1 Korenti 11:2 - Gourmanchéma Bible

² N pagi yi kelima yi tiani npo li bonla kuli nni, ki go ŋua min den bangi yi yaa bangima mo.

U TIENU MAAMA TILI 2013

² N pagi yi kelima yi tiani n po li bonla kuli nni, ki go ŋua min den bangi yi yaa bangima mo.

1 Korenti 11:2 ပူးပေါင်းရင်းမြစ်များ

Luki 1:6

Bani bonba lie yeni kuli den tiegi U Tienu nintuali. Bi den ŋua o Diedo *balimaama leni o mabilikaama kuli cain kaa pia tagili.

1 Korenti 11:17

Yaa maama n baa ŋua yaa po, mii pagi yi ba, kelima yi yaa taani laa ŋanbi yipo liba, li biidi yi bebe.

1 Korenti 11:22

Yii pia yi denpo yin baa di ki go ñu naani yoo? Bi yi fali U Tienu n yini yaaba, ki fiagi bi siiga yaaba n ki pia liba yoo? Min yedi yi lede? Min pagi yi bi? N kan pagi yi lani yaa po.

1 Korenti 15:2

Yi tindi kelima o Laabaaliŋamo yeni yaa po, li yaa tie ke yi kubi o nani min den waani yi maama. Yeni yaaka yi *dandanli moko tie fanma fanma.

1 Korenti 4:17

Lani yaa po yo ke n soani Timote yikani yua n tie n bibuadiga ki tie nidugika o Diedo nni. O baa tiadi yi min ŋua Kilisiti maama, nani min bangi Kilisiti nitaana ya n ye i kaani kuli maama.

1 Korenti 7:17

Lanwani bonyenla bebe n ye, yua kuli n yaa ye nani o Diedo n puni o maama, ki ŋoadi wan den tie maama U Tienu n yini o yaa yogunu. Lani n tie min biliti yaala Kilisiti n yini yaaba i kaani kuli po.

1 Tesaloniki 1:6

Yi den ŋoadi tinba leni o Diedo fuuli ki ga U Tienu Maama baa o falaciamo siiga leni U Tienu Fuoma n puuni yaa pamanli.

1 Tesaloniki 3:6

Ama Timote n ñani yikani ki kpeni ke laa waagi, o puni ti yaa laabaalo n mani. O go waani yin pia yaa dandanli leni yaa buama n tie maama. O waani ti ke yi tiani tipo yogunu kuli leni li pamanli, ki go bua ki le ti nani ti mo n bua ki le yi maama.

2 Tesaloniki 2:15

Lani yaa po ti kpiiba, yaa se mani ke li pa, ki ŋua tin den bangi yi yaala kuli, li yaa tie tin den maadi yaala leni ti ñoana, leni tin den diani yaala li tili nni kuli.

2 Tesaloniki 3:6

Ti kpiiba, ti Diedo Jesu Kilisiti yeli po ti waani yi ke yin paadi leni yi kpiiba yaaba n tie kpadijedanba kaa ŋua tin bangi yi yaa bangima.