Yemesi 1:3 - Farefare Ninkaré

³ se'ere n soe la, ya mi tɩ nãmsgɔ sãn paagɛ ya, ya bɔ sɩra la pʋam, tɩ ya yãŋɛ wĩbe, la wʋn botɩ ya mõrgɛ ze'ele la kãŋkãŋɛ.

ZE'ELEGO PAALEGA

³ Se'ere en sɔi la, ya mi' ti ya sakerɛ makerɛ bo'ori ya la ŋmibega.

Yemesi 1:3 ပူးပေါင်းရင်းမြစ်များ

Aluki 21:19

Ya sãn ze'ele kãŋkãŋɛ, ya wʋn yẽ vɔm Nawẽnnɛ zẽ'am.

Aromduma 15:4

Sɛla wuu tɩ ba yʋʋn gʋlsɛ Nawẽnnɛ gõŋɔ pʋam na, gʋlsɛ la tõma zãsŋɔ ĩyã, tɩ la wʋn botɩ tɩ mã'agɛ sũure sẽnna nẽŋa, dee bɔ'ɔra tɩ bʋraanɛ, tɩ tɩ wʋn tara pʋtẽ'erɛ gu'ura sɛla tɩ Nawẽnnɛ yetɩ a bɔ tɩ la.

Aromduma 2:7

Nẽr-sɛba n mõrgɛ ɩta sõŋa ɛɛra nã'asgɔ la pẽka, la vɔm n ka ba'asrɩ Nawẽnnɛ zẽ'am na, a wʋn bɔ ba la vɔm n ka ba'asrɩ.

Aromduma 8:25

La tõma n tarɩ pʋtẽ'erɛ gu'ura sɛla tɩ tõma nãn ka yẽ la, tõma mã'agɛ la tɩ mẽŋa gu'ura ẽ.

Aromduma 8:28

Tɩ mi tɩ sɛla woo pʋam, Nawẽnnɛ ɩtɩ sõŋa bɔ'ɔra la nẽr-sɛba n nõŋɛ ẽ, sɛba tɩ a looge ba, masɛ wʋ ẽn looge yɛm se'em na.

2 Korẽntɩ 4:17

Nãmsgɔ sɛka tɩ tõma yẽtɩ wakatɛ fẽfẽe wã de la pɩka ka tãna wʋn dɩkɛ makɛ la nã'asgɔ zozo'e n ka tarɩ ba'asgɔ tɩ a wʋn botɩ tõma yẽ la.

Kolɔsɩ 1:11

Nawẽnnɛ wʋn bɔ ya pãŋa sɛla woo pʋam a na'am pãn-kãtɛ la ĩyã, tɩ ya wʋn wĩbe sɛla woo pʋam la sũ-mã'asʋm.

2 Tesaloniki 1:4

Bɛla tɩ tõma tɔgra yãma yelle Nawẽnnɛ nẽrba lagsgɔ zẽ'a woo la sũ-yẽlga. Se'ere n soe la, yãma mõrgɛ mɛ zɛ kãŋkãŋɛ Azezi doosgo la pʋam ka basra, baa nẽrba n nãmsrɩ ya, la toogo n paarɩ ya la.

2 Tesaloniki 3:5

Zuudãana la wʋn basɛ tɩ ya tara Nawẽnnɛ nõŋlʋm, dee mõrgɛ zɛ kãŋkãŋɛ wʋ Krisi la.

Hiburuduma 10:36

Yãma de la ya nargɛ pãŋa sẽŋɛ nẽŋa ẽŋɛ Nawẽnnɛ n boorɩ se'em, tɩ ya wʋn to'oge sɛla tɩ a bĩŋe nõorɛ tɩ a bɔ ya la.

Hiburuduma 12:1

Bɛla, tõma n tarɩ nẽrba zozo'e n gilge tõma pa'ala tɩ sore la, tɩ mẽ basɛ bõn-sɛba n gu'uri tɩ sẽnnɛ, la tõon-be'ero tɩ tɩ ɩtɩ nãana nãana la, dee mõrgɛ zɔta zʋa n boe tɩ nẽŋa na.

Hiburuduma 6:12

Tõma ka boorɩ tɩ ya tara zẽyãgrɛ, ɩta-ya wʋ nẽr-sɛba n bɔ Nawẽnnɛ sɩra, mõrgɛ sẽŋɛ nẽŋa yẽ sɛla tɩ Nawẽnnɛ bĩŋe nõorɛ tɩ a bɔ a nẽrba la.

1 Pita 1:7

Nãmsgɔ la de la sɛla n makrɩ bɩsra ya bɔ sɩra la n ãn se'em. Sãlma de la sɛla n sã'anɩ, la ba ẽn dɩkɛ ẽ makɛ la bugum bɩsɛ ẽn ãn se'em. La yãma bɔ sɩra la tarɩ yõorɔ mɛ zozo'e gãnna sãlma. Bɛla tɩ la makra ya bɔ sɩra la bɩsra, tɩ ya sãn ze'ele kãŋkãŋɛ, ya wʋn yẽ pẽka, la nã'asgɔ Azezi-krisi lemŋo daarɛ.

2 Pita 1:6

tɩ bãŋrɛ la pʋam, yõk-m-mẽŋa pa'asɛ, tɩ yõk-m-mẽŋa la pʋam, wĩbga pa'asɛ, tɩ wĩbga la pʋam, Nawẽnnɛ doosgo sɩra sɩra pa'asɛ,