Yemesi 1:25 - Farefare Ninkaré

²⁵ La nẽr-sɛka n tarɩ Nawẽnnɛ lɔɔ n masɛ sõŋa n yolsrɩ nẽrba la, dee sakɛ ẽ sõŋa ɩta lan yele se'em na, ẽŋa dagɩ nẽra n selsrɩ dee yĩnna, ẽŋa dãana tarɩ la sũ-yẽlga ẽŋa n ɩtɩ sɛla la pʋam.

ZE'ELEGO PAALEGA

²⁵ Gee sɛba en bihɛ nɔze'ele seko en ka tari gbelegere la, fai nɔze'elego la en ka tari gbelegere la, tara kɔ, dagena kɛleheba sɛba en tameni, gee sɛba en tari tuna, ba wan nyɛ sum ba itegɔ la puan.

Yemesi 1:25 ပူးပေါင်းရင်းမြစ်များ

Aluki 11:28

Tɩ Azezi lerge yetɩ: «Nẽr-sɛba n wõnnɩ Nawẽnnɛ yetɔga, dee sakra ɩta lan yele se'em na, n tõn tarɩ zu-yẽlga.»

Azã 13:17

Yan mi bõn-bãma la, ya sãn ẽŋɛ bɛla, ya de la zu-yẽlʋm dõma.

Azã 8:36

Bɛla ĩyã, Nawẽnnɛ Dayʋa la sãn to'oge ya basɛ, ya sɩrɩ to'oge ya mẽŋa.

Tõoma 13:43

La ban yese tɩ ba fõrgɛ la, tɩ Zifdõma zozo'e, la nẽrba basɛba n dagɩ Zifdõma dee sakɛ dɔla Nawẽnnɛ lɔɔ tɩ a bɔ Zifdõma, daan dɔla Apolɩ la Abarnabasɩ. Tɩ Apolɩ dõma pa'alɛ ba yetɩ, ba mõrgɛ bɔna Nawẽnnɛ yel-sõnnɛ na pʋam.

Tõoma 2:42

La ba daan ba mõrgɛ botɩ Tõntõnɩba la zãsna ba mɛ, dee naagɛ taaba la pʋtẽ'erɛ ayɩla, lagsra dita la taaba, fiisra borborɩ dee pʋ'ʋsra Nawẽnnɛ.

Tõoma 26:22

La Nawẽnnɛ sõŋɛ mam mɛ wa paam zĩna, bɛla tɩ mam zɛ kalam tɔgra mam n yẽ sɛla bɔ'ɔra yãma, kɛ'ɛndõma la tarɩmdõma wuu. Mam n yele sɛla wuu la, la de la Nawẽnnɛ nõtɔ'ɔsrɩba, la Amoyisi n yʋʋn yetɩ sɛla wʋn ẽŋɛ la.

Aromduma 11:22

Bɩsɛ Nawẽnnɛ n ɩtɩ sõŋa se'em, dee tɔɩ se'em. A tɔɩ mɛ la sɛba n ka sakrɩ ẽ na, dee ɩta fʋ sõŋa, fʋ sãn ken bɔna a sõŋa la pʋam. Sãn dagna bɛla, a mẽ wʋn kʋ'ʋgɛ fʋ basɛ mɛ.

Aromduma 2:13

La dagɩ sɛba n selsrɩ lɔɔ la n masɛ Nawẽnnɛ zẽ'am, la de la sɛba n sakɛ ɩtɩ wʋ lɔɔ la n yele se'em na n masɛ.

Aromduma 7:12

Bɛla, lɔɔ la de la bõn-sõŋɔ. Nõorɛ tɩ Nawẽnnɛ bɔ la mẽ de la bõn-sõŋɔ, masɛ ãna sõŋa.

Aromduma 8:15

Nawẽnnɛ Sɩa la tɩ a bɔ ya la ka botɩ ya dɛna yamsɩ, le zɔta dabeem. A botɩ ya dɛna la Nawẽnnɛ kɔma, tɩ a bɔ sore tɩ ya wi'ira Nawẽnnɛ yetɩ: «Abba», n boorɩ tɩ la yetɩ «tɩ Sɔ».

Aromduma 8:2

Se'ere n soe la, Nawẽnnɛ Sɩa pãŋa n bɔ'ɔrɩ vɔm Azezi-krisi ĩyã la n fãagɛ tɔ tõon-be'ero, la kũm pãŋa pʋam.

1 Korẽntɩ 15:58

Bɛla, m sɔbi-nõŋrɩsɩ, mõrgɛ-ya ze'ele kãŋkãŋɛ. Tõnna-ya Zuudãana tõoma la wakatɛ wuu da basɛ, yãma n mi tɩ nãmsgɔ sɛka tɩ ya nãmsrɩ Zuudãana la ĩyã dagɩ zãŋa la.

