Yemesi 3:2 - Farefare Ninkaré

² Tõma wuu tuuri mɛ zozo'e. Nẽra sãn ka tuura a yetɔga pʋam, a de la nẽra n masɛ sɛla woo pʋam, tãna wʋn yõkra a mẽŋa sõŋa sõŋa.

ZE'ELEGO PAALEGA

² Se'ere en sɔi la, tu za'a tuure mɛ. Se'em en ka tuure a tugum puan dela tuuntɔɔ, tana a a iŋa za'a tara la gareŋenɛ.

Yemesi 3:2 ပူးပေါင်းရင်းမြစ်များ

Amatie 12:34

Yãma ãn wʋ kãmpẽesɩ buuri, yãma n de nẽr-bɛ'ɛsɩ wãna wã, ya wʋn ẽŋɛ la wãne tɔgɛ tɔg-sõma? Se'ere n soe la, sɛla n zo'oge sũure pʋam na tɩ nõorɛ tɔgrɩ.

Amatie 12:37

La de la fʋ yetɔga pʋam tɩ fʋ wʋn yẽ bʋʋrɔ, la, la de la fʋ yetɔga pʋam tɩ fʋ wʋn koŋe bʋʋrɔ.»

Aromduma 3:10

wʋ lan gʋlsɛ Nawẽnnɛ gõŋɔ pʋam yetɩ: «Nẽra ka boe n masɛ, baa ayɩla.

Aromduma 7:21

Bɛla, mam bãŋɛ bõn-ẽŋa mɛ: Mam n boorɩ tɩ m ẽŋɛ sɛla n ãn sõŋa la, mam tã ɩta la sɛla n de be'em mã'a.

1 Korẽntɩ 9:27

Mam mõrgrɩ m ĩyã mɛ tara m mẽŋa sõŋa sõŋa. Se'ere n soe la, mam ka boorɩ tɩ mam n mõolɩ kõ-yẽlga la bɔ'ɔra nẽrba la, mam mẽŋa wa koŋe yɔɔrɔ Nawẽnnɛ zẽ'am.

Galatɩ 3:22

La Nawẽnnɛ gõŋɔ la yetɩ, dũnia dõma wuu boe la tõon-be'ero nu'usum. La de la bɛla tɩ sɛba n bɔ Azezi-krisi sɩra la wʋn to'oge sɛla tɩ Nawẽnnɛ bĩŋe nõorɛ tɩ a bɔ ba, ban bɔ Azezi-krisi sɩra la ĩyã.

Galatɩ 5:17

Se'ere n soe la, nẽrsaalba mẽŋa yɛmleego n boorɩ se'em na de la to'ore la Nawẽnnɛ Sɩa n boorɩ sɛla la. Tɩ Nawẽnnɛ Sɩa n boorɩ sɛla la, mẽ dɛna to'ore la sɛla tɩ nẽrsaala mẽŋa boorɩ la. Bõn-bãma bayi sɩ'ɩsrɩ la taaba. La bɛla basɛ mɛ tɩ ya ka tãna wʋn ẽŋɛ yãma n boorɩ se'em na.

Kolɔsɩ 1:28

La de la ẽŋa yelle tɩ tõma mõolɩ, kã'ana nẽra woo, dee zãsna nẽra woo la yɛm tɩ tɩ botɩ nẽra woo masɛ sɛla woo pʋam Krisi doosgo pʋam ka ze'ele Nawẽnnɛ nẽŋam.

Kolɔsɩ 4:12

A'epafrasɩ n de ya nẽra la pʋ'ʋsra ya. Ẽŋa n de Azezi-krisi tõntõnna la mõrgrɩ mɛ pʋ'ʋsra Nawẽnnɛ ya yelle ka basra tɩ ya ze'ele kãŋkãŋɛ, dɛna nẽrba n bɩ sɛla woo pʋam sakɛ Nawẽnnɛ n boorɩ se'em wuu.

Hiburuduma 13:21

Nawẽnnɛ wʋn basɛ tɩ ya tã'agɛ ɩta sɛla woo n ãn sõŋa, dɔla a yɛm n boorɩ se'em. A wʋn basɛ tɩ sɛla n ãn a sũure yẽlʋm ẽŋɛ tɩ pʋam, Azezi-krisi ĩyã, ẽŋa n de sɛka n masɛ nã'asgɔ wakatɛ n ka ba'asrɩ. Amina.

Yemesi 1:26

Nẽr-sɛka woo n tẽ'esrɩ tɩ ẽŋa de la nẽra n dolɩ Nawẽnnɛ, dee ka tãna a nõorɛ yõkra, a pã'asrɩ la a mẽŋa, nẽr-ẽŋa Nawẽnnɛ doosgo la de la zãŋa.

Yemesi 1:4

La mõrgɛ-ya ze'ele kãŋkãŋɛ ka paagɛ a tɛka, tɩ ya wʋn masɛ sɛla woo pʋam, dɛna nẽrba n bɩ, tɩ sɛla ka pɔ'ɔgɛ ya.

Yemesi 2:10

Nẽr-sɛka sãn sakɛ lɔɔ la wuu, dee sɩ'ɩsɛ ayɩla tõm tõon-be'ego, a sɩ'ɩsɛ la ba wuu.

1 Pita 3:10

La gʋlsɛ Nawẽnnɛ gõŋɔ pʋam yetɩ: «Nẽr-sɛka n boorɩ tɩ a vɔm ãna yẽlʋm, dee tɩ a yẽ sũ-yẽlga, dẽnɩ tɩ a yõkɛ a nõorɛ la yetɔg-be'ero, dee basɛ põmpɔrŋɔ.

1 Pita 5:10

Ya wʋn ken nãmsɛ mɛ wakatɛ fẽe. La Nawẽnnɛ n soe yel-sõnnɛ wuu la wi ya mɛ tɩ ya po yẽ a na'am pãŋa n ka tarɩ ba'asgɔ, yãma n lagɩm na Krisi dɛna ayɩla la ĩyã. Ẽŋa wʋn le malgɛ ya tɩ ya ãna sõŋa, bɔ ya pãŋa tɩ ya ze'ele kãŋkãŋɛ, tɩ sɛla kãn tã'agɛ botɩ ya bike.