Yemesi 1:22 - Farefare Ninkaré

²² Da pã'asɛ ya mẽŋa, dɛna-ya nẽrba n sakrɩ Nawẽnnɛ yetɔga, da dɛna-ya nẽrba n selsrɩ mã'a.

ZE'ELEGO PAALEGA

²² Gee me iti ya yelehum la en de se'em la, gee da yeen kelehe ya kelehego ma'a pã'ahɛ ya mɛhi.

Yemesi 1:22 ပူးပေါင်းရင်းမြစ်များ

Amatie 12:50

Nẽr-sɛka woo n ɩtɩ mam Sɔ Nawẽnnɛ n boe saazuum n boorɩ se'em, ẽŋa n de mam yɩbga, la mam tã, la mam ma.»

Amatie 28:20

La ya zãsʋm ba tɩ ba sakɛ bõn-sɛba wuu tɩ mam bɔ ya nõorɛ tɩ ya ɩta la. La bãŋɛ-ya tɩ mam boe la ya mɛ wakatɛ wuu, halɩ tɩ la ka paagɛ dũnia ba'asgɔ.»

Aluki 11:28

Tɩ Azezi lerge yetɩ: «Nẽr-sɛba n wõnnɩ Nawẽnnɛ yetɔga, dee sakra ɩta lan yele se'em na, n tõn tarɩ zu-yẽlga.»

Azã 13:17

Yan mi bõn-bãma la, ya sãn ẽŋɛ bɛla, ya de la zu-yẽlʋm dõma.

Aromduma 2:13

La dagɩ sɛba n selsrɩ lɔɔ la n masɛ Nawẽnnɛ zẽ'am, la de la sɛba n sakɛ ɩtɩ wʋ lɔɔ la n yele se'em na n masɛ.

1 Korẽntɩ 15:33

Da pã'asɛ-ya ya mẽŋa. Fʋ sãn dɔla nẽr-be'ego, fʋ wʋn lebge la nẽr-be'ego.

1 Korẽntɩ 3:18

Nẽra da pã'asɛ a mẽŋa. Nẽra sãn bɔna ya pʋam tẽ'esɛ tɩ ẽŋa tarɩ dũnia wã yɛm, la masɛ mɛ tɩ a lebge gɔɔŋɔ dũnia wã pʋam, bɛla n wʋn basɛ tɩ a lebge yɛm dãana.

1 Korẽntɩ 6:9

Yãma ka mi tɩ tõon-be'ero dõma kãn yẽ zẽ'a Nawẽnnɛ so'olʋm pʋam? Da pã'asɛ ya mẽŋa. Nẽr-sɛba n ɩtɩ yalsɩ, bɩɩ sɛba n kãabrɩ baga, bɩɩ sɛba n gã la taaba pɔgba la taaba sɩrba, bɩɩ bʋra-sɛba n gã la taaba,

Galatɩ 6:3

Nẽra sãn tẽ'esɛ tɩ ẽŋa de la sɛla dee ka dɛna sɛla sɛla, a pã'asrɩ la a mẽŋa.

Galatɩ 6:7

Da pã'asɛ-ya ya mẽŋa, ba ka pɔ'ɔrɩ Nawẽnnɛ. Nẽra n bʋrɛ bõn-sɛba la, bõn-bãma tɩ a wʋn lagsɛ.

Filipi 4:8

M sɔbiisi, sɛla n deege, basɛ-ya tɩ ya pʋtẽ'era tẽ'esra sɛla woo n de sɩra, la sɛla woo n narɩ nã'asgɔ, la sɛla woo n masɛ, la sɛla woo n tarɩ pʋpeelem, la sɛla woo n ɩtɩ sũure yẽlʋm, la sɛla woo tɩ nẽrba yetɩ la ãn sõŋa, tẽ'esra-ya bõn-sɛba wuu n ãn sõŋa masɛ pẽka yelle.

Kolɔsɩ 3:17

Bõn-sɛba wuu tɩ ya ɩtɩ, la sãn dɛna la tõoma bɩɩ yetɔga, ɩta-ya la Zuudãana Azezi-krisi yʋ'ʋrɛ, dee pʋ'ʋsra tɩ Sɔ Nawẽnnɛ a yel-sõnnɛ Azezi-krisi yʋ'ʋrɛ ĩyã.

