Yemesi 1:26 - Farefare Ninkaré

²⁶ Nẽr-sɛka woo n tẽ'esrɩ tɩ ẽŋa de la nẽra n dolɩ Nawẽnnɛ, dee ka tãna a nõorɛ yõkra, a pã'asrɩ la a mẽŋa, nẽr-ẽŋa Nawẽnnɛ doosgo la de la zãŋa.

ZE'ELEGO PAALEGA

²⁶ Sɛba han ti'ihɛ ti bamam pu'uheri Yinɛ, gee ka tana ba zɛlehi tara, gee pã'aha ba suya, ba pu'uhegɔ la dela yoo.

Yemesi 1:26 ပူးပေါင်းရင်းမြစ်များ

Amatie 15:9

Ban nã'asrɩ mam na, la de la zãŋa. Se'ere n soe la, ba zãsnɩ na zãsŋɔ n de nẽrsaalba lɔɔ.› »

Amarkɩ 7:7

Ban nã'asrɩ mam na, la de la zãŋa. Se'ere n soe la, ba zãsnɩ la zãsŋɔ n de nẽrsaalba nõorɛ.›

Aluki 8:18

Mõrgɛ-ya bãŋɛ yãma n selsrɩ se'em na võorɛ. Se'ere n soe la, nẽr-sɛka n tarɩ sɛla, ba wʋn bɔ ẽ pa'asɛ, la nẽr-sɛka n ka tarɩ sɛla, bõn-sɛba fẽe tɩ a tẽ'esɛ tɩ a tara la, ba wʋn to'oge ba.»

1 Korẽntɩ 15:15

La sãn dɛna bɛla, tõma yi parnɩ mɛ bɔ'ɔra Nawẽnnɛ, tõma n yetɩ, Nawẽnnɛ botɩ Krisi vo'oge mɛ, dee tɩ kũm kãn vo'oge la ĩyã.

1 Korẽntɩ 15:2

Ya sãn gʋrɛ ẽ kãŋkãŋɛ wʋ mam n mõolɛ ya se'em na, ya wʋn yẽ fãarɛ. La sãn dagna bɛla, yan bɔ sɩra la de la zãŋa.

1 Korẽntɩ 3:18

Nẽra da pã'asɛ a mẽŋa. Nẽra sãn bɔna ya pʋam tẽ'esɛ tɩ ẽŋa tarɩ dũnia wã yɛm, la masɛ mɛ tɩ a lebge gɔɔŋɔ dũnia wã pʋam, bɛla n wʋn basɛ tɩ a lebge yɛm dãana.

Galatɩ 2:6

Nẽr-sɛba tɩ ba bɩsrɩ wʋ nẽŋadõma la, ba sãn dɛna nẽŋadõma bɩɩ ba dagɩ nẽŋadõma, la ka pakɛ mam, Nawẽnnɛ ka tũ'usri nẽrba. Nẽŋadõma bãma ka mõrgɛ mam tɩ m ẽŋɛ sɛla sɛla pa'asɛ mam zãsŋɔ la pʋam.

Galatɩ 2:9

La Azakɩ, la Apɩyɛɛrɩ, la Azã tɩ ba bɩsrɩ wʋ ba wuu kɛ'ɛndõma la, n bãŋɛ tɩ Nawẽnnɛ n ẽŋɛ mam yel-sõnnɛ dɩkɛ tõonɛ na ẽŋɛ mam nu'usum na, ba yõgɛ mam, la Abarnabasɩ nu'usi mɛ, pa'alɛ tɩ tɩ de la ayɩla lagɩm tõnna Nawẽnnɛ tõoma, tɩ tõma tõnna bu-zãŋsɩ zẽ'am, tɩ bãma mẽ tõnna Zifdõma zẽ'am.

Galatɩ 3:4

Yãma n yẽ se'em wuu la lebge la zãŋa bɩɩ? Dẽnɩ tɩ la da kãn lebge zãŋa.

Galatɩ 6:3

Nẽra sãn tẽ'esɛ tɩ ẽŋa de la sɛla dee ka dɛna sɛla sɛla, a pã'asrɩ la a mẽŋa.

Efɛɛzɩ 4:29

Da basɛ-ya tɩ yetɔg-be'ero yese ya nõorʋm, tɔgra-ya yetɔg-sõma n bɔ'ɔrɩ nẽrba bʋraanɛ, tɩ la sõŋra nẽr-sɛba n selsrɩ la, dee ɩta ba sõŋa.

Efɛɛzɩ 5:4

La ken ka masɛ tɩ ya tɔgra yetɔg-yooro, la yetɔg-be'ero, la yetɔg-gãlsɩ, la de la ya pʋ'ʋsra Nawẽnnɛ a yel-sõnnɛ.

Kolɔsɩ 4:6

Basɛ-ya tɩ ya yetɔga ãna sõŋa wakatɛ wuu tara yẽlʋm wʋ yaarʋm na, dee bãŋɛ yan wʋn lerge nẽra woo se'em tɩ la masɛ.

Yemesi 1:19

M sɔbi-nõŋrɩsɩ, bãŋɛ-ya bõn-ẽna wã sõŋa, nẽra woo mõrgɛ sɛlsra sõŋa, la a mã'agɛ a mẽŋa tɔgra, la a da isgra sũure tɔtɔ.

Yemesi 1:22

Da pã'asɛ ya mẽŋa, dɛna-ya nẽrba n sakrɩ Nawẽnnɛ yetɔga, da dɛna-ya nẽrba n selsrɩ mã'a.

Yemesi 2:20

A ka tarɩ yɛm dãana, fõn boorɩ mɛ tɩ m pa'alɛ fɔ tɩ fʋ sãn bɔ sɩra tɩ la ka lagɩm na tõoma, a ka tarɩ yõorɔ?

1 Pita 3:10

La gʋlsɛ Nawẽnnɛ gõŋɔ pʋam yetɩ: «Nẽr-sɛka n boorɩ tɩ a vɔm ãna yẽlʋm, dee tɩ a yẽ sũ-yẽlga, dẽnɩ tɩ a yõkɛ a nõorɛ la yetɔg-be'ero, dee basɛ põmpɔrŋɔ.