1 Jan 3:21 - Gourmanchéma Bible

²¹ N buakaaba, ti pala yaa buni ki cuo ti, ti pia li papaali U Tienu kani.

U TIENU MAAMA TILI 2013

²¹ N buakaaba, ti pala yàá buni ki cuo ti, ti pia li papaali U Tienu kani.

1 Jan 3:21 ပူးပေါင်းရင်းမြစ်များ

Jobi 22:26

Yeni, a baa teni U Paaciamu Kuli Daano n tua ŋan bua yua hali boncianla, A baa yaadi a nunga ki nuali wani U Tienu.

Jobi 27:6

Mini wani li se n *teginma nne, n kan ña likani, Kelima n miali yema kuli nni, N pali siedi naa buni leni nni baa dayenli po.

Pisomi 101:2

N bua ki yaa suagi liiga li papienli nni. A baa cua n kani be yogune? N baa cuoni leni li papienli n diegu nni.

LOMA YAABA 14:22

Ŋan pia yaa dandanli, kubi li a yuli po U Tienu nintuali. Li pamanli ye leni yua n ki buni ki cuo o yuli wan saa yaala yaa po i moamoani nni.

1 Korenti 4:4

Ama lani ka doagidi ke n pia moamoani, yua n jia npo ti buudi tie o Diedo.

2 Korenti 1:12

Tin jigini ti yula yaala yaa po tie ke ti pala siedi doagidi ke ti ye ŋanduna nni leni yaa tagu n gagidi leni yaa yantugupiendi n ñani U Tienu kani. Yaala n cie mo tie ke ti tagu den tie yeni yi moko yaa siiga. Tii den pia laa tagiŋamu kelima o nisaalo yanfuoma po ka, ama kelima U Tienu ŋanbili po.

Efesa 3:12

O yaa niinne ke ti fidi ki nagini U Tienu kani leni ti dugidi kelima tin pia yaa *dandanli opo yaa po.

1 Timote 2:8

Lanwani n bua ke bi jaba n yaa jaandi i kaani kuli ki yugidi yaa nii n ŋani cain, ki naa pia pabienli leni niamaba kuli.

Hebilunba 10:22

Lankuli yaa po tin yaa nagidi U Tienu kani leni li payenli, leni li dandanmoanli, ki yaa pia yaa pala n ŋuudi ki ñani yaa pali siedi n bia leni yaa gbanandi n ŋuudi leni mi ñinŋanma.

Hebilunba 4:16

Lanwani tin yaa nagidi leni li papaali U Tienu bali kalikaanu, li *ŋanbili n ye naankani. Lankani ti baa baa mi niñingbadima leni li ŋanbili leni mi todima lan bua yaa yogunu.

1 Jan 2:28

Lanwani n bibuadimu, yin yaa ye o niinni, ke wan baa doagidi yaa yogunu, tin yaa pia li papaali, ke o goacuama daali tin da jie i fe.

1 Jan 2:7

N buakaaba, mii diani yipo balimapanma ka, mi tie balimakpelima, yin pia yaama hali mi cilima. Mi balimakpelima yeni tie yin den gbadi yaa maama.

1 Jan 3:2

N buakaaba, moala ti tie U Tienu bila. Tin baa tua yaala daa doagidi, ama ti bani ke o yaa doagidi yaa yogunu, ti baa tie nani wani n tie maama, kelima ti baa le o nani wan tie maama.

1 Jan 3:20

Lanwani baa ti pala yaa buni ki cuo ti, ti bani ke U Tienu cie ti pala ki go bani li bonla kuli.

1 Jan 4:17

Diidi mi buama n ŋanbi cain ti niinni maama, ke ti baa fidi ki yaa pia li papaali li bujiali daali. Nani wani Kilisiti n tie maama, ti moko tie yeni ŋanduna nni.

1 Jan 5:14

Tin pia yaa dugidi U Tienu kani tie tine: Tin mia yaala ke li tie o yanbuama bonla kuli, o cengi ti.