Yemesi 3:13 - Farefare Ninkaré

¹³ Ãne n boe ya pʋam tẽ'esɛ tɩ ẽŋa tarɩ yɛm, la bãŋrɛ? A ẽŋɛ yel-ɩr-sõŋɔ, dee sike a mẽŋa pa'alɛ tɩ a tarɩ yɛm.

ZE'ELEGO PAALEGA

¹³ Ani en tari yɛm, tara bɔkerɛ ya puan? Pa'alɛ bɔ doohe fum vom sumɔ la puan, ti fum tuni fum tuuma la ma'a ma'a la yɛm.

Yemesi 3:13 ပူးပေါင်းရင်းမြစ်များ

Amatie 11:29

Dɩkɛ-ya mam sɔgrɩga sɔgɛ ya mẽŋa, zãsʋm sɛla tɩ mam wʋn pa'alɛ ya la, tɩ ya wʋn yẽ vo'osgo. Se'ere n soe la, mam de la sũ-bʋgsʋm dãana, la sik-m-mẽŋa dãana.

Amatie 21:5

A yʋʋn yetɩ: «Yele-ya Siyõ tẽŋa nẽrba yetɩ: ‹Ya naba la n wãna n sẽm. A sike a mẽŋa bã la bõŋa, la a biire sẽna.› »

Amatie 5:5

Sũ-bʋgsʋm dõma tarɩ zu-yẽlga, se'ere n soe la, Nawẽnnɛ wʋn bɔ ba dũnia tɩ ba sɔna.

Amatie 7:24

«Nẽr-sɛka woo n wõm mam yetɔga wã, dee ẽŋɛ wʋ yetɔga la n yele se'em na, a dãana ãn wʋ yɛm dãana n mẽ a yire tãmpĩa zuo.

1 Korẽntɩ 6:5

Mam yetɩ ya tɩ la de la yãnnɛ bɔ ya. Bɛla, nẽra baa ayɩla ka boe yãma pʋam n tarɩ yɛm, wʋn tã'agɛ mãalɛ yel-sɛba tɩ yãma tarɩ la taaba la?

2 Korẽntɩ 10:1

Mam Apolɩ tɩ ya yetɩ, mam sãn bɔna yãma zẽ'am, mam de la nẽr-bʋgsgɔ, la mam sãn ka bɔna yãma zẽ'am, mam tarɩ la bʋraanɛ tɔgra la, mam belnɩ ya mɛ la Krisi sũ-bʋgsʋm, la a sõŋa.

2 Korẽntɩ 8:24

Bɛla, ẽŋɛ-ya sɛla n pa'alɩ ba, la Wẽndeto nẽrba la tɩ ya nõŋɛ ba, tɩ ba wʋn bãŋɛ tɩ tõma n pẽgɛ yãma ba zẽ'am na, la de la sɩra.

Galatɩ 5:23

la sũ-bʋgsʋm, la yõk-m-mẽŋa. Lɔɔ ka boe n sɩ'ɩsrɩ bõn-bãma.

Galatɩ 6:1

M sɔbiisi, ya sãn yẽ nẽra tɩ a tõnnɩ tõon-be'ero, yãma sɛba tɩ Nawẽnnɛ Sɩa boe la ya lɛ la, pa'alɛ-ya ẽ la sũ-bʋgsʋm tarɩ ẽ leme so-sõŋɔ la zuo. La guuse fʋ mẽŋa, tɩ fʋ mẽ da po tõm a tõon-be'ero la.

Galatɩ 6:4

Nẽra woo geele bɩsɛ a mẽŋa tõoma n ãn se'em, a sãn yẽ a tõoma la pʋam sɛla n de a ẽŋɛ sũ-yẽlga, tɩ a ẽŋɛ a mẽŋa ĩyã. La a da magra a mẽŋa la nẽrba basɛba.

Efɛɛzɩ 4:2

La masɛ mɛ tɩ ya sikra ya mẽŋa sɛla woo pʋam, tara sũ-bʋgsʋm, la sũ-mã'arɛ, la ya tara nõŋlʋm da isgra sũure la taaba.

Filipi 1:27

La bõn-sɛka n gãnnɩ wuu, de la ya basɛ tɩ ya yel-ɩrɛ ãna wʋ Krisi kõ-yẽlga la n pa'alɩ se'em na. Tɩ mam sãn wa'am ya zẽ'am bɩɩ m sãn ka wa'am, m wʋn wõm tɩ ya ze la kãŋkãŋɛ, tara yɛm ayɩla, lagɩm taaba la pʋtẽ'erɛ ayɩla mõrgra tõnna tɩ nẽrba bɔ'ɔra kõ-yẽlga la sɩra.

Kolɔsɩ 3:12

Yãma de la nẽr-sɛba tɩ Nawẽnnɛ looge, a nõŋɛ ya mɛ, welge ya to'ore tɩ ya dɛna a nẽrba. Bɛla, zɔta-ya taaba ninbãalga, ɩta taaba sõŋa, sikra ya mẽŋa, dee tara sũ-bʋgsʋm, la sũ-mã'arɛ.

