Yemesi 2:5 - Farefare Ninkaré

⁵ M sɔbi-nõŋrɩsɩ, selse-ya. Nawẽnnɛ looge la nẽr-sɛba tɩ dũnia dõma bɩsrɩ tɩ ba de la nasdõma la, botɩ ba bɔ ẽ sɩra dɛna bõntatba, tɩ ba wʋn wa bɔna a so'olʋm tɩ a bĩŋe nõorɛ tɩ a bɔ sɛba n nõŋɛ ẽ na pʋam.

ZE'ELEGO PAALEGA

⁵ Kelehe ya, n sunɔŋerɛ duma. Yinɛ ka looe la naheduma timpaberɛ wa zuo ti ba dɛna buntateba sakerɛ puan, la ba ta sɔna sɔ'ɔlum la ti Yinɛ biŋe nuurɛ bo' sɛba en nɔŋɛ en la?

Yemesi 2:5 ပူးပေါင်းရင်းမြစ်များ

Amatie 11:5

Fɔɔsɩ nini yẽtɩ mɛ, tɩ kɔɔrnɔ sẽnna, tɩ kõnkɔma yẽta ĩmã'asʋm le ãna sõŋa, tɩ wansɩ wõnna, tɩ kũm vɔ'ɔra, tɩ nasdõma wõnna Nawẽnnɛ kõ-yẽlga.

Amatie 25:34

Tɩ naba la wʋn yele sɛba n boe a zʋʋgɔ la yetɩ: ‹Wa'am-ya, yãma sɛba n tarɩ mam Sɔ Nawẽnnɛ yel-sõnnɛ na. To'oge-ya so'olʋm na tɩ Nawẽnnɛ daan põn mãasʋm tɩ a bɔ ya halɩ lan dẽŋɛ dũnia pĩ'iluŋo la.

Amatie 5:3

«Nẽr-sɛba n mi tɩ ba ka masɛ Nawẽnnɛ nẽŋam tarɩ zu-yẽlga, se'ere n soe la, Nawẽnnɛ so'olʋm de la ba bõnɔ.

Amarkɩ 7:14

La Azezi le wi la nẽr-kʋʋŋɔ, tɩ ba wa'am a zẽ'am, tɩ a yele ba yetɩ: «Yãma wuu, selse-ya mam sõŋa wõm a võorɛ.

Aluki 12:21

La Azezi le yetɩ: «La de la bɛla la nẽr-sɛka woo n lagsrɩ bõntarsõm bĩŋra a mẽŋa ĩyã, dee ka tara sɛla sɛla Nawẽnnɛ zẽ'am.»

Aluki 12:32

«M nẽrba, ya ka zo'oge, la da zɔta-ya dabeem, se'ere n soe la, la paagɛ ya Sɔ Nawẽnnɛ yɛm mɛ tɩ a yetɩ a bɔ ya a so'olʋm.

Aluki 16:22

Tɩ Alazaarɩ wa ki. Tɩ Nawẽnnɛ malɛkadõma tarɩ ẽ sẽŋɛ Nawẽnnɛ yire Abraham zẽ'am. Tɩ bõntarsa la mẽ wa ki, tɩ ba laagɛ ẽ.

Aluki 16:25

Tɩ Abraham yele ẽ yetɩ: ‹M bia, tẽegɛ tɩ fõn daan boe dũnia zuo wakat-sɛka la, fõn daan tarɩ bõn-sõma mɛ, dee tɩ Alazaarɩ yẽta toogo. La lɛɛlɛ wã, a sũure mã'agɛ mɛ, dee tɩ fõn yãŋa nãmsra.

Aluki 22:29

Bɛla mam wʋn bɔ ya so'olʋm, wʋ mam Sɔ Nawẽnnɛ n bɔ mam so'olʋm se'em na,

Aluki 6:20

Tɩ Azezi gorge bɩsɛ a karẽnbiisi la yetɩ: «Yãma sɛba n de nasdõma la tarɩ zu-yẽlga, se'ere n soe la, Nawẽnnɛ so'olʋm de la ya bõnɔ.

Azã 7:48

Tõma nẽŋadõma nẽra ayɩla, bɩɩ Farisi nẽra bɔ ẽ sɩra mɛ bɩɩ?

