1 Jan 4:12 - Gourmanchéma Bible

¹² Oba kuli daa laa U Tienu, ama ti yaa bua tiyaba, U Tienu ye ti niinni, o buama moko ye ti niinni ki dagidi cain.

U TIENU MAAMA TILI 2013

¹² Oba kuli daa laa U Tienu, ama ti yaa bua tiyaba, U Tienu ye ti niinni, o buama moko ye ti niinni ki dagidi cain.

1 Jan 4:12 ပူးပေါင်းရင်းမြစ်များ

Mi cilima 32:30

Jakobo go den buali o ki yedi: «N mia ŋa ŋan teni min bandi a yeli.» O den goa yedi o: «Be yaa po ke a buali n yeli?» O den seligi o lankani.

Mi Ñama 33:20

O go den yedi Musa: «A kan fidi ki le nunga, kelima o nisaalo kan fidi ki le nni ki go yaa ye.»

Mi Coadima 12:8

N maadi leni o ke o gba n nialu. N doagidi n yuli o kani, ke laa tie wuoli nni, hali ke o laadi Li Miali Diedo nannanli. Lanwani, be yaa po ke yii jie ki yenbidi n naacemo Musa po?»

Jan n diani U Tienu Laabaaliŋamo maama 1:18

Oba kuli daa laa U Tienu. Ama ki Bonjayenyenga, yua n tie U Tienu ki ye Baa kani yogunu kuli, n teni ke bi niba bandi o.

1 Korenti 13:13

Moala bonla taa n ye ki kan pendi, Lani n tie li dandanli, Mi suginma leni mi buama, Likuli siiga yaala n cie tie mi buama.

1 Timote 1:17

U Tienu, yua n tie o Badiciamo hali yaa yogunu kuli kaa pia kuuma, tin ki nua yua, wani yua bebe n tie U Tienu n yaa baadi ti jigidi leni ti kpiagidi yaa yogu n tu yaa yogu. Amina.

1 Timote 6:16

Wani bebe n ki pia kuuma, Ki ye miali kuli n kan nagini yaa yenma nni. Miali kuli n daa laa yua Ki kan fidi ki le o mo. Wani n pia yaa jigidi leni yaa paaciamu N ki pia gbenma hali yaa yogunu kuli. Amina!

Hebilunba 11:27

Li tie kelima li dandanli yaa po ke o den fii ki ñani Ejipiti nni, kaa jie o bado pabienli. O den juuni ki se ke li pa, kelima o nua oba kuli n ki nua yua.

1 Jan 2:5

Ama yua n kubi o maama, U Tienu buama ye o pali nni moamoani ki dagidi cain. Yeni, ti bani ke ti ye o niinni.

1 Jan 3:24

Yua n kubi li bali maama ye o U Tienu niinni, U Tienu mo ye o niinni. Lane ti bani ke o ye ti niinni kelima wan puni ti o Fuoma yaama yaa po.

1 Jan 4:16

Tinba, ti bani U Tienu n pia tipo yaa buama, ki dugi mipo. U Tienu tie buama. Yua n ye mi buama nni ye U Tienu niinni, U Tienu mo ye o niinni.

1 Jan 4:20

O nilo yaa tua ke o bua U Tienu, ki nan nani o kpiilo, o tie tuofaadaano, kelima yua n naa bua o kpiilo wan nua yua, o baa ga lede ki bua U Tienu wan ki nua yua.

1 Jan 4:6

Ama tinba wani tie U Tienu yaaba. Yua n bani U Tienu kuli cengi ti maama. Yua n kaa tie U Tienu yua kuli, waa cengi ti maama. Lani n teni ke ti bani i moamoani Fuoma leni mi tuofaama gagidima.