Yemesi 3:17 - Farefare Ninkaré

¹⁷ La yɛm n ze'ele Nawẽnnɛ zẽ'am ãn na sõŋa ka tara dẽgrɔ, dee botɩ nẽra tara sũ-mã'asʋm la a taaba, la sũ-bʋgsʋm, ɩta sugri, zɔta nẽrba ninbãalga zozo'e, tõnna tõon-sõma zozo'e, ka bɔkra nẽrba, dee ka dɛna pʋlibsum dãana.

ZE'ELEGO PAALEGA

¹⁷ Gee yɛm en ze'ele saazuo na, yia bu dela fa'a, tara suma'ahum, ma'ma, tara waŋa suboolum, pirɛ la nimbɔ'zɔrɛ, tara walesuma, ti fum kan nyɛ lugehego, bii birikɔgenɛ bu puan la fii me.

Yemesi 3:17 ပူးပေါင်းရင်းမြစ်များ

Amatie 23:28

Yãma mẽ ãn na bɛla. Yãma botɩ nẽrba bɩsra ya tɩ ya ãna wʋ nẽrba n ɩtɩ sɛla n masɛ, dee tɩ ya pʋam pɩrɛ la pʋlibsum, la tõon-be'ero.

Amatie 5:8

Pʋpeelem dõma tarɩ zu-yẽlga, se'ere n soe la, ba wʋn yẽ Nawẽnnɛ.

Amatie 5:9

Sɛba n botɩ sũ-mã'asʋm bɔna nẽrba tẽŋasʋka tarɩ zu-yẽlga, se'ere n soe la, Nawẽnnɛ wʋn wi'ira ba tɩ a kɔma.

Aluki 21:15

Mam mẽŋa wʋn bɔ ya yɛm tɩ ya tɔgɛ tɩ ya bɛ'ɛba kãn yãŋɛ lerge sɩ'ɩsɛ ya yetɔga.

Aluki 6:36

Zɔta-ya nẽrba ninbãalga, wʋ ya Sɔ Nawẽnnɛ n zotɩ nẽrba ninbãalga se'em na.»

Azã 1:14

Sɛka n de Yetɔga la daan lebge la nẽrsaala, kẽ'era tõma tẽŋasʋka. Tõma yẽ a na'am pãŋa mɛ, na'am pãŋa n de Nawẽnnɛ Bi-yẽŋa n ze'ele a Sɔ zẽ'am na'am pãŋa. La Nawẽnnɛ yel-sõnnɛ, la a sɩra wuu boe la a zẽ'am.

Azã 1:47

Tɩ Azezi yẽ Anatanayɛlɩ n sẽm a zẽ'am, tɩ a tɔgɛ a yelle yetɩ: «Ẽna de la Ɩsrayɛlɩ nẽra sɩra sɩra n ka tarɩ yelle.»

Tõoma 11:24

Se'ere n soe la, a daan de la nẽr-sõŋɔ, dee bɔ Azezi sɩra zo'oge, tɩ Nawẽnnɛ Sɩa bɔna la ẽ. La nẽrba zozo'e n daan pa'asɛ dɔla Zuudãana.

Tõoma 9:36

La pɔka ayɩla n daan boe Zope dɛna Azezi karẽnbia tɩ a yʋ'ʋrɛ dɛna Atabita. (Tɩ Grɛkɩdõma yetɩ, Adɔrkasɩ, a võorɛ de la «mõlfɔ».) A daan tõnnɩ la tõon-sõma sõŋra nasdõma.

Aromduma 12:18

La sãn dɛna la yãma, ya sãn tãna, ya botɩ sũ-mã'asʋm bɔna yãma la nẽrba wuu tẽŋasʋka.

Aromduma 12:9

Basɛ-ya tɩ ya nõŋlʋm dɛna sɩra nõŋlʋm, sise-ya be'em, la ya gʋrɛ sɛla n ãn sõŋa.

Aromduma 15:14

M sɔbiisi, mam mi mɛ sɩra sɩra tɩ yãma ɩtɩ sõŋa mɛ zozo'e, la ya tarɩ bãŋrɛ wuu zo'oge mɛ tãna wʋn kã'an taaba.

1 Korẽntɩ 12:8

Sɩa la bɔ'ɔrɩ nẽra ayɩla la bɔ'a tɩ a tɔgra yɛm yetɔga, la Sɩa ẽŋa ayɩla n bɔ'ɔrɩ nẽra ayẽma bɔ'a tɩ a tɔgra bãŋrɛ yetɔga.