2 Timoti 3:13

La tõon-be'ero dõma, la sɛba n pã'asrɩ nẽrba wʋn ken kẽ'era la tõon-be'ero pʋam pa'asra wɛ'ɛsa, ba pã'asrɩ la nẽrba, dee pã'asra ba mẽŋa.

Taitusi 3:3

Tõma mẽ daan de la nẽrba n ka mi sɛla, la sɩ'ɩsrɩba, la nẽrba n bʋrgɛ ka dɔla sɩra sore, tɩ tõma yɛmleego, la bõn-yooro tɩ tõma boorɩ la sɔna tõma. Tõma daan vɔa la pʋtʋʋlgɔ pʋam, ɩta sũure la tɩ taaba bõnɔ, dee dɛna nẽrba tɩ ba ka nõŋɛ, dee sisra taaba.

Yemesi 1:26

Nẽr-sɛka woo n tẽ'esrɩ tɩ ẽŋa de la nẽra n dolɩ Nawẽnnɛ, dee ka tãna a nõorɛ yõkra, a pã'asrɩ la a mẽŋa, nẽr-ẽŋa Nawẽnnɛ doosgo la de la zãŋa.

Yemesi 4:11

M sɔbiisi, da tɔgra-ya taaba yelle be'em. Nẽr-sɛka n tɔgɛ a tadãana yelle be'em, bɩɩ zɛrgra ẽ, a tɔgrɩ la Nawẽnnɛ lɔɔ la be'em dee zɛrgra ẽ. La fʋ sãn zɛrgra lɔɔ la, fʋ ka sakrɩ lɔɔ la, fʋ lebge la lɔɔ la sarɩyadita.

Yemesi 4:17

Nẽr-sɛka woo n mi sɛla n ãn sõŋa, dee ka ɩta, a tõm na tõon-be'ero.

2 Pita 2:13

Ba wʋn yẽ tõon-be'ero yɔɔrɔ ba tõon-be'ero la ĩyã. Ba tõnnɩ na ba yɛm n boorɩ se'em n de tõon-dẽgrɔ peelem pʋam, tɩ ba sũure ãna yẽlʋm. Ba sãn lagɩm na ya dita, ɩta sũ-yẽlga la ba põmpã'asʋm na, la de la dẽgrɔ, la yãnnɛ.

1 Zã 1:8

La tɩ sãn yetɩ, tõma ka tarɩ tõon-be'ero, tɩ pã'asɛ la tɩ mẽŋa, la sɩra ka boe tɩ zẽ'am.

1 Zã 2:3

Tɩ sãn sakra Nawẽnnɛ nõorɛ, bɛla n pa'alɩ tɩ tɩ sɩrɩ mi ẽ.

1 Zã 3:7

M kɔma, da basɛ-ya tɩ nẽra pã'asɛ ya. Sɛka n ɩtɩ sɛla n masɛ, de la nẽra n masɛ, wʋ Azezi mẽŋa n masɛ se'em na.

3 Zã 1:11

M sɩr-nõŋrɛ, da pagsɛ sɛla n de be'em, pagsra sɛla n ãn sõŋa. Nẽr-sɛka woo n ɩtɩ sɛla n ãn sõŋa de la Nawẽnnɛ nẽra. La nẽr-sɛka woo n ɩtɩ sɛla n de be'em ka mi Nawẽnnɛ.

Lilegere 12:9

Tɩ ba daan lobe pʋryõŋ-yãlma kãtɛ la basɛ. Ẽŋa n de bõnsɛla n yʋʋn boe, tɩ ba wi'ira ẽ tɩ «Dõta» bɩɩ «Asũtãana» n pã'asrɩ dũnia nẽrba wuu la. Ba lobe ẽ, la a malɛgsɩ basɛ la tẽŋa zuo.

Lilegere 22:7

Azezi yetɩ: «Selse-ya! La kãn yuuge dee tɩ mam wa'am. Sɛka n sakrɩ gõŋɔ wã yetɔga tɩ ba to'osrɩ Nawẽnnɛ zẽ'am tɔgra la tarɩ zu-yẽlga.»