1 Jan 2:20 - Gourmanchéma Bible

²⁰ Ama yinba wani, yi baa U Tienu Fuoma Yua, yua n teni ke yikuli pia mi bandima.

U TIENU MAAMA TILI 2013

²⁰ Ama yinba wani, yi baa U Tienu Fuoma Yua, yua n teni ke yikuli bani i moamoani.

1 Jan 2:20 ပူးပေါင်းရင်းမြစ်များ

Pisomi 16:10

Kelima a kan ŋa nni bi tinkpiba diema nni, A kan tuo mini a buado n le mi bedima.

Pisomi 23:5

A siendi npo mi jiema n yibali nintuali A sogi n yuli tulale kpama. N tadiñokaaga gbie ki landi landi.

Pisomi 45:7

U Tienu, a bali kalikaanu ye hali yaa yogunu kuli. A badigbiamu mo tie mi teginma gbiamu.

Pisomi 71:22

N baa pagi a leni ku kogidigu. N Tienu, n baa yiini a *ŋanbili po. N baa pagi a leni ku kogidigu fini Isalele Tienu yua gagidi ki ŋani.

Pisomi 92:10

Li Miali Diedo, diidi a yibalinba nne! Diidi a yibalinba yeni bodi, Yaaba n tiendi yaala n naa tiegi kuli yadi.

Mi Kpanjama 28:5

Bi nibiadiba ki bani mi *teginma n bua ki yedi yaala, Ama yaaba n lingi Li Miali Diedo wani bani likuli.

Esayi 43:3

Kelima n tie Li Miali Diedo yi Tienu Isalele yaaba Tienu Yua n Gagidi ki ŋani, yi Candaano. N puni Ejipiti diema yi *daafaabima po Etiopi leni Seba mo n lebidi ki ga yi kaanu.

Esayi 61:1

O Diedo Li Miali Diedo Fuoma ye n niinni Kelima Li Miali Diedo gandi nni Ke min yaa caagi bi niñinniba o laabaaliŋamo. O soani nni ke min baagi yaaba n ye li paboanli nni Ki waani i yonbi ke bi baa mi faabima Ki go waani a kpaada mo ke bi baa mi *faabima,

Jeremi 31:34

Oba kan go bangi o yua. Oba kan go yedi o kpiilo: ‹Bandi mani Li Miali Diedo!› Kelima bikuli baa yaa bani nni, Ki cili yua n wa bi siiga ki ban taani o nikpelo, Li Miali Diedo n yedi yeni. N baa tieni sugili bi tagili po. N kan go tiadi bi tuonbiadi po.»

Levi 7:35

Lani n tie Alono leni o bijaba n baa yaa biinu Isalele yaaba n puuni yaala yaa siiga. Ban wuli bipo mi kpama ki gagidi ba yaa daale ke bi baa laa sanu.

Matie 13:11

O den goa ki yedi ba: «Kelima bi puni yinba yin bandi *tanpoli diema bondoaginkaala. Ama bi naa puni bani ban bandi.

Marki 1:24

«Ŋain, fini Nasaleti yua Jesu, be n ye tinba leni fini siiga? A cua ki baa bolini ti. N bani ŋan tie yua. A tie U Tienu *Nigagidiŋamo.»

Luki 4:18

O Diedo Fuoma ye n niinni Kelima o gandi nni Ke min yaa wangi a luoda o Laabaaliŋamo. O soani nni ke min kpaani i yonbi *faabima. Ke min pa a juama mi nunnualima. O soani nni ke min yaa faabidi ban miabi yaaba,

Luki 4:34

«Ŋain, fini Nasaleti yua Jesu, be n ye tinba leni fini siiga? A cua ki baa bolini ti. N bani ŋan tie yua. A tie U Tienu n *Nigagidiŋamo.»

Jan n diani U Tienu Laabaaliŋamo maama 14:26

O Todika, U Tienu Fuoma Yua, Baa n baa soani yua n yeli nni yeni, wani n baa bangi yi li bonla kuli, ki tiadi yi min waani yi yaala kuli.

Jan n diani U Tienu Laabaaliŋamo maama 16:13

O yaa cua, wani i moamoani Fuoma yeni, o baa gobidi yi yin bandi i moamoani maama fuuli kuli. O kan maadi o yuceli po ka, ama o baa maadi wan gbadi yaama, ki wangi yi yaa bonla n baa ti cua.

Jesu Tondiba Tuona 10:38

U Tienu den teni ke U Tienu Fuoma Yua jiidi Nasaleti yua Jesu po ki gbie o niinni maama, ki puni o u paalu. Yi go bani ke o den caa i kaani kuli ki ŋanbidi bi niba po, ki faabidi Sutaani n den miabi yaaba kuli ki paagidi ba kelima U Tienu den ye leni o.

Jesu Tondiba Tuona 3:14

Ama yi den yie o, wani o *Nigagidiŋamo leni o Niteginka. Yi den mia ban faabi yipo o nikpalo.

1 Korenti 2:15

U Tienu Fuoma Yua yantiali n diedi yua bigidi li bonla kuli. Ama oba kuli kan fidi ki biigi ki bandi wani.

Hebilunba 1:9

A bua mi teginma, Ki nani mi biadima. Li tie lani yaa po, fini U Tienu, ke a Tienu gandi a Ki wuli a yuli po li pamanli kpama, Ki teni ke a pia ti jigidi ki cie a lieba.»

Hebilunba 8:11

Bi siiga oba kuli Kan go bangi o yieninlielo, Yaa ka o kpiilo ki yedi o: Bandi o Diedo. Kelima ki cili yaa biga n wa ki cie, Ki yaa caa hali yua n kpeli ki cie, Bikuli baa bandi nni.

1 Jan 2:27

Ama yinba wani, yin den baa mi Fuoma yaama yeni, ye yi niinni ke laa go tie tiladi ban go bangi yi. Kelima mi Fuoma yaama n bangi yi li bonla kuli ki tie moamoandaano kaa tie faadaano. Lani yaa po yin yaa ye o niinni nani wan bangi yi maama.

1 Jan 4:13

Line n teni ke ti bani ke ti ye o niinni ke o mo ye ti niinni: Lan tie ke o puni ti o Fuoma.

Jude 1:5

Baa ke yi bani yaala n tie na kuli bonŋanla, n bua ki go tiadi yi ke o Diedo den faabi o niba Isalele yaaba ki ñani ba Ejipiti nni. Ama o den yuandi ki bolini bi siiga yaaba n naa den dugi opo.

Mi Doagidima 3:7

Ŋan diani Kilisiti n yini yaaba Filadelifi po yaa maleki po ki yedi o: «Yua n Gagidi ki Ŋani, Ki tie o Moamoandaano, Wani yua n kubi Dafidi sendabiga, O yaa luodi, oba kuli kan luoni, O yaa luoni mo, oba kuli kan luodi, Wani n yedi yaa maama n tie na:

Mi Doagidima 4:8

A bonfuodinaada yeni yua kuli den pia fiabi luoba luoba, ki pia i nuni boncianla bi lindima leni bi poagima nni kuli. Ku ñiagu leni u yensiinu kuli bi maadi kaa cedi ki tua: «O gagidi ki ;nani, o gagidi ki ;nani, o Diedo U Tienu, U Paaciamu Kuli Daano gagidi ki ;nani, wani yua n den kpa ye, ki ye moala ki go baa cua.»