Yemesi 1:19 - Farefare Ninkaré

¹⁹ M sɔbi-nõŋrɩsɩ, bãŋɛ-ya bõn-ẽna wã sõŋa, nẽra woo mõrgɛ sɛlsra sõŋa, la a mã'agɛ a mẽŋa tɔgra, la a da isgra sũure tɔtɔ.

ZE'ELEGO PAALEGA

¹⁹ Ya dela ya bɔkɛ dina wa, n sunɔŋerɛ duma wa, bahɛ ya ti nɛra woo kɛleha kalam kalam, gee da tɔgera kalam kalam, bii ita suure kalam kalam.

Yemesi 1:19 ပူးပေါင်းရင်းမြစ်များ

Amatie 5:22

La mam yetɩ ya tɩ nẽr-sɛka woo sũure n isge la a sɔbia, la masɛ tɩ ba di a sarɩya. La sɛka n yele a sɔbia yetɩ: ‹Yalma›, la masɛ tɩ sarɩyaditba nẽŋadõma di a sarɩya. La sɛka n yele a sɔbia yetɩ: ‹Fʋ ka tarɩ võorɛ›, ẽŋa dãana masɛ mɛ tɩ a kẽ bug-tẽŋa.

Amarkɩ 12:37

Adavidi mẽŋa sãn wi ẽ yetɩ: ‹Zuudãana›, la wʋn ẽŋɛ la wãne tɩ a dɛna Adavidi yɩɩŋa?» Tɩ nẽr-kʋʋŋɔ la sɛlsra a yetɔga la sũ-yẽlʋm.

Amarkɩ 2:2

lagsɛ halɩ zozo'e tɩ zẽ'a ka bɔna, baa deego la nõorʋm. Tɩ a tɔgra Nawẽnnɛ yetɔga bɔ'ɔra ba.

Aluki 15:1

Lampo-tɔ'ɔsrɩba, la tõon-be'ero dõma zozo'e n daan sẽŋɛ Azezi zẽ'am tɩ ba selse a yetɔga.

Aluki 19:48

La ba ka mi ba wʋn ẽŋɛ se'em, se'ere n soe la, nẽrba la wuu daan ãn na sɛlɩ sɛlsra a yetɔga la.

Tõoma 1:15

La daarɛ ayɩla, sɛba n bɔ Azezi sɩra la daan lagsɛ mɛ, ba kãllɛ daan de wʋ kɔbga la pisyi. Tɩ Apɩyɛɛrɩ isge ze'ele ba tẽŋasʋka yetɩ:

Tõoma 10:33

Bɛla ĩyã tɩ mam tõm nẽrba tɔtɔ tɩ ba wa'am wa wi fʋ tɩ fʋ wa'am. La fõn wa'am wã, fʋ ẽŋɛ sõŋa. Tɩ wuu yãŋa boe la Nawẽnnɛ nẽŋam kalam tɩ tