Yemesi 2:14 - Farefare Ninkaré

¹⁴ M sɔbiisi, nẽra sãn yetɩ, ẽŋa bɔ Nawẽnnɛ sɩra, dee ka tõnna tõoma n pa'alɩ bɛla, a yõorɔ de la bẽm? Bɔ sɩra ẽŋa tã wʋn fãagɛ ẽ mɛ bɩɩ?

ZE'ELEGO PAALEGA

¹⁴ Beni nyuurɔ en boi bini n suurɔ, se'em han yeti a tari la sakerɛ gee ka tari tuna? Fum sakerɛ la wan faaɛ hɔ bahɛ yoi'?

Yemesi 2:14 ပူးပေါင်းရင်းမြစ်များ

Amatie 5:20

Mam yetɩ ya la sɩra sɩra, tɩ ya sãn ka ɩta Nawẽnnɛ n boorɩ se'em na gãnna lɔɔ karẽnsãandõma, la Farisi dõma, ya kãn tã'agɛ kẽ Nawẽnnɛ so'olʋm pʋam.»

Aluki 3:11

Tɩ Azã lerge ba yetɩ, sɛka n tarɩ futo bayi, a looge bɔ sɛka n ka tarɩ. Tɩ sɛka n tarɩ dia, mẽ ẽŋɛ bɔ sɛka n ka tarɩ.

Aluki 6:49

La nẽr-sɛka n wõnnɩ mam yetɔga, dee ka ɩta mam n yele se'em na, ãn wʋ nẽra n mẽ a yire tẽntõnnɔ zuo, dee ka tũ ẽebɛ. Tɩ saaga ni, tɩ ko'om pɩrɛ kʋlsɩ zoe wa wẽ yire la, tɩ a kɔ'ɔn lui saam saam.»

Tõoma 15:9

La a ka welge tõma la bãma. La ban bɔ Azezi sɩra la ĩyã tɩ a yese be'em ba sũure pʋam basɛ.

Tõoma 8:13

Tɩ Asimõ mẽ sakɛ yetɔga la, botɩ ba mise ẽ ko'om pʋam, tɩ a dɩkɛ a mẽŋa lablɛ Afilipi, la ẽn yẽtɩ bõn-yãlma la yel-kɩrsɩ sɛba n ɩtɩ la, la ẽkɛ la a palẽŋa.

Tõoma 8:21

Fʋ nẽŋa ka boe yel-bãna pʋam, la fʋ ka tarɩ pʋrɛ mĩ, se'ere n soe la, fʋ sũure ka masɛ Nawẽnnɛ nifum.

Aromduma 2:25

Fʋ sãn sakra lɔɔ la, wãaga la tarɩ yõorɔ mɛ. La fʋ sãn sɩ'ɩsɛ lɔɔ la, la de la zãŋa, la ãn wʋ fʋ ka wã mɛ na.

1 Korẽntɩ 15:2

Ya sãn gʋrɛ ẽ kãŋkãŋɛ wʋ mam n mõolɛ ya se'em na, ya wʋn yẽ fãarɛ. La sãn dagna bɛla, yan bɔ sɩra la de la zãŋa.

1 Korẽntɩ 16:22

Nẽr-sɛka n ka nõŋɛ Zuudãana la, kã'a-be'ego wʋn bɔna a dãana zuo. Maranata.

Galatɩ 5:13

La sãn dɛna yãma, m sɔbiisi, Nawẽnnɛ wi ya tɩ ya sɔna la ya mẽŋa. La da basɛ-ya tɩ yan soe ya mẽŋa la basɛ tɩ ya ɩta ya mẽŋa yɛm n boorɩ se'em. Vɔa-ya la taaba la nõŋlʋm tõnna sõŋra taaba.

Galatɩ 5:6

Azezi-krisi doosgo la pʋam, fʋ sãn wã, bɩɩ fʋ sãn ka wã, la ka tarɩ võorɛ, sɛla n tarɩ yõorɔ de la fʋ bɔ Azezi sɩra tõnna la nõŋlʋm.

1 Tesaloniki 1:3

Tõma tẽrɩ ya yelle tɩ Sɔ Nawẽnnɛ nẽŋam, yãma n bɔ sɩra tõnna se'em, la yãma n tarɩ nõŋlʋm tõnna zozo'e se'em, dee ken tẽra yãma n tarɩ pʋtẽ'erɛ gu'ura sɛla tɩ ya bɔ sɩra, zɛ kãŋkãŋɛ tɩ Zuudãana Azezi-krisi doosgo pʋam ka bigsra la yelle.

