1 Jan 3:8 - Gourmanchéma Bible

⁸ Yua n tiendi ti tuonbiadi tie Sutaani yua, kelima wani Sutaani den tiendi ti tuonbiadi hali mi cilima ki pundi hali moala. U Tienu Bijua den cua ki doagidi o yuli, ki baa bolini Sutaani tuona.

U TIENU MAAMA TILI 2013

⁸ Yua n tiendi ti tuonbiadi tie Sutaani yua, kelima wani Sutaani den tiendi ti tuonbiadi hali mi cilima ki pundi hali moala. U Tienu Bijua den cua ki doagidi o yuli, ki baa bolini Sutaani tuona.

1 Jan 3:8 ပူးပေါင်းရင်းမြစ်များ

Mi cilima 3:15

N baa bili ti yibalindi fini leni o pua yaa siiga, A puoliŋuani leni o puoliŋuani yaa siiga. O baa mudi a yuli, Amo baa poagili o taajentindili.»

Esayi 27:1

Laa daali Li Miali Diedo baa taa o jugisiega, Yaaga n mani ki yaba ki go pa, ki faligi Mi ñincianma nni bonfuodibiado, Yaa wa n tiini, wani yaa wa yaa tagu n goli yeni. O baa kpa mi ñincianma bonfuodibiado yeni.

Mi Coadima 21:9

Musa den duadi ti kumoandi wa ki joani o ku dafoagidigu po. Wa n den ñidi yua kuli ke o yaadi ki diidi ti kumoandi wa yeni, o yen ciadi.

Matie 12:28

Ama li yaa tie *U Tienu Fuoma Yua yaa paalu po yo ke n deli mu cicibiadimu, lani *U Tienu diema pundi hali yikani.

Matie 13:38

U kuanu mo tie ŋanduna. Yaa bonbuoli n ŋani tie U Tienu diema bila. Ti moabiaditi tie o Biado yaa bila.

Matie 4:3

Mi tulinma daano yeni den cua o kani ki yedi o: «A yaa tie U Tienu Bijua ŋan maadi ki teni a tana na n tua jiema.»

Marki 1:24

«Ŋain, fini Nasaleti yua Jesu, be n ye tinba leni fini siiga? A cua ki baa bolini ti. N bani ŋan tie yua. A tie U Tienu *Nigagidiŋamo.»

Luki 10:18

Jesu den yedi ba: «N den laa ke Sutaani ñani tanpoli ki peli nani mi tañigima yeni ki baa.

Jan n diani U Tienu Laabaaliŋamo maama 12:31

Moala ŋanduna buudi baa jia ki kadi. Moala bi baa deli ki ñani *ŋanduna bado.

Jan n diani U Tienu Laabaaliŋamo maama 16:11

Ti buudi po mo, kelima U Tienu jia leni *ŋanduna bado ti buudi no yo.

Jan n diani U Tienu Laabaaliŋamo maama 8:44

Yi baa n tie Sutaani, yi bua ki yaa tiendi wani yi baa yaa yanbuama. O tie nikpalo hali mi cilima, waa ye i moamoani nni kelima i moamoani ki ye o niinni. O yaa pua mi faama, o maadi nani wani oba yantiali n tie maama, kelima o tie o tuofaadaano ki go tie mi faama kuli yaa baa.

LOMA YAABA 16:20

Li kan waagi ke mi yanduanma Tienu baa paadi Sutaani ki madi o yi taana tiipo. Ti Diedo Jesu yaa *ŋanbili n yaa ye leni yi.

Efesa 2:2

Laa yogunu yi den ŋua ŋanduna na yema sanbiadu, leni mi fawaama nni paaciami bado, yua yaa yantiali n tuuni yaaba n yiedi U Tienu yaa pala nni.

Kolosi 2:15

O den dindi yaaba n tie mi diema danba Leni i paaciami danba kuli bi bali, Ki doagidi mi tagima kuli po Ke o paani ba, Kelima li dapoanpoanli po.

1 Timote 3:16

Oba kan nia ke U Tienu sanŋoadima bondoaginkaala ñua boncianla. Laa bondoaginkaala tie wani, Yua n den doagidi o yuli ti gbanandi nni. U Tienu Fuoma den saa opo i moamoani, Malekinba den laa o, Bi den wangi o maama i nibuoli nni, Bi den daani o ŋanduna nni, O den goa ki doni ti kpiagidi kaanu nni.

Hebilunba 2:14

Kelima a bila n tie nisaaliba ki pia ti gbanandi leni mi soama yeni, Jesu moko den tua nisaalo ki pia ti gbanandi leni mi soama. O den tua yeni ki baa kpe, ke o kuuma n bolini Sutaani paalu wani yua n pia mi kuuma paalu,

Hebilunba 9:26

Li yaa den tie yeni, Kilisiti den baa cili ŋanduna tagima yogunu ki yaa laadi fala. Ama moala ŋanduna juodima yogunu, o cua ki padi o yuli yenma u yogunu kuli po, ki bolini ti tuonbiadi.

2 Pieri 2:4

U Tienu naa den cedi yaa malekinba n den tieni ti *tuonbiadi, ama o den luni ba li *biigili yaa *kuli nni, ban kubi ba naankani hali ti buudi daali.

1 Jan 1:2

Li miali yeni den doagidi ke ti laa li. Ti tiendi lipo siedi ki wangi yi yaa miali n kan gbeni, Yaali n den ye Baa kani, wan den doagidi tipo yaali yeni.

1 Jan 3:10

Line n doagidi U Tienu bila leni Sutaani yaa bila n paadi leni biyaba maama: Yua n kaa tiendi yaala n tiegi kuli, bi kaa bua o kpiilo kuli, waa tie U Tienu biga.

1 Jan 3:5

Yi bani ke wani o Diedo n den doagidi ki baa ñani tin yaa tuonbiadi. Tuonbiadiba kuli ki ye o niinni baa waamu.

1 Jan 5:19

Ti bani ke ti tie U Tienu yaaba, ki go bani ke o Biado diedi ŋanduna kuli.

Jude 1:6

Yaa malekinba n naa den kubi ban pia yaa bali, ki ŋa bi yekaanu, U Tienu kpaa ba yaa kpaadi n baa ye hali yaa yogunu kuli, ki kubi ba li *biigili nni hali li bujiali cuonu dacianli n cua.

Mi Doagidima 20:10

Bi den luni ku tuotabigu yudaano yua n den boandi ba, u fantankpenu nni, li cidibili n co mi fantama naani, ki fuayanga leni o sawalipua-faadaano n ye naankani, ke bikuli baa ye leni mi funfunma u yensiinu leni ku ñiagu kuli hali yaa yogunu kuli.

Mi Doagidima 20:15

Ban ki den laa yua yaa yeli ke li diani li miali tili nni kuli, bi den luni o u fantankpenu nni.