Yemesi 5:20 - Farefare Ninkaré

²⁰ ya bãŋɛ tɩ nẽr-sɛka woo n tarɩ tõon-be'ero dãana a tõon-be'ero sorɔɔgɔ zuo leme wa'am, a fãagɛ la tõon-be'ero dãana kũm pʋam, tɩ Nawẽnnɛ wʋn basɛ a tõon-be'ero zozo'e taalɛ.

ZE'ELEGO PAALEGA

²⁰ ya mina ti, se'em woo en tari be'em daana a tuure puan lebe na la, wan faaɛ be'em daana la sia kum puan bahɛ, gee ti Yinɛ pi' be'em daana la be'em zo'e zo'e.

Yemesi 5:20 ပူးပေါင်းရင်းမြစ်များ

Azã 5:24

Mam yetɩ ya la sɩra sɩra, tɩ sɛka n selse mam yetɔga dee bɔ sɛka n tõm mam na sɩra, a tarɩ la vɔm n ka ba'asrɩ. La ba kãn di a sarɩya. La a yese la kũm pʋam tara vɔm n ka ba'asrɩ.

Aromduma 11:14

Mam ɩtɩ bɛla tɩ m botɩ m buuri la n ɩta sũure, tɩ la botɩ ba nẽrba basɛba yẽ fãarɛ.

1 Korẽntɩ 1:21

Nawẽnnɛ n ẽŋɛ sɛla la a yɛm na, nẽrsaalba ka tã'agɛ bãŋɛ ẽ la ba mẽŋa yɛm. Bɛla tɩ Nawẽnnɛ botɩ kõ-yẽlga la mõolgɔ tɩ nẽrsaalba yetɩ la de la yalnɛ la, fãagɛ nẽr-sɛba n bɔ ẽ sɩra la.

1 Korẽntɩ 9:22

Mam sãn bɔna la nẽr-sɛba n ka tarɩ pãŋa Nawẽnnɛ sore doosgo pʋam, mam vɔa wʋ bãma, tɩ m sõŋɛ ba tɩ ba da basɛ Nawẽnnɛ sore. Mam ɩtɩ sɛla woo la bɛla bɔ'ɔra nẽrba buuri wuu, ɩta mam wʋn ẽŋɛ se'em tɩ m tã'agɛ fãagɛ ba nẽrba basɛba.

1 Timoti 4:16

Guuse fʋ mẽŋa la fʋ vɔm, la fʋ zãsŋɔ la. Mõrgɛ ze'ele kãŋkãŋɛ ɩta bɛla wuu. Fʋ sãn ɩta bɛla, tɩ fʋ wʋn fãagɛ fʋ mẽŋa, la sɛba n selsrɩ fʋ la.

Afilmõ 1:19

Mam Apolɩ n gʋlsɛ wãna la mam mẽŋa nu'ugo yetɩ: Mam wʋn yɔ fɔ. Mam kãn tẽegɛ fɔ tɩ fʋ mẽŋa tarɩ mam sãnnɛ, la de la mam n sõŋɛ fɔ tɩ fʋ yẽ vɔm.

Yemesi 1:15

La be'em yɛmleego sãn yõkɛ pʋʋrɛ, a dɔgrɩ la tõon-be'ero. La tõon-be'ero la sãn wa bɩ, a sẽm na kũm.

Yemesi 1:21

Bɛla, basɛ-ya sɛla n de tõon-dẽgrɔ buuri wuu, la sɛla n de pʋtʋʋlgɔ wuu, dee sike ya mẽŋa to'oge Nawẽnnɛ yetɔga la tɩ a dɩkɛ ẽŋɛ ya sũure pʋam, n tã wʋn fãagɛ ya la.

Yemesi 5:15

Ban bɔ Nawẽnnɛ sɩra pʋ'ʋsɛ la, la wʋn fãagɛ bã'ara la mɛ, Zuudãana la wʋn bɔ ẽ ĩmã'asʋm mɛ tɩ a isge. La a sãn tõm tõon-be'ero, a wʋn basɛ ẽ taalɛ.

Yemesi 5:19

M sɔbiisi, ya nẽra ayɩla sãn bʋrgɛ dee basɛ sɩra sore, tɩ nẽra tarɩ ẽ leme wa'am,

1 Pita 4:8

Sɛla n gãnnɩ wuu de la ya nõŋɛ taaba zozo'e, se'ere n soe la, nõŋlʋm n botɩ tɩ basra taaba tõon-be'ero zozo'e taalɛ.

Lilegere 20:6

Nẽr-sɛba n wʋn po vo'oge pɔspɔsɩ kũm vo'ore la, tarɩ zu-yẽlga, bãma de la Nawẽnnɛ nẽrba. Kũm bʋyi dãana la ka tã wʋn ẽŋɛ ba sɛla. Bãma n wʋn dɛna Nawẽnnɛ la Krisi kãabgɔ kẽma, la ba wʋn lagɩm na Krisi di na'am yʋʋma tʋsrɛ.