1 Jan 2:28 - Gourmanchéma Bible

²⁸ Lanwani n bibuadimu, yin yaa ye o niinni, ke wan baa doagidi yaa yogunu, tin yaa pia li papaali, ke o goacuama daali tin da jie i fe.

U TIENU MAAMA TILI 2013

²⁸ Lanwani, n bibuadimu, yin yaa ye o niinni, ke wan baa doagidi yaa yogunu, tin yaa pia li papaali, ke o guacuama daali, n da tua ti po fe.

1 Jan 2:28 ပူးပေါင်းရင်းမြစ်များ

Esayi 25:9

Laa daali bi baa yedi: «Ti Tienu n na. Wani n tie tin dugi yua yaa po. Moko, wani n faabi ti. Li Miali Diedo n tie tin dugi yua yaa po. Tin mangi mani ti pala bonŋanla Tin mangi mani ti pala leni o *faabima.

Esayi 45:17

Isalele yaaba wani, bi baa baa mi faabima kelima Li Miali Diedo po. Yaa faabima n baa ye hali yaa yogunu kuli Yi kan go fiagi, Yi kan go yaa ye leni i fe hali yaa yogunu kuli po.»

Malaki 3:2

Ŋme n baa fidi ki yaa ye o cuama daali? Ŋme n baa fidi ki sedi o yaa doagidi yaa yogunu? Kelima o baa tie nani ban duadi ti kudi leni yaa fantama yeni. O baa yaa tie nani a tiaŋuuda ciebu yeni.

Matie 16:27

Kelima o Ja Bijua baa ti cua leni o Baa kpiagidi ki yegi leni n malekinba. Laa yogunu o baa guani yua kuli nani o tuona n tie maama.

Matie 16:28

N waani yi i moamoani, yaaba n ye nekanba tianba kan kpe kaa laa ke o Ja Bijua cua o diema nni.»

Marki 8:38

Kelima yua n jie i fe npo leni n maama po bi naa niba, yaaba n tie *tuonbiadi danba ki go conbi yeni yaa siiga, o Ja Bijua mo baa jie laa nilo po i fe o yaa ti cua leni o Baa kpiagidi nni ki yegi leni yaa malekinba yaaba n gagidi yaa yogunu.»

Luki 17:30

Li go baa tua yene o Ja Bijua n baa doagidi o yuli yaa daali.

LOMA YAABA 9:33

nani lan diani maama: «Diidi ki le, n bili Siyono juali kani Yaa tanli n baa teni bi niba n tuudi, Yaa tancianli n baa teni bi niba n baa yeni, Ama yua n dugi opo kuli, O kan le i fe hali abada.»

1 Korenti 1:7

Yeni U Tienu paabu kuli siiga, baa bonyenbu ki poadi yipo yin gu ke U Tienu baa doagidi ti Diedo Jesu Kilisiti yaa yogunu.

1 Korenti 15:23

Ama yua kuli o kaanu, Kilisiti o kpialo, li yaa puoli, wan cua yaa yogunu, yaaba n tie o yaaba baa fii.

Efesa 3:12

O yaa niinne ke ti fidi ki nagini U Tienu kani leni ti dugidi kelima tin pia yaa *dandanli opo yaa po.

Kolosi 3:4

Kilisiti, yua n tie yi miali, yaa go cua ki doagidi o yuli yaa yogunu, yi moko baa taani ki doagidi leni o o kpiagidi nni.

1 Tesaloniki 2:19

Ŋmenba n go tie ti suginma leni ti pamanli leni ti kpiagidi badifogiliga? Naani laa tie yinba kaa, ti Diedo Jesu nintuali o yaa goa ki cua yaa yogunu?

1 Tesaloniki 3:13

O Diedo n yaa paagidi yi pala ke ti Baa U Tienu n yaa nua ke yi gagidi cain wani U Tienu po, kaa pia ban baa fidi ki kuli yi leni yaala ti Diedo Jesu n go baa cua leni o *nigagidiŋanba kuli yaa yogunu.

1 Tesaloniki 5:23

Mi yanduanma Tienu, wani oba n yaa gagidi ki ŋanbidi yi cain yi pala nni, yi yantiana nni leni yi gbanandi nni kuli, ke yin da pia tagiliba kuli ti Diedo Jesu Kilisiti cuama daali.

1 Timote 6:14

ke ŋan yaa ŋua min teni a yaa ñoabonli na cain, ki da tudi baa waamu hali ti Diedo Jesu Kilisiti n baa doagidi o yuli yaa yogunu.

2 Timote 4:8

Baa moala bi bili npo mi *teginma badifogiliga, o Diedo yua n tie o bujiateginka n baa pa nni yaaga o goacuama daali. O kan pa mini n bebe ka, ama yaaba n den bua o goacuama kuli.

Titi 2:13

ki go gu tin sugini yaala ke li pia li pamancianli yeni, lani n tie ti Tienu yua n tie Tienciamu leni ti Candaano Jesu Kilisiti yaa kpiagidi yaa doagidima.

Hebilunba 9:28

Li tie yeni ke Kilisiti den padi o yuli ki kpe yenma, ki tugi bi nisaaliba boncianla tuonbiadi. O go baa cua mi liema ki doagidi o yuli ke li kan go yaa tie ti tuonbiadi ñanma po ka, ama yaaba n den gu o *tindima po.

1 Pieri 1:7

Laa bonla cua ki baa doagidi yi dandanli n moani maama. Wula, baa ke o tie bonmoanla, baa fidi ki biidi, ama bi yen biigi o leni mi fantama. Li tie yenma leni yi dandanli, yaala n tie bonmoanla ki cie wula ban baa biigi yaali ki bandi lin moani maama, ke yin baa ti pagidi leni ti kpiagidi leni ti jigidi Jesu Kilisiti n baa doagidi yaa yogunu.

1 Pieri 5:4

Lanwani o yankpaaciamo yaa doagidi o yuli yaa yogunu, yi baa baa yaa kpiagidi n kan yindi yaa badifogiliga.

1 Jan 2:1

N bibuadimu, n diani yipo yaala n tie na ke yin da tieni*tuonbiadi. Li yaa tie ke yua n tieni ti tuonbiadi, ti pia o*candanbaalo ti Baa U Tienu kani, Jesu Kilisiti o niteginka.

1 Jan 3:2

N buakaaba, moala ti tie U Tienu bila. Tin baa tua yaala daa doagidi, ama ti bani ke o yaa doagidi yaa yogunu, ti baa tie nani wani n tie maama, kelima ti baa le o nani wan tie maama.

1 Jan 3:21

N buakaaba, ti pala yaa buni ki cuo ti, ti pia li papaali U Tienu kani.

1 Jan 4:17

Diidi mi buama n ŋanbi cain ti niinni maama, ke ti baa fidi ki yaa pia li papaali li bujiali daali. Nani wani Kilisiti n tie maama, ti moko tie yeni ŋanduna nni.

1 Jan 5:14

Tin pia yaa dugidi U Tienu kani tie tine: Tin mia yaala ke li tie o yanbuama bonla kuli, o cengi ti.

Mi Doagidima 1:7

Diidi ki le mani, O kpendi ti tawadi nni, Nunbu kuli baa le o, Baa yaaba n den muu o. Ŋanduna nibuoli kuli Baa buudi kelima opo. Yeni n yeni, Amina!