2 Korẽntɩ 10:1

Mam Apolɩ tɩ ya yetɩ, mam sãn bɔna yãma zẽ'am, mam de la nẽr-bʋgsgɔ, la mam sãn ka bɔna yãma zẽ'am, mam tarɩ la bʋraanɛ tɔgra la, mam belnɩ ya mɛ la Krisi sũ-bʋgsʋm, la a sõŋa.

2 Korẽntɩ 6:6

La tõma tõnnɩ na pʋpeelem, la bãŋrɛ, la sũ-mã'arɛ, la ɩr-sõŋɔ, la Nawẽnnɛ Sɩa, la nõŋlʋm sɩra sɩra.

2 Korẽntɩ 7:11

Sũ-sã'aŋɔ sɛka n de Nawẽnnɛ n boorɩ se'em na n botɩ ya ɩta se'em n wãna: A botɩ ya mõ'ora la nini, a botɩ ya pa'ala tɩ ya ka tarɩ taalɛ yel-ẽŋa pʋam, a botɩ ya sũure n ka ãna yẽlʋm, a botɩ ya zɔta la dabeem, a botɩ ya bɔɔra mɛ la ya sũure wuu tɩ ya yẽ mam, a botɩ ya tara la yɛmleego tɩ ya ẽŋɛ sɛla n ãn sõŋa, dee wɩsgɛ ya mẽŋa tɩ ya sɩbgɛ sɛka n tõm be'em na. Yãma pa'alɛ mɛ sɛla woo pʋam tɩ yãma ka tarɩ taalɛ yel-ẽŋa pʋam.

2 Korẽntɩ 9:10

Nawẽnnɛ n bɔ'ɔrɩ ka-kɔɔra bõnbuuri, dee bɔ'ɔra ẽ dia tɩ a dita la, wʋn bɔ ya sɛla tɩ ya tãna wʋn tõm tõon-sõma zozo'e wʋ bõnbuuri n wɔm zo'oge se'em, tɩ ya tõoma n masɛ wʋn zɔ'ɔra pa'asra.

Efɛɛzɩ 5:9

Peelem tõoma de la sɛla woo n ãn sõŋa, la sɛla n masɛ, la sɩra.

Filipi 1:11

tɩ ya tõoma wʋn dɛna tõon-sõma n masɛ n ze'ele Azezi-krisi zẽ'am, tɩ la wʋn botɩ Nawẽnnɛ yẽ pẽka la nã'asgɔ.

Filipi 4:8

M sɔbiisi, sɛla n deege, basɛ-ya tɩ ya pʋtẽ'era tẽ'esra sɛla woo n de sɩra, la sɛla woo n narɩ nã'asgɔ, la sɛla woo n masɛ, la sɛla woo n tarɩ pʋpeelem, la sɛla woo n ɩtɩ sũure yẽlʋm, la sɛla woo tɩ nẽrba yetɩ la ãn sõŋa, tẽ'esra-ya bõn-sɛba wuu n ãn sõŋa masɛ pẽka yelle.

Kolɔsɩ 1:10

Tɩ ya yel-ɩrɛ wʋn masɛ wʋ Zuudãana la n boorɩ se'em, tɩ la paagɛ a yɛm sɛla woo pʋam. Tɩ ya wʋn tõm tõon-sõma buuri wuu, dee bãŋɛ Nawẽnnɛ pa'asɛ.

1 Tesaloniki 2:7

La tõma daan tarɩ nõorɛ mɛ, tõma n de Krisi Tõntõnɩba la ĩyã, la tõma daan ka ẽŋɛ bɛla. Tõma daan tarɩ la sũ-bʋgsʋm ya zẽ'am, wʋ pɔka n bɩsrɩ a kɔma yelle sõŋa se'em na.

1 Timoti 5:21

Mam yetɩ fʋ la Nawẽnnɛ, la Azezi-krisi, la malɛkadõma nẽŋam yetɩ, fʋ doose pa'algɔ bãna wã la sɩra, da bɔkra nẽrba.

2 Timoti 2:24

La Zuudãana tõntõnna ka masɛ tɩ a zɛbra. La masɛ mɛ tɩ a dɛna nẽra n nõŋɛ nẽrba, tãna wʋn zãsʋm nẽrba la sũ-mã'asʋm.

