1 Jan 2:13 - Gourmanchéma Bible

¹³ Yinba bibaanba, n diani yipo kelima yi bani yua n ye hali mi cilima. Yinba bi jawaaba, n diani yipo kelima yi paadi o *Biado.

U TIENU MAAMA TILI 2013

¹³ Yinba bibaanba, n diani yi po kelima yi bani yua n ye hali mi cilima. Yinba bi nipanba, n diani yi po kelima yi paadi o Biado.

1 Jan 2:13 ပူးပေါင်းရင်းမြစ်များ

Pisomi 148:12

Pagi o mani, yinba bi jawaaba leni bi jafanba, A jakpela leni a bonwaala kuli!

Pisomi 90:2

Hali ke a juana daa den ye Ke fini mo daa tagi ki tinga leni li ŋandunli, A li tie U Tienu yaa yogu n tu yaa yogu kuli po.

Pisomi 91:14

Nani wani sani ki baa npo yeni, n baa teni wan cia. N baa kubi o kelima o bani min tie yua.

Mi Kpanjama 20:29

U gbanmanu n tie mi panma ŋamu, Ti yukobipiendi mo n tie a nikpela kpiagidi.

Sakari 9:17

Bi diema baa yaa mani ki go ŋani mo. Likani *ŋalikama leni o duvenpaano baa teni Bi jawaaba leni bi jafanba n yaa fiidi leni u gbanmanu.

Matie 11:27

N Baa puni nni li bonla kuli bali. Oba kuli ki bani Bijua, li yaa tie Baa yaaka, oba kuli mo ki bani Baa, li yaa tie Bijua, leni wani Bijua n bua ki doagidi o yua yaa po yaaka.

Matie 13:19

O nilo yaa cengi *U Tienu diema maama, ki naa ga man bua ki yedi yaala, o *Biado cua ki ñani ban pagi yaama o pali nni. Lani n tie yua n baa yaa bonpagikaala n pagi u sankunu.

Matie 13:38

U kuanu mo tie ŋanduna. Yaa bonbuoli n ŋani tie U Tienu diema bila. Ti moabiaditi tie o Biado yaa bila.

Matie 5:37

Yi yaa yedi: ‹Mm, lan yaa tie mm.› Yi yaa yedi: ‹A-a mo, lan yaa tie a-a.› Kelima yaala n pugini kuli di ñani o *Biado kane.

Luki 10:22

Jesu den pugini ki yedi: «N Baa puni nni li bonla kuli bali. Oba kuli ki bani Bijua n tie yua kali Baa bebe, oba kuli mo ki bani Baa n tie yua kali Bijua leni wani Bijua n bua ki doagidi o yua yaa po.»

Jan n diani U Tienu Laabaaliŋamo maama 14:7

Yi yaa bi bani nni, yi bi baa bani n Baa. Moala liiga yi bani o, yi laa o.»

Jan n diani U Tienu Laabaaliŋamo maama 14:9

Jesu den yedi o: «Filipi, baa ke n waagi ki ye leni yi, a daa bani nni? Yua n laa nni kuli laa Baa. Be yaa po ke a yedi min waani yi Baa?

Jan n diani U Tienu Laabaaliŋamo maama 16:3

Bi baa tiendi yi laa bonla kelima baa bani Baa, baa bani mini moko.

Jan n diani U Tienu Laabaaliŋamo maama 16:33

N waani yi lani ke yin yaa pia mi yanduanma n niinni. Ŋanduna nni yi baa le o falabiado, ama yin paagi mani yi pala. Mini, n paadi ŋanduna.»

Jan n diani U Tienu Laabaaliŋamo maama 17:21

Min mia ŋa bipo yaala tie line, ke bikuli n yaa tie yendo nani fini Baa n ye n niinni ke n moko ye a niinni maama, ke bani mo n yaa ye ti niinni ke ŋanduna yaaba n daani ke fini n soani nni.

Jan n diani U Tienu Laabaaliŋamo maama 17:3

Line n tie yaa miali n kan gbeni, ke ban bandi a, fini yua bebe n tie U Tienu moamoani, ki go bandi ŋan soani yua, Jesu Kilisiti.

Jan n diani U Tienu Laabaaliŋamo maama 8:19

Lanwani bi den buali o: «A Baa ye le?» Jesu den goa ki yedi ba: «Yii bani nni, yii bani n Baa mo. Yi yaa bi bani nni, yi bi baa bani n Baa moko.»

2 Korenti 4:6

U Tienu yua n den yedi: «Mi yenma n yendi li *biigili nni,» teni ke mi yenma yendi ti pala nni, ki puni ti U Tienu kpiagidi yaa bandima yaadi n yendi Kilisiti nunga nni.

1 Timote 5:1

Ŋan da tundi o nikpelo leni ku fuugu. Ama ŋan tundi o nani o tie a baa yeni. Ŋan tundi bi jawaaba nani bi tie a waamu yeni,

Titi 2:6

Ŋan go yaa tundi bi jawaaba mo ke ban yaa pia mi yama li bonla kuli nni.

1 Jan 1:1

Ti diani ki wangi yi li miali maama, Yaama n den ye hali mi cilima, Tin den gbadi, ki laa yaala leni ti nuni, Ki diidi ki go sii yaala leni ti nii.

1 Jan 2:1

N bibuadimu, n diani yipo yaala n tie na ke yin da tieni*tuonbiadi. Li yaa tie ke yua n tieni ti tuonbiadi, ti pia o*candanbaalo ti Baa U Tienu kani, Jesu Kilisiti o niteginka.

1 Jan 2:12

N bibuadimu, n diani yipo kelima yi baa yi tuonbiadi sugili kelima Jesu yeli po.

1 Jan 2:14

Yinba a biwaala, n den diani yipo kelima yi bani Baa. Bibaanba, n den diani yipo kelima yi bani wani yua n ye hali mi cilima. Bi jawaaba, n den diani yipo kelima yi pia u fidu, U Tienu maama mo ye yi niinni, yi go paadi o Biado.

1 Jan 3:12

Tin da tie mani nani Kayina yua n den tie o *Biado yua, ki den ku o waalo. Be yaa po ke o den kodi o? Kelima o tuona den bia, ke o waalo ya tiegi.

1 Jan 4:4

N bibuadimu, yi tie U Tienu yaaba. Yi paadi bi sawalipua-faadanba, kelima yua n ye yi niinni pia u paalu ki cie yua n ye ŋanduna nni.

1 Jan 5:18

Ti bani ke U Tienu n mali yua, waa tiendi tuonbiadi, kelima U Tienu Bijua kubi o ke o *Biado kan sii o.

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.

Mi Doagidima 12:11

Bi den paadi o Kelima ki Pebiga soawulima Leni bi siedi maama yaa po, Baa den bua ki ga bi miana, Hali ki baa jie mi kuuma.

Mi Doagidima 2:7

Yua n pia a tuba, wan cengi mi Fuoma n tua Kilisiti n yini yaaba nitaana yaala. Yua n koani mi jama ki paadi, n baa pa o wan yaa di li miali tibu, yaabu n ye U Tienu denpo *ŋalijani nni, yaa bonluonkaala.› »