1 Jan 5:20 - Gourmanchéma Bible

²⁰ Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.

U TIENU MAAMA TILI 2013

²⁰ Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.

1 Jan 5:20 ပူးပေါင်းရင်းမြစ်များ

Esayi 44:6

Li Miali Diedo Isalele yaaba bado Wani Li Miali Diedo U Paaciamu Kuli Daano Yua n da ki faabi ba Yedi yaa maama n tie na: «N tie o kpialo leni o juodika Mini yaaka, Tientoa ki ye.

Esayi 54:5

Kelima a tagido n tie a calo O yeli yi Li Miali Diedo U Paaciamu Kuli Daano. A daafaabika n tie Isalele Tienu Yua n Gagidi ki ŋani. O yeli n tie: “Ki tinga kuli Tienu.”

Esayi 9:6

O tuonli n baa yaa tie wan pugini o bali Ki go pa yaa yanduanma n ki pia gbenma. O baa kali Dafidi bali kalikaanu ki diedi o diema. O baa pugini mi paalu ki kubi ma leni mi *teginma leni yaa bujiali n tiegi, Moala leni yaa yogunu kuli. Li Miali Diedo U Paaciamu Kuli Daano n baa tieni yaala o buacianma nni yeni.

Jeremi 10:10

Ama Li Miali Diedo tie U Tienu i moamoani, Wani yaa Tienu n fo tie yaa bado n ki pia juodima. O pabienli nni ki tinga digibi I nibuoli kan fidi ki sedi o pabiencianli nintuali.

Jeremi 23:6

O jama nni Juda diema baa baa mi *faabima Isalele diema baa yaa ye leni mi yanduanma. Diidi ban baa yini o maama: ‹Li Miali Diedo n tie ti *teginma.›

Matie 13:11

O den goa ki yedi ba: «Kelima bi puni yinba yin bandi *tanpoli diema bondoaginkaala. Ama bi naa puni bani ban bandi.

Luki 21:15

Kelima mini nba baa ti pa yin baa maadi leni yaa yanfuoma ke yi koanginkaaba siiga baa yendo kan fidi ki nia ki yie ma.

Luki 24:45

Lanwani o den libidi bi yantiali ke ban fidi ki gbadi I Diani n yedi yaala.

Jan n diani U Tienu Laabaaliŋamo maama 1:18

Oba kuli daa laa U Tienu. Ama ki Bonjayenyenga, yua n tie U Tienu ki ye Baa kani yogunu kuli, n teni ke bi niba bandi o.

Jan n diani U Tienu Laabaaliŋamo maama 10:30

Mini leni Baa tie yendo.»

Jan n diani U Tienu Laabaaliŋamo maama 14:20

Laa daali yi baa bandi cain ke n ye n Baa niinni, ke yi ye n niinni, ke n mo ye yi niinni.

Jan n diani U Tienu Laabaaliŋamo maama 14:23

Jesu den goa ki yedi o: «O nilo yaa bua nni moamoani, o baa kubi n maama, lane n Baa baa bua o. Ti baa cua o kani ki yaa ye o deni.

Jan n diani U Tienu Laabaaliŋamo maama 14:6

Jesu den yedi o: «Mini n tie u sanu, leni i moamoani, leni li miali. Oba kuli kan pundi Baa kani, li yaa tie mini yaa po.

Jan n diani U Tienu Laabaaliŋamo maama 14:9

Jesu den yedi o: «Filipi, baa ke n waagi ki ye leni yi, a daa bani nni? Yua n laa nni kuli laa Baa. Be yaa po ke a yedi min waani yi Baa?

Jan n diani U Tienu Laabaaliŋamo maama 15:4

Yin yaa ye n niinni, n mo baa ye yi niinni. Nani u benu n kan fidi ki luoni u yuceli po, kali wun yaa tuugi leni li ñiali yeni, li tie yene leni yi moko. Yi kan fidi ki luoni yi yaa tuugi leni mini yaaka.

Jan n diani U Tienu Laabaaliŋamo maama 17:14

N caa ba a tondu. Ŋanduna yaaba nani ba, kelima baa go tie ŋanduna yaaba nani mini n ki tie ŋanduna yua maama.

Jan n diani U Tienu Laabaaliŋamo maama 17:25

Baa yua n tiegi, ŋanduna yaaba naa bani a, ama mini n bani a. Bine mo bandi ke fini n soani nni.

Jan n diani U Tienu Laabaaliŋamo maama 17:3

Line n tie yaa miali n kan gbeni, ke ban bandi a, fini yua bebe n tie U Tienu moamoani, ki go bandi ŋan soani yua, Jesu Kilisiti.

Jan n diani U Tienu Laabaaliŋamo maama 20:28

Toma den goa ki yedi o: «N Diedo leni n Tienu.»

Jan n diani U Tienu Laabaaliŋamo maama 8:42

Jesu den yedi ba: «U Tienu n yaa bi tie yi Baa, yi bi baa bua nni, kelima n ñani U Tienu kani ki cua. Mii cua n yuceli po ka, wani n soani nni.

Jesu Tondiba Tuona 20:28

Yin yaa fangi mani yi yula po ki go yaa gu u yankulu kuli, yu n tie Kilisiti n yini yaaba, U Tienu Fuoma Yua n kaani yi yaaba yaa siiga ke yin yaa tie bi gobidikaaba, ki tie nani bi yankpaaba ki yaa kpaa U Tienu nitaanli yaaba, wan da yaaba leni o soaceli.

LOMA YAABA 9:5

Bi tie ti yaajanba puoliŋuani, Kilisiti moko den mali bi yaa buolu nne ti gbanandi po, wani yua n die li bonla kuli. U Tienu n baa ti pagidi hali yaa yogunu kuli. Amina.