1 Timoti 1:5

Mam yetɩ fʋ yele ba bɛla, tɩ ba tara la pʋtẽ'erɛ n ãn sõŋa, dee bãŋɛ ba sũure pʋam tɩ ba ka tarɩ dõrga, dee bɔ Nawẽnnɛ sɩra la ba sũure wuu tɩ ba nõŋlʋm zo'oge.

1 Timoti 4:8

Nẽra n ɩtɩ se'em wɩsgra a ĩyã la tarɩ yõorɔ la fẽe, la a sãn dɔla Nawẽnnɛ sõŋa, la tarɩ yõorɔ mɛ sɛla woo pʋam, ẽŋa n sõŋrɩ tõma vɔm sɛka tɩ tɩ tarɩ lɛɛlɛ wã pʋam, dee wʋn bɔ tɔ vɔm n ka ba'asrɩ.

Taitusi 1:16

Ba yetɩ bãma mi Nawẽnnɛ mɛ, la ba tõoma la pa'alɩ tɩ ba sɩ'ɩsrɩ Nawẽnnɛ mɛ. Ba de la nẽr-bɛ'ɛsɩ gãŋɛ, la ba ka sakrɩ Nawẽnnɛ nõorɛ, dee ka tãna wʋn tõm tõon-sõŋɔ.

Taitusi 3:8

Yetɔg-ẽna de la sɩra. Bɛla tɩ mam bɔɔra tɩ fʋ mõrgɛ pa'alɛ ba yel-bãma, tɩ nẽr-sɛba n bɔ Nawẽnnɛ sɩra la mõrgɛ tõnna tõon-sõma. Yel-bãma n ãn sõŋa dee tara yõorɔ bɔ'ɔra nẽrba.

Hiburuduma 11:17

La de la Abraham n bɔ Nawẽnnɛ sɩra la ĩyã, tɩ a yʋʋn dɩkɛ A'izakɩ tɩ a kãabɛ bɔ Nawẽnnɛ, wakat-sɛka tɩ Nawẽnnɛ makɛ ẽ bɩsɛ yetɩ a dɩkɛ a dayʋa la bɔ ẽ na. A'izakɩ n de a dayɔ-yẽŋa la tɩ a yʋʋn dɩkɛ tɩ a kãabɛ bɔ, dee tɩ la dɛna la ẽŋa yelle tɩ Nawẽnnɛ yʋʋn bĩŋe nõorɛ la ẽ lɛ.

Hiburuduma 13:9

Da basɛ-ya tɩ zãsŋɔ sãasɩ buuri to'oto'ore botɩ ya tuuge. Sɛla n ãn sõŋa de la tɩ basɛ tɩ Nawẽnnɛ yel-sõnnɛ bɔ'a la keŋe tɩ sũure, la, la da dɛna ɩrgɔ sɔa n de dia yelle, sɛba n dolɩ ɩrgɔ bãma la ka yẽ yõorɔ.

Yemesi 1:16

M sɔbi-nõŋrɩsɩ, da pã'asɛ-ya ya mẽŋa.

Yemesi 2:16

tɩ yãma nẽra ayɩla sãn yele ẽ yetɩ: «Sẽŋɛ la sũ-mã'asʋm ka di tɩgɛ, dee yɛ fuugo tɩ ɔɔrɔ da tara fɔ» dee ka bɔ ẽ sõŋrɛ sɛka tɩ a boorɩ la, a yõorɔ de la bẽm?

Yemesi 2:18

La nẽr-sɛka tã mɛ yetɩ, ayẽma bɔ la sɩra, la ayẽma tõnnɩ la tõon-sõma. Mam wʋn yele ẽ yetɩ, pa'alɛ mam fʋ bɔ sɩra la n ka lagɩm na tõoma la, tɩ mam wʋn dɩkɛ m tõon-sõma la pa'alɛ tɩ mam bɔ sɩra.

Yemesi 2:26

Nẽra sɩa sãn fõrgɛ deege ẽ, a ĩyã de la kũm. La mẽ de la bɛla, nẽra sãn bɔ sɩra tɩ la ka lagɩm na tõoma, la de la zãŋa.

2 Pita 1:5

Bɛla, nargɛ-ya pãŋa, tɩ ya bɔ sɩra la pʋam, ɩr-sõŋɔ pa'asɛ, tɩ ɩr-sõŋɔ la pʋam, bãŋrɛ pa'asɛ,