Yemesi 5:16 - Farefare Ninkaré

¹⁶ Bɛla, pelge ya pʋa tɔgɛ ya tõon-be'ero pa'alɛ taaba, pʋ'ʋsɛ bɔ taaba, tɩ ya wʋn yẽ ĩmã'asʋm. Nẽra n masɛ Nawẽnnɛ zẽ'am pʋ'ʋsgɔ tõnnɩ mɛ la pãŋa zozo'e.

ZE'ELEGO PAALEGA

¹⁶ Ŋwana zuo, puti ya ya be'em bɔ'ɔra taaba, gee pu'uha bɔ'ɔra taaba bala ti ya wan nyɛ ya tibegɔ. Tuntɔɔ daana pu'uhegɔ tari la paŋa, gee tuna.

Yemesi 5:16 ပူးပေါင်းရင်းမြစ်များ

Amatie 21:22

La ya sãn sose Nawẽnnɛ sɛla dee bɔ ẽ sɩra, ya wʋn to'oge.»

Amatie 3:6

tɔgra ba tõon-be'ero pa'ala ẽ, tɩ a misra ba Zʋrdẽ ko'om na pʋam.

Amarkɩ 1:5

Tɩ nẽrba zozo'e ze'ele Zude so'olʋm wuu, la Zerizalɛm wuu sẽnna Azã zẽ'am tɔgra ba tõon-be'ero pa'ala ẽ. Tɩ Azã misra ba kʋlaa yʋ'ʋrɛ n de Zʋrdẽ pʋam.

Aluki 9:6

Azezi n yele bɛla la, karẽnbiisi la yese mɛ sẽŋɛ tẽn-pɩgsɩ wuu pʋam ka mõola Nawẽnnɛ kõ-yẽlga, dee botɩ bã'adõma yẽta ĩmã'asʋm.

Azã 9:31

Tõma mi tɩ Nawẽnnɛ ka selsrɩ tõon-be'ero dõma sosgo, la nẽra sãn pʋ'ʋsra ẽ, dee ɩta ẽn boorɩ se'em, a selsrɩ la ẽŋa dãana sosgo.

Tõoma 10:38

Ya ken mina Azezi n yese Nazarɛtɩ la, la Nawẽnnɛ n daan bɔ ẽ a Sɩa pãŋa se'em, tɩ a daan sẽŋɛ zẽ'esɩ wuu ẽŋɛ ɩr-sõma, botɩ Asũtãana n daan nãmsrɩ sɛba la wuu yẽ ĩmã'asʋm. Se'ere n soe la, Nawẽnnɛ daan boe la ẽ mɛ.

Tõoma 19:18

Tɩ nẽrba zozo'e bɔ Azezi sɩra wa'am wa pelge ba pʋa tɔgɛ ba tõon-be'ero nẽrba nẽŋam.

Tõoma 8:24

Tɩ Asimõ lerge yetɩ: «Pʋ'ʋsɛ-ya Zuudãana bɔ ma tɩ bõn-sɛka tɩ ya yele mam na sɛla sɛla da paagɛ ma.»

Aromduma 3:10

wʋ lan gʋlsɛ Nawẽnnɛ gõŋɔ pʋam yetɩ: «Nẽra ka boe n masɛ, baa ayɩla.

Aromduma 5:19

Nẽra ayɩla n sɩ'ɩsɛ Nawẽnnɛ nõorɛ ĩyã n botɩ nẽrba zozo'e dɛna tõon-be'ero dõma la, bɛla mẽ, nẽra ayɩla mã'a n sakɛ Nawẽnnɛ nõorɛ ĩyã, tɩ Nawẽnnɛ botɩ nẽrba zozo'e dɛna nẽrba n masɛ a zẽ'am.

Kolɔsɩ 1:9

Bɛla tɩ lan sẽŋɛ la daar-sɛka tɩ tõma wõm yãma yelle la, tɩ tõma pʋ'ʋsra Nawẽnnɛ yãma ĩyã wa paam lɛɛlɛ wã. Tõma sosrɩ ẽ tɩ a botɩ ya bãŋɛ ẽŋa n boorɩ se'em sõŋa sõŋa, la ya tara yɛm, la bãŋrɛ wuu tɩ Nawẽnnɛ Sɩa bɔ'ɔrɩ.

1 Tesaloniki 5:17

Pʋ'ʋsra-ya Nawẽnnɛ wakatɛ wuu da basɛ.

1 Tesaloniki 5:23

Nawẽnnɛ n de sũ-mã'asʋm dãana la mẽŋa wʋn basɛ tɩ ya dɛna ẽŋa mã'a nẽrba tara pʋpeelem. A wʋn gu ya ĩyã, la ya sɩa, la ya yɛm wuu tɩ ya kãn tara dõrga tɩ Zuudãana Azezi-krisi lemŋo daarɛ.

1 Tesaloniki 5:25

M sɔbiisi, pʋ'ʋsra-ya Nawẽnnɛ bɔ'ɔra tɔ.

Hiburuduma 11:4

Abɛlɩ n bɔ Nawẽnnɛ sɩra la ĩyã, tɩ a yʋʋn kãabɛ kãabgɔ n tarɩ yõorɔ gãnna Akãɩ kãabgɔ bɔ Nawẽnnɛ. La de la bɔ sɩra la ĩyã tɩ Nawẽnnɛ to'oge a bɔ'a la, dee yetɩ a masɛ ẽŋa zẽ'am. Abɛlɩ n bɔ sɩra la ĩyã, baa ẽn ki la, a yelle ken tɔgra mɛ.

Hiburuduma 11:7

Anoe n bɔ Nawẽnnɛ sɩra la ĩyã, tɩ a zoe Nawẽnnɛ sakɛ a nõorɛ. Nawẽnnɛ yʋʋn pa'alɛ ẽ na bõn-sɛba n wʋn ẽŋɛ tɩ nẽrba nãn ka yẽtɩ, tɩ a sakɛ mãalɛ õorŋɔ kãtɛ, tɩ ẽŋa la a yir-dõma kẽ mĩ yẽ fãarɛ. Bɛla a pa'alɛ tɩ dũnia dõma n ka sakɛ la koŋe bʋʋrɔ mɛ, dee tɩ ẽŋa masɛ Nawẽnnɛ zẽ'am, ẽn bɔ ẽ sɩra la ĩyã.

Hiburuduma 12:13

Basɛ-ya tɩ ya nãma la sẽnna sorɔɔrɔ n de tẽntẽesɩ zuto, tɩ nẽr-sɛka n dũ'usri la da lui, a wʋn yẽ ĩmã'asʋm.

Hiburuduma 13:18

Pʋ'ʋsra-ya Nawẽnnɛ bɔ'ɔra tɔ. Tõma mi tɩ sũure pʋam mɛ tɩ tõma ka ẽŋɛ be'em, tõma boorɩ mɛ tɩ tɩ yel-ɩrɛ ãna sõŋa sɛla woo pʋam.

1 Pita 2:24

Ẽŋa n to'oge tõma zẽ'am ki dɔ-puurŋa zuo tõma tõon-be'ero ĩyã, tɩ la sãn dɛna la tõon-be'ero tõoma, tõma ãn wʋ tɩ ki mɛ, dee vɔa ɩta sɛla n masɛ. A pɔglʋŋɔ la ĩyã tɩ ya yẽ laafɛ.

1 Zã 3:22

la bõn-sɛka wuu tɩ tɩ sosrɩ ẽ, a bɔ'ɔrɩ tɩ mɛ, tõma n sakrɩ a nõorɛ, dee ɩta sɛla n paarɩ a yɛm na ĩyã.