Tõoma 7:2

Tɩ a lerge yetɩ: «M sɔbiisi la m sɔdõma, selse-ya. Nawẽnnɛ n de na'am kãtɛ dãana la yʋʋn puke a mẽŋa pa'alɛ tɩ yaaba Abraham, ẽn yʋʋn nãn boe Mezopotami nãn ka sẽŋɛ ka zĩ'ire Haran tẽŋam na,

Aromduma 8:17

Tõma n de a kɔma la, tɩ wʋn po to'oge bõn-sõma sɛba tɩ a bĩŋe tɩ a bɔ a kɔma la, tɩ wʋn lagɩm na Krisi po to'oge bõn-sɛba tɩ a wʋn to'oge la. Tõma n nãmsrɩ la Krisi lɛ la, tɩ mẽ wʋn po lagɩm na ẽ yẽ nã'asgɔ.

1 Korẽntɩ 2:9

La de wʋ lan gʋlsɛ Nawẽnnɛ gõŋɔ pʋam se'em yetɩ: «Bõn-sɛba tɩ Nawẽnnɛ mãasʋm tɩ a bɔ nẽr-sɛba n nõŋɛ ẽ na, gãnnɩ bõn-sɛba wuu tɩ nẽra nãn ka yẽ, bɩɩ wõm, bɩɩ tẽ'esɛ a pʋtẽ'erʋm.»

2 Korẽntɩ 4:15

Bõn-bãma wuu n ɩtɩ la de la yãma ĩyã. Bɛla tɩ Nawẽnnɛ yel-sõnnɛ wʋn paara nẽrba zozo'e, tɩ nẽrba wʋn pʋ'ʋsra Nawẽnnɛ a yel-sõnnɛ zɔ'ɔra pa'asra, tɩ la dɛna a nã'asgɔ.

2 Korẽntɩ 6:10

Ba bɩsrɩ tõma wʋ tõma tarɩ la sũ-sã'aŋɔ, la tõma tarɩ la sũ-yẽlga daarɛ woo. Ba bɩsrɩ tõma wʋ nasdõma, dee tɩ tõma botɩ nẽrba zozo'e tara bõntarsõm. Ba bɩsrɩ tõma wʋ nẽrba n ka tarɩ sɛla, dee tɩ tõma tara sɛla woo.

2 Korẽntɩ 8:9

Yãma mi tõma Zuudãana Azezi-krisi yel-sõnnɛ na mɛ: Baa la ẽŋa n daan de bõntarsõm dãana la, a daan ẽŋɛ a mẽŋa la nasa yãma ĩyã. Tɩ ẽn ẽŋɛ a mẽŋa nasa la, wʋn botɩ yãma lebge bõntatba Nawẽnnɛ zẽ'am.

Efɛɛzɩ 1:18

Mam ken sɔsra Nawẽnnɛ tɩ a botɩ ya pʋtẽ'era like tɩ ya bãŋɛ ẽn wi ya tɩ ya tara pʋtẽ'erɛ gu'ura sɛla, dee bãŋɛ bõn-sõma sɛba tɩ a bĩŋe nõorɛ tɩ a bɔ a nẽrba la n ba ãna sõŋa, dee zo'oge se'em.

Efɛɛzɩ 3:8

Mam n de nẽra n pɔ'ɔgɛ Nawẽnnɛ nẽrba la wuu pʋam, la bɛla wuu Nawẽnnɛ ẽŋɛ la mam yel-sõn-ẽŋa tɩ m mõolɛ Krisi kõ-yẽlga la bɔ bu-zãŋsɩ tɩ ba bãŋɛ bõn-sõma n zo'oge gãŋɛ tɩ nẽrba ka tãna wʋn bãŋɛ ba'asɛ la,

1 Tesaloniki 2:12

Tõma keŋe ya sũure mɛ, bɔ ya bʋraanɛ, pa'alɛ ya yetɩ ya dɔla so-sɛka n masɛ Nawẽnnɛ yɛm, ẽŋa n wi ya tɩ ya kẽ a so'olʋm pʋam po dita na'am.

2 Tesaloniki 1:5

Bɛla pa'alɛ tɩ Nawẽnnɛ diti sarɩya la sɩra. Se'ere n soe la, yãma n nãmsrɩ Nawẽnnɛ so'olʋm yelle se'em wã, Nawẽnnɛ wʋn yetɩ ya masɛ tɩ ya kẽ a so'olʋm na pʋam.

