Yemesi 1:5 - Farefare Ninkaré

⁵ Yɛm sãn pɔ'ɔgɛ ya nẽr-sɛka, a sose Nawẽnnɛ n bɔ'ɔrɩ nẽrba wuu la yɛmleego dee ka mõŋra ba la, tɩ a wʋn bɔ ẽ.

ZE'ELEGO PAALEGA

⁵ Ya se'em han pɔ̃hegɛ yɛm, a suhɛ Yinɛ, se'em en bo'ori yabi yabi gee ka fabela la, gee a wan bo' fum.

Yemesi 1:5 ပူးပေါင်းရင်းမြစ်များ

Amatie 11:20

Bɛla poorʋm tɩ Azezi zɛrgɛ nẽr-sɛba tɩ a tõm tõon-yãlma zozo'e ba tẽnsɩ pʋam, dee tɩ ba ka teege yɛm basɛ tõon-be'ero la yetɩ:

Amarkɩ 16:14

La bɛla poorʋm, tɩ a karẽnbiisi pia la ayɩla la daan zẽa dita, tɩ Azezi dɩkɛ a mẽŋa pa'alɛ ba. Dee zɛbɛ ba, ban daan ka bɔ sɩra, la ba sũure n kɛ la ĩyã. Se'ere n soe la, ba daan ka sakɛ sɛba n daan yẽ ẽ yetɩ a vo'oge mɛ na yetɔga.

Azã 14:13

La bõn-sɛba wuu tɩ ya wʋn sose la mam yʋ'ʋrɛ, mam wʋn ẽŋɛ bɔ ya tɩ m Sɔ la yẽ nã'asgɔ a Dayʋa la ĩyã.

Azã 15:7

Ya sãn bɔna la mam, tɩ mam yetɔga la bɔna ya pʋam, ya sose yan boorɩ sɛla wuu, tɩ ya wʋn yẽ.

Azã 4:10

Tɩ Azezi yele ẽ yetɩ: «Fʋ sãn mina Nawẽnnɛ n bɔ'ɔrɩ sɛla, la sɛka n yetɩ fʋ tɩ ‹bɔ ma ko'om tɩ m yũ› la, fʋ wʋn sose nɩ ẽ, la a wʋn bɔ fɔ ko'om n bɔ'ɔrɩ vɔm.»

2 Korẽntɩ 2:16

La sãn dɛna la nẽrba basɛba, la de la kũm yũuŋo n sẽm na kũm, la nẽrba basɛba zẽ'am, la de la vɔm yũuŋo n bɔ'ɔrɩ vɔm. Ãne n wʋn tã'agɛ tõm tõon-ẽŋa?

Yemesi 1:17

Bɔ'a wuu n ãn sõŋa, la bɔ'a n masɛ wuu ze'etɩ la saazuum, Nawẽnnɛ n de peelem dãana la zẽ'am. Ẽŋa n nãam bõn-sɛba wuu n boe saazuum nẽera peelem, tɩ ba tɛɛra, la ẽŋa ka teerɩ, a ka tarɩ lika.

Yemesi 3:17

La yɛm n ze'ele Nawẽnnɛ zẽ'am ãn na sõŋa ka tara dẽgrɔ, dee botɩ nẽra tara sũ-mã'asʋm la a taaba, la sũ-bʋgsʋm, ɩta sugri, zɔta nẽrba ninbãalga zozo'e, tõnna tõon-sõma zozo'e, ka bɔkra nẽrba, dee ka dɛna pʋlibsum dãana.

Yemesi 5:16

Bɛla, pelge ya pʋa tɔgɛ ya tõon-be'ero pa'alɛ taaba, pʋ'ʋsɛ bɔ taaba, tɩ ya wʋn yẽ ĩmã'asʋm. Nẽra n masɛ Nawẽnnɛ zẽ'am pʋ'ʋsgɔ tõnnɩ mɛ la pãŋa zozo'e.

1 Zã 3:22

la bõn-sɛka wuu tɩ tɩ sosrɩ ẽ, a bɔ'ɔrɩ tɩ mɛ, tõma n sakrɩ a nõorɛ, dee ɩta sɛla n paarɩ a yɛm na ĩyã.