2 Korẽntɩ 13:5

Vẽesɛ-ya ya mẽŋa bɩsɛ ya sãn bɔna Krisi sore la zuo. Ya mẽŋa geele bɩsɛ, yãma ka mi tɩ Krisi boe la yãma mɛ? Sãn dagɩ nɩ bɛla, ya koŋe mɛ.

Galatɩ 2:4

Nẽrba basɛba n daan pã'asɛ tɩ bãma de la Azezi karẽnbiisi, li'ise kẽ tõma tẽŋasʋka bɔɔra tɩ ba bãŋɛ tõma n lagɩm na Azezi-krisi dɛna ayɩla la, tõma n to'oge tɩ mẽŋa se'em, bãma daan boorɩ tɩ ba basɛ tɩ tõma le dɛna la Zifdõma lɔɔ yamsɩ.

Galatɩ 5:1

Krisi fãagɛ tɩ basɛ tɩ tɩ sɔna la tɩ mẽŋa. Bɛla, zɛ-ya kãŋkãŋɛ, da sakɛ-ya le kẽ'esɛ ya mẽŋa yamnɛ pʋam.

Galatɩ 6:2

Sõŋra-ya taaba malgra taaba yɛla, tɩ bɛla tɩ ya wʋn ẽŋɛ Krisi nõorɛ n yele se'em na.

Kolɔsɩ 1:23

Bɛla, dẽnɩ tɩ ya ken bɔ sɩra zɛ kãŋkãŋɛ, da basɛ tɩ sɛla zãagɛ ya la kõ-yẽlga la tɩ ya wõm tara pʋtẽ'erɛ gu'ura sɛla la. La de la kõ-yẽlga ẽŋa tɩ ba mõolɛ bɔ nẽrsaalba wuu n boe dũnia zuo la. Mam Apolɩ de Nawẽnnɛ tõntõnna tɩ m mõolɛ la kõ-yẽl-ẽŋa.

1 Timoti 2:15

La baa pɔgsɩ n nãmsrɩ dee dɔgra la, ba tã wʋn yẽ fãarɛ, ba sãn mõrgɛ ze'ele kãŋkãŋɛ Nawẽnnɛ doosgo pʋam, tara nõŋlʋm la pʋpeelem, dee guusra ba mẽŋa.

1 Timoti 4:16

Guuse fʋ mẽŋa la fʋ vɔm, la fʋ zãsŋɔ la. Mõrgɛ ze'ele kãŋkãŋɛ ɩta bɛla wuu. Fʋ sãn ɩta bɛla, tɩ fʋ wʋn fãagɛ fʋ mẽŋa, la sɛba n selsrɩ fʋ la.

Hiburuduma 12:15

Guuse-ya tɩ ya nẽra nẽra da wa mõŋɛ a mẽŋa Nawẽnnɛ yel-sõnnɛ, ken guuse-ya tɩ nẽr-sɛka da ãna wʋ yẽg-toogo n puse ya tẽŋasʋka, wʋn basɛ tɩ toogo la loŋe nẽrba zozo'e sã'am ba.

Yemesi 2:12

Tɔgra-ya dee tõnna tɩ la masɛ la lɔɔ n yolsrɩ nẽrba la, mina tɩ Nawẽnnɛ wʋn dɩkɛ la ẽŋa di ya sarɩya.

1 Pita 2:16

Ɩta-ya wʋ nẽrba n soe ba mẽŋa, la da dɩkɛ-ya yan soe ya mẽŋa la tɩ la dɛna sɛla n botɩ ya tõnna be'em, tõnna-ya wʋ Nawẽnnɛ tõntõnɩba n masɛ tɩ ba tõnna se'em na.

1 Zã 2:24

La sãn dɛna yãma, mõrgɛ-ya tara yetɔg-sɛba tɩ ya daan wõm halɩ pɔspɔsɩ la ya sũure pʋam. Ba sãn ken bɔna ya sũure pʋam, yãma mẽ wʋn ken bɔna la Sɔ, la Dayʋa la lɛ.

Lilegere 14:13

Tɩ mam wõm kõa n ze'ele saazuum yele mam yetɩ: «Gʋlsɛ yetɩ: ‹Lan pɔsɛ lɛɛlɛ wã, nẽr-sɛba n kiiri Zuudãana doosgo pʋam na tarɩ zu-yẽlga.› Tɩ Nawẽnnɛ Sɩa yetɩ: ‹La de la sɩra, ba wʋn vo'ose la ba tõon-tooro, ba tõon-sõma la dolɩ ba mɛ.› »

Lilegere 22:14

Sɛba n peege ba futo tarɩ zu-yẽlga. Bãma n wʋn tara nõorɛ tɩ ba di vɔm tɩa la biɛ, la bãma n wʋn doose tẽŋa la nõa kẽ tẽŋa la pʋam.