1 Jan 2:5 - Gourmanchéma Bible

⁵ Ama yua n kubi o maama, U Tienu buama ye o pali nni moamoani ki dagidi cain. Yeni, ti bani ke ti ye o niinni.

U TIENU MAAMA TILI 2013

⁵ Ama yua n kubi o maama, U Tienu buama ye o pali nni moamoani, ki dagidi cain. Yeni, ti bani ke ti ye o niinni.

1 Jan 2:5 ပူးပေါင်းရင်းမြစ်များ

Pisomi 105:45

Ke ban fidi ki kubi o mabilikaama Ki go kubi o *bali maama. Pagi mani Li Miali Diedo!

Pisomi 106:3

Li pamanli ye leni yua n ŋua yaa bujiali n tiegi Ki tiendi mi *teginma yaa yogunu kuli.

Pisomi 119:146

N jaandi ki mia ŋan faabi nni. Lani n tie min fidi ki kubi a ñoabonbilikaana.

Pisomi 119:2

Li pamanli ye leni yaaba n kubi o ñoabonbilikaana Ki lingi o leni bi pala kuli!

Pisomi 119:4

A den teni a mabilikaama Ke ban yaa kubi ma bonŋanla.

Mi Kpanjama 28:7

Yua n kubi li balimaama tie yaa bijua yaa yama n fo, Ama yua n ŋua bi cancaginniba fiagidi o baamado yo.

Mi Kpanjama 8:32

Moala n bijaba, cengi mani nni, Yaaba n ŋua n tundi baa yaa pia mi yemanma.

O Yanfuodaano 8:5

Coagili kan coagi yua kubi li *bali maama. O yanfodaano bani cain ke U Tienu pia wan baa jia ti buudi yaa yogunu.

Esekieli 36:27

N baa kuani n Fuoma yi niinni ki teni yin yaa ŋua n mabilikaama, ki yaa kubi ki go tiendi n ñoabona mo.

Luki 11:28

Jesu den goa ki yedi o: «Li pamanli ye leni yaaba cengi U Tienu maama ki kubi ma ki cie.»

Jan n diani U Tienu Laabaaliŋamo maama 14:21

Yua n tuo ki ga n bali maama ki go kubi ma, wani n tie yua n bua nni moamoani. Yua n bua nni yeni, n Baa baa bua o, n moko baa bua o, ki doagidi opo min tie yua.»

Jan n diani U Tienu Laabaaliŋamo maama 14:23

Jesu den goa ki yedi o: «O nilo yaa bua nni moamoani, o baa kubi n maama, lane n Baa baa bua o. Ti baa cua o kani ki yaa ye o deni.

Jan n diani U Tienu Laabaaliŋamo maama 15:5

Mini n tie bu duven tibu ñiali, yinba n tie bu beni. Yua n ye n niinni, ke n mo ye o niinni, o baa luoni li bonluonkaala boncianla. Kelima n yaa ye leni yi, yi kan fidi ki tieni pu.

Jan n diani U Tienu Laabaaliŋamo maama 6:56

Yua n ŋmani n gbanandi ki ñuni n soama kuli ye n niinni, ke n mo ye o niinni.

LOMA YAABA 8:1

Lanwani moala buudi cuonuba ki go ye yaaba n ye Jesu Kilisiti nni po.

1 Korenti 1:30

Ama yinba, U Tienu teni ke yi ye Jesu Kilisiti nni. O go teni ke Jesu tie tipo mi yanfuoma, leni mi *teginma, leni mi gagidiŋanma, leni mi *daafaabima.

2 Korenti 5:17

O nilo yaa ye Kilisiti nni, o tie tagipanma, li bonkpelila pendi, li bonla kuli tua bonpanla.

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba yaa po, ke timo n baa o yaa niinni U Tienu*moamoansaali.

Jaki 2:22

A laa ke o dandanli den taani ki yegi leni o tuona, ke o tuona yeni mo den teni ke o dandanli ŋani ki dagidi cain.

1 Jan 3:24

Yua n kubi li bali maama ye o U Tienu niinni, U Tienu mo ye o niinni. Lane ti bani ke o ye ti niinni kelima wan puni ti o Fuoma yaama yaa po.

1 Jan 4:17

Diidi mi buama n ŋanbi cain ti niinni maama, ke ti baa fidi ki yaa pia li papaali li bujiali daali. Nani wani Kilisiti n tie maama, ti moko tie yeni ŋanduna nni.

1 Jan 4:18

Mi buama naa pia ti jawaandi. Yaa buama n ŋani cain deli ki ñani ti jawaandi, kelima ti jawaandi ye kelima u cuonu n ye. Ti jawaandi n pia yua daa pia mi buama ke li dagidi.

1 Jan 5:2

Yaala n baa teni tin yaa bani ke ti bua U Tienu bila tie line: Ti yaa bua U Tienu ki go tiendi o *bali maama n yedi yaala.

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.

2 Jan 1:6

Mi buama yeni tie tin yaa cuoni nani U Tienu balimaama n bili maama. Lani n tie yin baa ŋua yaa balimaama tiladi nani yin den bandi maama hali mi cilima.

Mi Doagidima 12:17

O bonfuodibiado pali den beni leni o pua ke o gedi ki baa tuogi bu toabu leni o bila yaaba n sieni, bani yaaba n ŋua U Tienu mabilikaama ki kubi Jesu yaa siedi.

Mi Doagidima 14:12

Lani yaa po yo ke li pundi bi *nigagidiŋanba n yaa pia li juunli, bani yaaba n tuo ki ŋua U Tienu mabilikaama ki kubi li *dandanli Jesu po.