Yemesi 4:11 - Farefare Ninkaré

¹¹ M sɔbiisi, da tɔgra-ya taaba yelle be'em. Nẽr-sɛka n tɔgɛ a tadãana yelle be'em, bɩɩ zɛrgra ẽ, a tɔgrɩ la Nawẽnnɛ lɔɔ la be'em dee zɛrgra ẽ. La fʋ sãn zɛrgra lɔɔ la, fʋ ka sakrɩ lɔɔ la, fʋ lebge la lɔɔ la sarɩyadita.

ZE'ELEGO PAALEGA

¹¹ Da tɔgera ya be'em bɔ'ɔra taaba, n suurɔ wa. Fum se'em woo en tɔgɛ be'em bo' fum tadaana, bii gakɛ fum tadaana, tɔgɛ la be'em bahɛ ze'elego la zuo, gee gakɛ ze'elego la. Gee fum han gakɛ ze'elego la, fum ka tuni ze'elego la tuuma, gee fum dela ku gakera.

Yemesi 4:11 ပူးပေါင်းရင်းမြစ်များ

Aluki 6:37

«Da tɔgra-ya nẽra yelle yetɩ a ẽŋɛ be'em, tɩ Nawẽnnɛ mẽ kãn tɔgɛ ya yelle yetɩ ya ẽŋɛ be'em. Da zɛrgra-ya nẽrba, tɩ Nawẽnnɛ mẽ kãn zɛrgɛ ya. Basɛ-ya taaba taalɛ, tɩ Nawẽnnɛ mẽ wʋn basɛ ya taalɛ.

Aromduma 2:1

Fõn nẽr-sɛka n zɛrgrɩ nẽrba basɛba la, fʋ kãn yẽ bʋʋrɔ, se'ere n soe la, fõn zɛrgrɩ nẽrba basɛba dee ɩta bãma n ɩtɩ se'em na, fʋ mõŋrɩ la fʋ mẽŋa bʋʋrɔ.

Aromduma 2:13

La dagɩ sɛba n selsrɩ lɔɔ la n masɛ Nawẽnnɛ zẽ'am, la de la sɛba n sakɛ ɩtɩ wʋ lɔɔ la n yele se'em na n masɛ.

Aromduma 7:7

Bɛla, tɩ wʋn yetɩ bẽm? Tɩ wʋn yetɩ lɔɔ la de la tõon-be'ero bɩɩ? Ayɛɩ, la dagɩ bɛla. La lɔɔ la daan sãn ka boe nɩ, mam kãn bãŋɛ tõon-be'ero n de sɛla. Lɔɔ la daan sãn ka yele yetɩ: «Da ɩta sũure», mam kãn bãŋɛ nɩ sũure n de sɛla.

1 Korẽntɩ 4:5

Bɛla, da dẽŋɛ-ya di nẽra sarɩya dee tɩ Zuudãana la nãn ka leme. A sãn wa leme, a wʋn dɩkɛ sɛla n sʋgɛ lika pʋam yese peelem pʋam, dee botɩ bõn-sɛba wuu tɩ nẽrsaalba tẽ'esrɩ ba sũure pʋam puke. Wakat-ẽŋa, Nawẽnnɛ wʋn pẽgɛ nẽra woo wʋ lan masɛ tɩ a pẽgɛ ẽ se'em.

2 Korẽntɩ 12:20

Mam zotɩ mɛ tɩ m wʋn wa paam ya zẽ'am yẽ tɩ ya ka ãn wʋ mam n boorɩ se'em na, tɩ yãma mẽ yẽ tɩ mam ka ãn wʋ yãma n boorɩ se'em na. Mam zotɩ mɛ tɩ zɛbrɛ, la ɩta sũure la taaba, la sũ-isgre, la gẽelgɔ, la pɔ'ɔg-taaba, la ya'anzũm, la zẽk-m-mẽŋa, la ɩr-yooro wʋn bɔna ya tẽŋasʋka.

Efɛɛzɩ 4:31

Basɛ-ya sũ-toogo, la sũ-yĩire, la sũ-isgre, la nõke'ene, la taaba tʋʋrɛ, la pʋtʋʋlgɔ wuu.

1 Timoti 3:11

La ba pɔgba mẽ masɛ tɩ ba dɛna la nẽrba tɩ ba nannɩ, ba da dɛna nẽrba n tɔgrɩ nẽrba be'em, ba tara ba mẽŋa sõŋa, dee dɛna sɩra dõma sɛla woo pʋam.

2 Timoti 3:3

la nẽrba n ka nõŋɛ taaba, la nẽrba n ka tarɩ nẽra zĩile, la gõngõ'osrɩba, la nẽrba n ka tarɩ ba mẽŋa sõŋa, la nẽr-tɔɔsɩ, la nẽrba n sisri sɛla n ãn sõŋa,

Taitusi 2:3

Yele pɔg-yã'asɩ tɩ ba yel-ɩrɛ pʋam ba dɛna pʋpeelem dõma, la ba da dɛna gõngõ'osrɩba, ba da dɛna nẽrba n dɩkɛ ba mẽŋa bɔ dãam. Ba pa'ala sɛla n ãn sõŋa,

Yemesi 1:16

M sɔbi-nõŋrɩsɩ, da pã'asɛ-ya ya mẽŋa.

Yemesi 1:19

M sɔbi-nõŋrɩsɩ, bãŋɛ-ya bõn-ẽna wã sõŋa, nẽra woo mõrgɛ sɛlsra sõŋa, la a mã'agɛ a mẽŋa tɔgra, la a da isgra sũure tɔtɔ.

Yemesi 1:25

La nẽr-sɛka n tarɩ Nawẽnnɛ lɔɔ n masɛ sõŋa n yolsrɩ nẽrba la, dee sakɛ ẽ sõŋa ɩta lan yele se'em na, ẽŋa dagɩ nẽra n selsrɩ dee yĩnna, ẽŋa dãana tarɩ la sũ-yẽlga ẽŋa n ɩtɩ sɛla la pʋam.

Yemesi 2:8

Ya sãn sakɛ ɩta Nawẽnnɛ so'olʋm lɔɔ la n gʋlsɛ Nawẽnnɛ gõŋɔ pʋam yetɩ: «Nõŋɛ fʋ tadãana wʋ fʋ mẽŋa la», ya ẽŋɛ sõŋa.

Yemesi 5:10

M sɔbiisi, Nawẽnnɛ nõtɔ'ɔsrɩba la n yʋʋn tɔgɛ a yetɔga, tɩ ba nãmsɛ ba, tɩ ba mã'agɛ ba sũure la, ya mẽ ẽŋɛ wʋ bãma n ẽŋɛ se'em na.

Yemesi 5:7

M sɔbiisi, mã'ara ya sũure gu'ura Zuudãana la lemŋo. Bɩsɛ-ya kaara n mã'arɩ a sũure se'em gu'ura tɩ a va'am bõnkɔɔla biɛ wʋn wa bɩ sõŋa. A ẽn gu'ura mɛ tɩ sig-saaga wa ni, tɩ poorʋm saasɩ ni, tɩ bõnkɔɔla la biɛ bɩ sõŋa.

Yemesi 5:9

M sɔbiisi, da yõnna-ya taaba, tɩ Nawẽnnɛ da wa di ya sarɩya. Bɩsɛ-ya, sarɩyadita la ze la zanõrʋm.

1 Pita 2:1

Bɛla, basɛ-ya pʋtʋʋlgɔ wuu, la põmpɔrŋɔ, la pʋlibsum, la sũure, la taaba pɔ'ɔrɛ.