1 Jan 5:13 - Gourmanchéma Bible

¹³ N diani yipo lani ke yinba yaaba n daani U Tienu Bijua yeli nni n yaa bani ke yi pia yaa miali n kan gbeni.

U TIENU MAAMA TILI 2013

¹³ N diani yi po lani ke yinba yaaba n daani U Tienu Bijua yeli nni n yaa bani ke yi pia yaa miali n kan gbeni.

1 Jan 5:13 ပူးပေါင်းရင်းမြစ်များ

Jan n diani U Tienu Laabaaliŋamo maama 1:12

Ama yaaba n tuo ki ga ma kuli, ki daani o yeli nni, mi dini ba li bali ke bi tua U Tienu bila.

Jan n diani U Tienu Laabaaliŋamo maama 2:23

Jesu n den ye Jelusalema mi Pendima jaanma yogunu yeni, bi niba boncianla den laa wan tiendi yaa bancianma, ki daani o yeli nni.

Jan n diani U Tienu Laabaaliŋamo maama 20:31

Ama yaama n tie na diani ke yin daani ke Jesu tie *U Tienu n Gandi Yua, U Tienu Bijua, ke yi yaa tuo ki daani o, yin baa li miali o yeli nni.

Jan n diani U Tienu Laabaaliŋamo maama 21:24

Wani n tie yaa ŋoadika n tiendi siedi yaa maama n tie na kuli po, ki diani ma. Ti bani ke wan tieni yaa siedi tie moamoani.

Jan n diani U Tienu Laabaaliŋamo maama 3:18

Bi kan jia ti buudi leni yua n daani o, ama yua kaa daani o, U Tienu tuodi ki jia o buudi, kelima waa tuo ki daani U Tienu Bonjayenyenga.

Jan n diani U Tienu Laabaaliŋamo maama 5:24

N yedi yi i moamoani, yua n cengi n maama, ki daani yua n soani nni, pia yaa miali n kan gbeni. O kan cua ti buudi po, ama o ñani mi kuuma nni ki kua li miali nni.

Jesu Tondiba Tuona 3:16

Li tie li *dandanli wani Jesu yeli po n teni ke yaa ja n tie na, yin nua ki go bani yua, paagi kelima Jesu yeli po. Li tie li dandanli wani Jesu po n teni ke o ja na paagi cain yikuli nintuali.

Jesu Tondiba Tuona 4:12

Mi *tindima ki ye nitoa kuli kani, kelima yetoali kuli ki ye ŋanduna nni tin baa tindi kelima yaali yaa po tiladi.»

2 Korenti 5:1

Ti bani ke ti gbanandi yaadi n tie nani li gbandieli, tin ye yaali yaa niinni li ŋandunli nni yaa bodi, ti pia li dieli tanpoli po, nisaalo n ki maa yaali, ke li tie U Tienu n maa yaali ke li baa ye hali yaa yogunu kuli.

Galati 4:6

Lani yaa po, kelima yi tua U Tienu bijaba, wani U Tienu n den soani o Bijua Fuoma ti pala nni ke o kpaani ki tua U Tienu: «N Baa, n Baa.»

1 Pieri 5:12

Silasa, o nidugika, min nua yua ke o tie ti kpiilo, wani n todi nni ke n diani yipo yaa tijenjenga n tie na. N bua ki paagi yi pala, ki tieni yipo siedi ke yi se bonŋanla U Tienu ŋanbili yaali n tie i moamoani.

1 Jan 1:4

Ti diani yipo yaala n tie na ke ti pamanli n dagidi cain.

1 Jan 2:1

N bibuadimu, n diani yipo yaala n tie na ke yin da tieni*tuonbiadi. Li yaa tie ke yua n tieni ti tuonbiadi, ti pia o*candanbaalo ti Baa U Tienu kani, Jesu Kilisiti o niteginka.

1 Jan 2:21

Min den diani yipo yeni laa tie ke yii bani i moamoani ka, ama kelima yi bani i moamoani, ki go bani ke faamaba kuli ki ñani i moamoani kani.

1 Jan 2:25

Wani n niani ti yaala tie yaa miali n kan gbeni.

1 Jan 2:26

N den diani yipo mi naa maama kelima yaaba n yaandi yaa po.

1 Jan 3:23

O bali maama n tie mine: Tin yaa daani o Bijua Jesu Kilisiti, ki yaa bua tiyaba nani wan bili tipo yaa bali maama n yedi maama.

1 Jan 4:9

U Tienu n den doagidi o buama tipo maama n tie line: U Tienu den soani o *Bijayenyenga ŋanduna nni ke tin yaa pia li miali kelima o yaa po.

1 Jan 5:10

Yua n daani U Tienu Bijua pia laa siedi o niinni. Ama yua n naa daani U Tienu, o yedi ke U Tienu pua faama, kelima waa daani U Tienu n tieni yaa siedi o Bijua po.

1 Jan 5:11

Laa siedi n tie na: U Tienu puni ti yaa miali n kan gbeni, laa miali ye o Bijua niinni.

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.