1 Jan 2:18 - Gourmanchéma Bible

¹⁸ Yinba a biwaala, mi juodima yogunu nagini. Yi gbadi ke*Kilisiti-yieka baa cua. To, baa moala Kilisiti-yiekaaba ye boncianla. Lani yaa po ti bani ke mi juodima yogunu nagini.

U TIENU MAAMA TILI 2013

¹⁸ Yinba n bila, mi juodima yogunu nagini. Yi gbadi ke Kilisiti yieka baa cua. Ba moala Kilisiti yiekaaba ye boncianla. Lani yaa po, ti bani ke mi juodima yogunu nagini.

1 Jan 2:18 ပူးပေါင်းရင်းမြစ်များ

Matie 24:11

Bi sawalipua-faadanba baa fii boncianla, ki boandi bi niba boncianla.

Matie 24:24

Kelima a tuonanda yaaba n yedi ke bi tie U Tienu n gandi yaaba leni bi sawalipua-faadanba baa fii ki yaa tiendi sinankeenciami leni li bonlidikaala, hali ke bi yaa bi baa fidi, bi bi baa boandi baa U Tienu n gandi yaaba moko.

Matie 24:5

Kelima bi niba boncianla baa ti cua n yeli nni ki yedi: ‹Mini n tie *U Tienu n Gandi Yua.› Lani bi baa boandi bi niba boncianla.

Marki 13:6

Bi niba boncianla baa ti cua n yeli nni ki yedi: ‹Mini n tie *U Tienu n Gandi Yua,› ki boandi bi niba boncianla.

Jan n diani U Tienu Laabaaliŋamo maama 21:5

Jesu den buali ba: «N bila, naani yi pia i jami?» Bi den goa ki yedi o: «A-a.»

LOMA YAABA 13:11

Yin yaa tiendi mani yeni ki cie kelima yi bani tin ye yaa yogunu. Li tie yin di baa fundi yi guama nni yaa yogunu, kelima mi *tindima yogunu nagini moala ki cie tin den daani yaa yogunu.

LOMA YAABA 13:12

Ku ñiagu bii ke li waagi, li daali nagini. Lanwani, tin landi mani li *biigili yaa tuonbiada ki nan laa mi yenma yaa tuonŋama nani ti toatiadi yeni.

Hebilunba 1:2

Ama moala, mi juodima dana nni, o maadi leni tinba o Bijua yaa ñoabu nni. O den bili ke wane n diedi li bonla kuli, o yaa niinne ke o go tagi li ŋandunli kuli.

1 Pieri 1:20

U Tienu den tuodi ki gandi wani Kilisiti lankuli po hali ke ŋanduna daa tagi, ki doagidi o ŋanduna juodima yogunu yinba yaa po.

1 Pieri 1:5

O bili la yinba yaa po, wani U Tienu paaciamu n kubi yaaba kelima li *dandanli po, yaa *tindima n baa yuandi ki doagidi mi juodima yogunu po.

1 Pieri 4:7

Li bonla kuli juodima nagini. Yin faami mani ki yaa kubi yi yula, ke yin fidi ki yaa jaandi.

2 Pieri 2:1

Bi sawalipua-faadanba mo den ye Isalele yaaba siiga. Bi bangi-faadanba baa ye yi moko yaa siiga yene. Bi baa boandi ki kuani mi bangitudikaama yi siiga nni, yaama n baa bolini bi niba. Bi baa yie o Diedo yua n den da ki faabi ba, ki cuani bi yula po yaa bolinma n baa baa bipo tontoni.

2 Pieri 3:3

Yin tuodi ki bandi ke mi juodima yogunu, li ñuali danba baa cua leni bi ñuali, bani yaaba n ŋua bi gbanandi bonbuakaala.

1 Jan 2:22

Ŋme n tie o tuofaadaano, kali yua n nia ke Jesu ki tie*U Tienu n Gandi Yua? Wani n tie Kilisiti-yieka, wani yua n nia Baa leni Bijua.

1 Jan 4:1

N buakaaba, yin da dugi mani yaaba n yedi ke bi pia U Tienu Fuoma kuli po. Ama yin biigi ba ki bandi bi yaa pia U Tienu n puuni yaa Fuoma, kelima bi sawalipua-faadanba boncianla yayadi ŋanduna nni.

1 Jan 4:3

Yua n nia ke Jesu ki den tie nisaalo kuli, waa pia U Tienu Fuoma. Ama o pia *Kilisiti-yieka yaa yantiali. Yi den gbadi ke Kilisiti-yieka baa cua, baa moala o ye ŋanduna nni.

2 Jan 1:7

Kelima mi tulinma danba boncianla cua ki yayadi ŋanduna nni, yaaba n naa tuo ke Jesu Kilisiti den cua ki tua nisaalo. Laa nibuolu n tie mi tulinma daano leni *Kilisiti-yieka.

Jude 1:18

Bi den tua yi: «Mi juodima yogunu li ñuali danba baa ye, yaaba n ŋua bi gbanandi bonbuakaala, ki yie U Tienu.»