Yemesi 2:8 - Farefare Ninkaré

⁸ Ya sãn sakɛ ɩta Nawẽnnɛ so'olʋm lɔɔ la n gʋlsɛ Nawẽnnɛ gõŋɔ pʋam yetɩ: «Nõŋɛ fʋ tadãana wʋ fʋ mẽŋa la», ya ẽŋɛ sõŋa.

ZE'ELEGO PAALEGA

⁸ Ya wan iŋɛ suŋa, ya han sirum tum na'am nɔze'elego la wuu gulehegɔ la en yele se'em yeti, “Fum nɔŋɛ fum tadaana wuu fum mɛŋa la.”

Yemesi 2:8 ပူးပေါင်းရင်းမြစ်များ

Amatie 22:39

La bʋyi dãana n ãn wʋ ẽŋa n wãna n yetɩ: ‹Nõŋɛ fʋ tadãana wʋ fõn nõŋɛ fʋ mẽŋa se'em na.›

Amatie 25:21

Tɩ a zuudãana la yele ẽ yetɩ: ‹La ãn sõŋa. Fʋ de la tõntõn-sõŋɔ n de sɩra dãana. Fõn ẽŋɛ sɩra la sɛla fẽe tɩ mam bɔ fʋ la ĩyã, mam wʋn basɛ tɩ fʋ sɔna bõnɔ zozo'e bɩsra. Wa'am wa naagɛ la mam ẽŋɛ sũ-yẽlga.›

Amatie 25:23

Tɩ a zuudãana la yele ẽ yetɩ: ‹La ãn sõŋa. Fʋ de la tõntõn-sõŋɔ n de sɩra dãana. Fõn ẽŋɛ sɩra la sɛla fẽe tɩ mam bɔ fʋ la ĩyã, mam wʋn basɛ tɩ fʋ sɔna bõnɔ zozo'e bɩsra. Wa'am wa naagɛ la mam ẽŋɛ sũ-yẽlga.›

Amatie 7:12

Yãma n boorɩ tɩ nẽrba ɩta se'em bɔ'ɔra ya la, yãma mẽ ɩta bɛla bɔ'ɔra ba. Ẽna de la Nawẽnnɛ lɔɔ, la a nõtɔ'ɔsrɩba n gʋlsɛ se'em n bɛla.»

Aromduma 13:10

Nõŋlʋm basɛ mɛ tɩ nẽra ka ɩta a tadãana be'em. Bɛla, nẽra n nõŋɛ a taaba sakɛ la lɔɔ la wuu.

Galatɩ 5:14

Se'ere n soe la, lɔɔ la wuu boe la yetɔg-ẽna ayɩla pʋam n yetɩ: «Nõŋɛ fʋ tadãana wʋ fʋ mẽŋa.»

Galatɩ 6:2

Sõŋra-ya taaba malgra taaba yɛla, tɩ bɛla tɩ ya wʋn ẽŋɛ Krisi nõorɛ n yele se'em na.

Filipi 4:14

La baa bɛla, ya ẽŋɛ sõŋa, yãma n sõŋɛ mam m toogo la pʋam na.

1 Tesaloniki 4:9

La sãn dɛna yãma n wʋn nõŋɛ sɔbiisi se'em yelle, la ka le dɛna tɩ gʋlsɛ bɔ ya. Nawẽnnɛ põn zãsʋm yãma ya wʋn nõŋɛ taaba se'em mɛ.

Yemesi 1:25

La nẽr-sɛka n tarɩ Nawẽnnɛ lɔɔ n masɛ sõŋa n yolsrɩ nẽrba la, dee sakɛ ẽ sõŋa ɩta lan yele se'em na, ẽŋa dagɩ nẽra n selsrɩ dee yĩnna, ẽŋa dãana tarɩ la sũ-yẽlga ẽŋa n ɩtɩ sɛla la pʋam.

Yemesi 2:12

Tɔgra-ya dee tõnna tɩ la masɛ la lɔɔ n yolsrɩ nẽrba la, mina tɩ Nawẽnnɛ wʋn dɩkɛ la ẽŋa di ya sarɩya.

Yemesi 2:19

Fõn sakɛ mɛ tɩ Nawẽnnɛ ayɩla mã'a n boe. La ãn sõŋa. Kʋlkã'arsɩ mẽ sakɛ la bɛla, dee gõgra la dabeem.

Yemesi 4:11

M sɔbiisi, da tɔgra-ya taaba yelle be'em. Nẽr-sɛka n tɔgɛ a tadãana yelle be'em, bɩɩ zɛrgra ẽ, a tɔgrɩ la Nawẽnnɛ lɔɔ la be'em dee zɛrgra ẽ. La fʋ sãn zɛrgra lɔɔ la, fʋ ka sakrɩ lɔɔ la, fʋ lebge la lɔɔ la sarɩyadita.

1 Pita 2:9

La sãn dɛna yãma, yãma de la buuri tɩ Nawẽnnɛ looge, ya de la ẽŋa n de naba la kãabgɔ kẽma, dee ken dɛna a nẽrba n welge to'ore tara pʋpeelem. A wi ya la lika pʋam, tarɩ yese a peelem n ãn sõŋa zozo'e pʋam, tɩ ya botɩ nẽrba bãŋɛ a tõon-kãra la.