1 Timoti 6:18

Kã'an ba yetɩ, ba ɩta sõŋa, ba dɛna nẽrba n tõnnɩ tõon-sõma zozo'e, la ba dɛna nẽrba n bɔ'ɔrɩ, dee pʋta sɛla tɩ ba tarɩ bɔ'ɔra nẽrba la sũ-yẽlga.

2 Timoti 4:18

Zuudãana la n wʋn ken fãagɛ mam yese mam be'em wuu pʋam, kẽ'esɛ mam a so'olʋm na pʋam. Ẽŋa n soe nã'asgɔ wakatɛ n ka ba'asrɩ. Amina.

2 Timoti 4:8

Lɛɛlɛ wã, tã'arɛ yɔɔrɔ gã mɛ gu'ura mam, tɩ Zuudãana n diti sarɩya wʋ lan masɛ la, wʋn dɩkɛ bɔ mam daarɛ ẽŋa daarɛ. La, la dagɩ mam mã'a, la de la nẽr-sɛba wuu n nõŋɛ ẽ bɔɔra tɩ a leme wa'am na.

Hiburuduma 11:26

A bɩsɛ mɛ tɩ ba sãn pɔ'ɔgɛ ẽŋa wʋ ba wʋn pɔ'ɔgɛ Krisi la, n tarɩ yõorɔ zo'oge gãnna Ezipti tẽŋa bõntarsõm wuu. Se'ere n soe la, a yʋʋn tarɩ la pʋtẽ'erɛ gu'ura yɔɔrɔ n boe nẽŋa.

Yemesi 1:12

Nẽr-sɛka n wĩbri nãmsgɔ pʋam tarɩ zu-yẽlga. Se'ere n soe la, ẽn ze'ele kãŋkãŋɛ la, Nawẽnnɛ wʋn bɔ ẽ bɔ'a n de vɔm n ka ba'asrɩ tɩ a bĩŋe nõorɛ tɩ a bɔ sɛba n nõŋɛ ẽ na.

Yemesi 1:16

M sɔbi-nõŋrɩsɩ, da pã'asɛ-ya ya mẽŋa.

Yemesi 1:19

M sɔbi-nõŋrɩsɩ, bãŋɛ-ya bõn-ẽna wã sõŋa, nẽra woo mõrgɛ sɛlsra sõŋa, la a mã'agɛ a mẽŋa tɔgra, la a da isgra sũure tɔtɔ.

Yemesi 1:9

La masɛ tɩ sɔbi-sɛka n de nasa ẽŋɛ sũ-yẽlga, tɩ Nawẽnnɛ zẽkrɩ ẽ mɛ.

1 Pita 1:4

dee mina tɩ tɩ wʋn yẽ sɛla tɩ Nawẽnnɛ bĩŋe tɩ a bɔ a nẽrba. Bõn-bãma de la sɛla n ka sã'anɩ, n ka põ'orɩ, tɩ ba sõŋa ka bɔtɩ, tɩ Nawẽnnɛ bĩŋe a yire tɩ a bɔ ya.

2 Pita 1:11

La de la bɛla tɩ ya wʋn yẽ sore sõŋa kẽ Azezi-krisi n de tɩ Zuudãana, la tɩ Fãagra la so'olʋm n boe wakatɛ n ka ba'asrɩ la pʋam.

Lilegere 2:9

‹Mam mi ya nãmsgɔ la ya nõŋɔ la yelle mɛ, la baa bɛla, ya de la bõntatba. Mam mi be'em yetɔg-sɛba tɩ nẽr-sɛba n yetɩ bãma de la Zifdõma dee ka dɛna la tɔgɛ ya. Ba de la Asũtãana nẽrba.

Lilegere 21:7

Nẽr-sɛka n yãŋɛ, a wʋn to'oge la bõn-bãma mam zẽ'am. Mam wʋn dɛna a Wẽnnaam, tɩ a mẽ dɛna mam bia.

Lilegere 3:18

Bɛla ĩyã, mam kã'anɩ ya mɛ tɩ ya da sãlma mẽŋa mẽŋa tɩ ba zuge bugum pʋam yese ba mam zẽ'am, tɩ ya wʋn sɩrɩ dɛna bõntatba. La ya da fu-pɛɛlsɩ yɛ pĩ ya yãnnɛ na, dee da tɩɩm dõ ya nini yẽta.