1 Jan 4:21 - Gourmanchéma Bible

²¹ Tin baa Kilisiti kani yaa *balimaama tie mine: li pundi ke yua n bua U Tienu n yaa bua o kpiilo moko.

U TIENU MAAMA TILI 2013

²¹ Tin baa Kilisiti kani yaa bali maama tie mine: Li pundi ke yua n bua U Tienu n yaa bua o kpiilo moko.

1 Jan 4:21 ပူးပေါင်းရင်းမြစ်များ

Levi 19:18

Ŋan da tu li panli. Ŋan da pia li koanfaali a buolu nilo po. Ama ŋan bua a nisaalilielo nani ŋan bua a yuli maama yeni. N tie Li Miali Diedo.

Matie 5:43

Yi gbadi ke bi den yedi: ‹Ŋan bua a nisaalilielo ki nandi a yibali.›

Luki 10:37

O den goa ki yedi o: «Yua n gbadi opo mi niñima yene.» Jesu den yedi o: «A mo n gedi ki ban yaa tiendi yeni.»

Jan n diani U Tienu Laabaaliŋamo maama 15:12

N bali maama tie line: Yin yaa bua mani yiyaba nani mini n bua yi maama.

Galati 5:14

Kelima li balimaama kuli taani mayenma nni, yaama n tie na: «Ŋan bua a nisaalilielo nani ŋan bua a yuli maama yeni.»

Galati 5:6

Kelima Jesu Kilisiti nni ki kua ku koanciagu, bi ki da kua, ka pia mayuli, kali li dandanli yaali n doagidi mi buama nni.

1 Tesaloniki 4:9

Laa go tie tiladi min diani yipo ki waani yi yin yaa bua yi kpiiba, kelima U Tienu wani oba n bangi yi ke yin yaa bua yiyaba.

1 Pieri 3:8

N tundijuodike n tie ne. Yikuli n yaa pia mani yantiayenli leni yiyaba, ki yaa gba mani yiyaba po mi niñima, ki gbie leni mi buama yi kpiiba po, ki go yaa pia mi niñingbadima leni li yumiinli yiyaba po.

1 Pieri 4:8

Yaala n cie likuli tie ke yin yaa bua mani yiyaba leni yi pala kuli, kelima mi buama doagini ti tuonbiadi boncianla.

1 Jan 2:7

N buakaaba, mii diani yipo balimapanma ka, mi tie balimakpelima, yin pia yaama hali mi cilima. Mi balimakpelima yeni tie yin den gbadi yaa maama.

1 Jan 3:11

Diidi yin den gbadi yaa maama hali mi cilima n tie na: Tin yaa bua mani tiyaba.

1 Jan 3:14

Ti bani ke ti ñani mi kuuma nni ki kua li miali nni kelima ti bua ti kpiiba. Yua n kaa pia mi buama da ye mi kuuma nni.

1 Jan 3:18

N bibuadimu, tin da pia mani mi buama tiyaba po leni mi maama bebe, ama tin yaa pia a tuona po leni i moamoani nni.

1 Jan 3:23

O bali maama n tie mine: Tin yaa daani o Bijua Jesu Kilisiti, ki yaa bua tiyaba nani wan bili tipo yaa bali maama n yedi maama.

1 Jan 4:11

N buakaaba, U Tienu yaa bua ti yeni, li pundi ti mo n yaa bua tiyaba.