1 Korenti 1:30

Ama yinba, U Tienu teni ke yi ye Jesu Kilisiti nni. O go teni ke Jesu tie tipo mi yanfuoma, leni mi *teginma, leni mi gagidiŋanma, leni mi *daafaabima.

2 Korenti 4:6

U Tienu yua n den yedi: «Mi yenma n yendi li *biigili nni,» teni ke mi yenma yendi ti pala nni, ki puni ti U Tienu kpiagidi yaa bandima yaadi n yendi Kilisiti nunga nni.

2 Korenti 5:17

O nilo yaa ye Kilisiti nni, o tie tagipanma, li bonkpelila pendi, li bonla kuli tua bonpanla.

Efesa 3:18

Lani n tie yin fidi ki taani leni bi nigagidiŋanba kuli ki bandi wani Kilisiti buama n pia, ki foagi, ki ñua ki go kpedi maama,

Filipi 3:9

Mii go pia n yuli po yaa *moamoansaali n ñani li balimaama kubima nni, ama yaali n baadi kelima li *dandanli Kilisiti nni yaa po. Li tie yaa moamoansaali n ñani U Tienu kani ki ŋua leni li dandanli.

1 Timote 3:16

Oba kan nia ke U Tienu sanŋoadima bondoaginkaala ñua boncianla. Laa bondoaginkaala tie wani, Yua n den doagidi o yuli ti gbanandi nni. U Tienu Fuoma den saa opo i moamoani, Malekinba den laa o, Bi den wangi o maama i nibuoli nni, Bi den daani o ŋanduna nni, O den goa ki doni ti kpiagidi kaanu nni.

Titi 2:13

ki go gu tin sugini yaala ke li pia li pamancianli yeni, lani n tie ti Tienu yua n tie Tienciamu leni ti Candaano Jesu Kilisiti yaa kpiagidi yaa doagidima.

Hebilunba 1:8

Ama wan maadi o Bijua yaa maama o yedi: «Fini U Tienu, a bali kalikaanu Baa ye hali yaa yogunu kuli, A badigbiamu mo tie mi *teginma gbiamu.

1 Jan 2:23

Yua n nia Bijua kuli, nia Baa moko, yua n tuo Bijua kuli o pia Baa moko.

1 Jan 2:24

Yinba yaa po, li pundi yin den gbadi yaala hali mi cilima n yaa ye yi niinni. Li yaa tie ke yin den gbadi yaala hali mi cilima ye yi niinni, yi moko baa ye Bijua leni Baa niinni.

1 Jan 2:6

Li pundi ke yua n yedi ke o ye o niinni n yaa cuoni nani wani o Diedo n den cuoni maama.

1 Jan 4:14

Tinba n den laa ki tiendi siedi ke Baa soani o Bijua, ke o tie ŋanduna Candaano.

1 Jan 4:16

Tinba, ti bani U Tienu n pia tipo yaa buama, ki dugi mipo. U Tienu tie buama. Yua n ye mi buama nni ye U Tienu niinni, U Tienu mo ye o niinni.

1 Jan 4:2

Line n baa teni yin bandi yua n pia U Tienu Fuoma: Yua n tuo ke Jesu Kilisiti den cua ki tie nisaalo kuli pia U Tienu Fuoma.

1 Jan 5:1

Yua n daani ke Jesu tie *U Tienu n Gandi Yua, tie U Tienu biga. Yua n bua ki biga baa kuli baa bua o biga mo.

1 Jan 5:15

Ti yaa bani ke o cengi ti mo, ti go bani ke ti pia tin mia o yaala.

1 Jan 5:18

Ti bani ke U Tienu n mali yua, waa tiendi tuonbiadi, kelima U Tienu Bijua kubi o ke o *Biado kan sii o.

1 Jan 5:5

Ŋme paani ŋanduna? Li tie yua n daani ke Jesu tie U Tienu Bijua.

Mi Doagidima 15:3

ki yiini U Tienu naacemo Musa yanbu, buni, ki Pebiga yanbu, ki tua: «O Diedo U Tienu, U Paaciamu Kuli Daano, A tuona yaba ki pia mi ñuadima. A sani tiegi ki tie moamoani, Fini yua n tie i nibuoli kuli bado.

Mi Doagidima 19:11

Lani n den laa ke tanpoli luodi ki yaa, ke o tanpieno se. Yua n jagi o, yi o Dugika leni o Moamoandaano. O bujiali tiegi, o togidi bu toabu mo leni mi teginma.

Mi Doagidima 3:14

Ŋan diani Kilisiti n yini yaaba Layodise po yaa maleki po ki yedi o: «Diidi yua n tie Amina, wani o siedi-dugika leni o moamoandaano yua n tie U Tienu tagima kuli cilika, wani n yedi yaala n tie na:

Mi Doagidima 3:7

Ŋan diani Kilisiti n yini yaaba Filadelifi po yaa maleki po ki yedi o: «Yua n Gagidi ki Ŋani, Ki tie o Moamoandaano, Wani yua n kubi Dafidi sendabiga, O yaa luodi, oba kuli kan luoni, O yaa luoni mo, oba kuli kan luodi, Wani n yedi yaa maama n tie na:

Mi Doagidima 6:10

Bi den kpaani ki tua: «Canbaa yua n gagidi ki ŋani ki tie moamoandaano, hali u laa yogunu ke a go baa waagi ki daa jia ti buudi leni ki tinga niba nni, ki guani ba bi panpaani ti yaa soama po?»