1 Timoti 4:12

Da basɛ tɩ nẽra zɛɛn fɔ, fõn de bõnbɩ'a la ĩyã, basɛ tɩ fʋ yetɔga, la fʋ yel-ɩrɛ, la fʋ nõŋlʋm, la fõn bɔ Nawẽnnɛ sɩra se'em, la fʋ pʋpeelem ãna sõŋa, tɩ la pa'alɛ Nawẽnnɛ nẽrba, bãma n wʋn vɔa se'em.

1 Timoti 6:11

La fõn de Nawẽnnɛ nẽra la, zãagɛ fʋ mẽŋa la bõn-bãma, dee ɛ sɛla n masɛ, la Nawẽnnɛ sakrɛ, ken bɔ ẽ sɩra, ɛ nõŋlʋm, la sũ-mã'arɛ, la sũ-bʋgsʋm.

2 Timoti 2:25

La masɛ tɩ a pa'ala nẽr-sɛba n ka sakrɩ la, la sũ-bʋgsʋm, tɩ Nawẽnnɛ tã wʋn basɛ tɩ ba teege yɛm mɛ bãŋɛ sɩra,

Taitusi 3:2

Ba da tɔgra nẽrba be'em, ba da dɛna zɛbzɛbrɩba, la ba dɛna nẽrba n tarɩ sũ-mã'asʋm, dee ɩta sũ-bʋgsʋm la nẽrba wuu.

Hiburuduma 13:5

Da basɛ-ya tɩ ligri nõŋlʋm sɔna ya. Basɛ-ya tɩ ya sũure ãna yẽlʋm la yãma n tarɩ sɛla la, tɩ Nawẽnnɛ yetɩ: «Mam kãn basɛ fɔ, mam kãn malɩn basɛ fɔ.»

Yemesi 1:21

Bɛla, basɛ-ya sɛla n de tõon-dẽgrɔ buuri wuu, la sɛla n de pʋtʋʋlgɔ wuu, dee sike ya mẽŋa to'oge Nawẽnnɛ yetɔga la tɩ a dɩkɛ ẽŋɛ ya sũure pʋam, n tã wʋn fãagɛ ya la.

Yemesi 2:18

La nẽr-sɛka tã mɛ yetɩ, ayẽma bɔ la sɩra, la ayẽma tõnnɩ la tõon-sõma. Mam wʋn yele ẽ yetɩ, pa'alɛ mam fʋ bɔ sɩra la n ka lagɩm na tõoma la, tɩ mam wʋn dɩkɛ m tõon-sõma la pa'alɛ tɩ mam bɔ sɩra.

Yemesi 3:1

M sɔbiisi, da kãn bɔɔra-ya tɩ ya wuu dɛna karẽnsãandõma. Se'ere n soe la, ya mi tɩ tõma sɛba n de karẽnsãandõma la sarɩyadia n wʋn dɛna toogo gãnna.

Yemesi 3:17

La yɛm n ze'ele Nawẽnnɛ zẽ'am ãn na sõŋa ka tara dẽgrɔ, dee botɩ nẽra tara sũ-mã'asʋm la a taaba, la sũ-bʋgsʋm, ɩta sugri, zɔta nẽrba ninbãalga zozo'e, tõnna tõon-sõma zozo'e, ka bɔkra nẽrba, dee ka dɛna pʋlibsum dãana.

1 Pita 1:15

Dɛna-ya pʋpeelem dõma ya yel-ɩrɛ wuu pʋam, wʋ Nawẽnnɛ n wi ya la n de pʋpeelem dãana se'em na.

1 Pita 2:12

Basɛ-ya tɩ ya yel-ɩrɛ ãna sõŋa nẽr-sɛba n ka dolɩ Nawẽnnɛ na tẽŋasʋka, tɩ baa ba sãn dõta ya yetɩ ya de la tõon-be'ero dõma, ba wʋn yẽ ya tõon-sõma la, nã'asɛ Nawẽnnɛ a wa'aŋɔ daarɛ.

1 Pita 2:9

La sãn dɛna yãma, yãma de la buuri tɩ Nawẽnnɛ looge, ya de la ẽŋa n de naba la kãabgɔ kẽma, dee ken dɛna a nẽrba n welge to'ore tara pʋpeelem. A wi ya la lika pʋam, tarɩ yese a peelem n ãn sõŋa zozo'e pʋam, tɩ ya botɩ nẽrba bãŋɛ a tõon-kãra la.

1 Pita 3:4

Basɛ-ya tɩ ya sõŋa la dɛna sũure pʋam sõŋa n de sũ-bʋgsʋm la sũ-mã'asʋm. Sõŋa ẽna n ka sã'anɩ dee tara yõorɔ zozo'e Nawẽnnɛ nifum.