Taitusi 1:15

Sɛla woo ãn sõŋa mɛ bɔ nẽr-sɛka n de pʋpeelem dãana, la sɛka n de tõon-dẽgrɔ dãana ka sakra Nawẽnnɛ, sɛla sɛla ka boe n ãn sõŋa bɔ ẽ. Ẽŋa pʋtẽ'erɛ, la a yɛm wuu ki mɛ.

Taitusi 3:2

Ba da tɔgra nẽrba be'em, ba da dɛna zɛbzɛbrɩba, la ba dɛna nẽrba n tarɩ sũ-mã'asʋm, dee ɩta sũ-bʋgsʋm la nẽrba wuu.

Hiburuduma 12:11

Wakatɛ sɛka tɩ ba sɩbgrɩ tõma la, la de la sũ-sã'aŋɔ, la ka de sũ-yẽlga. La bɛla poorʋm nẽr-sɛba n yẽ sɩbgrɛ ẽŋa la yẽtɩ a yõorɔ mɛ, n de sũ-mã'asʋm, la vɔm n masɛ ãna sõŋa.

Hiburuduma 12:14

Mõrgɛ-ya ɛ tɩ sũ-mã'asʋm bɔna yãma la nẽrba wuu tẽŋasʋka, la ya ɛ pʋpeelem. Tɩ pʋpeelem sãn ka bɔna, nẽra ka tã wʋn yẽ Zuudãana la.

Yemesi 1:17

Bɔ'a wuu n ãn sõŋa, la bɔ'a n masɛ wuu ze'etɩ la saazuum, Nawẽnnɛ n de peelem dãana la zẽ'am. Ẽŋa n nãam bõn-sɛba wuu n boe saazuum nẽera peelem, tɩ ba tɛɛra, la ẽŋa ka teerɩ, a ka tarɩ lika.

Yemesi 1:5

Yɛm sãn pɔ'ɔgɛ ya nẽr-sɛka, a sose Nawẽnnɛ n bɔ'ɔrɩ nẽrba wuu la yɛmleego dee ka mõŋra ba la, tɩ a wʋn bɔ ẽ.

Yemesi 2:13

Nawẽnnɛ sãn wa dita sarɩya, a kãn zoe ninbãalga la nẽr-sɛka n ka zotɩ a taaba ninbãalga. Fʋ sãn zoe nẽrba ninbãalga, Nawẽnnɛ mẽ wʋn zoe fʋ ninbãalga.

Yemesi 2:4

Yãma sãn ẽŋɛ wãna, yãma ka tũ'usri nẽrba sɩra? Bɛla, ya tarɩ la pʋtẽ'e-be'ero bɔkra nẽrba, yetɩ ayẽma n gãnnɩ ayẽma.

Yemesi 3:15

Yɛm ẽŋa dagɩ yɛm sɛka n ze'ele Nawẽnnɛ zẽ'am. A de la tẽŋa wã zuo bõnɔ, a de la nẽrsaala bõnɔ, a ze'ele la Asũtãana zẽ'am.

Yemesi 4:8

Lɛm-ya Nawẽnnɛ, tɩ a mẽ wʋn lɛm ya. Tõon-be'ero dõma, peege ya nu'usi, pʋtẽ'era ayi dõma, peege ya sũure.

1 Pita 1:22

Yãma n sakɛ sɩra la, ya lebge la pʋpeelem dõma, tɩ ya nõŋɛ ya sɔbiisi la nõŋlʋm sɩra sɩra. Bɛla, nõŋɛ-ya taaba zozo'e la ya sũure wuu.

1 Pita 2:1

Bɛla, basɛ-ya pʋtʋʋlgɔ wuu, la põmpɔrŋɔ, la pʋlibsum, la sũure, la taaba pɔ'ɔrɛ.

1 Pita 2:18

Tõntõnɩba, sakra-ya ya zuudãandõma dee zɔta ba. La, la dagɩ sɛba n de nẽr-sõma, la sũ-bʋgsʋm dõma la mã'a, sakra-ya baa sɛba n de nẽr-tɔɔsɩ la.

1 Zã 3:18

M kɔma, da basɛ-ya tɩ tɩ nõŋlʋm dɛna yetɔga, la nõ-yẽlʋm mã'a, tɩ basɛ tɩ la dɛna nõŋlʋm sɩra sɩra n lagɩm na tõoma.

1 Zã 3:3

Nẽr-sɛka woo n tarɩ pʋtẽ'erɛ gu'ura bõn-ẽŋa Krisi ĩyã, malgrɩ a mẽŋa mɛ dɛna pʋpeelem dãana, wʋ Azezi-krisi mẽŋa n de pʋpeelem dãana se'em na.