dandanli nni. Biigi mani yi yula yiba. Naani yii bani ke Jesu Kilisiti ye yi niinni yoo? Li yaa tie ke yi biigi yi yula, yi baa sua ke yi poadi.

2 Korenti 13:3

Yi lingi yaala n doagidi ke Kilisiti maadi n ñoabu nni. Wani Kilisiti naa tie tadimo yinba yaa po, o ye yi siiga leni u paalu.

1 Korenti 14:37

Niloba yaa tama ke o tie mawangika, bi ke U Tienu Fuoma ye o niinni, wan faami bonŋanla ke min diani yipo yaala na tie o Diedo ñoabonli.

Jesu Tondiba Tuona 25:16

N den waani ba ke laa tie Loma yaaba bogida, ki kpa nilo, kaa kpa cedi ke o taani ki sedi leni yaaba n kuliti o, ke wan maadi ki ga o yuli.

Jesu Tondiba Tuona 22:1

«N kpiiba leni n baanba, cengi mani min pia yaa maama moala na ki baa maadi yi ki ga n yuli.»

Luki 12:11

Bi yaa gedini yi li *bali maama bangima diena nni, yaaka bi bujiaba kani, yaaka paatietoaba kani, ki baa jia leni yi ti buudi, yin da yagi mani yi yama leni yin baa maadi maama ki baa ga yi yula, leni yin baa yedi yaala kuli po,

1 Korenti 9:2

Baa nitoaba yaa nua ke n tie o Diedo tondo, yinba wani nua ke n tie yeni, kelima yinba n tie yaa maalima n doagidi ke n tie o Diedo tondo.

1 Korenti 9:4

Naani tii pia li bali ki yaa baadi ti jiema leni tin baa ñu yaala yoo?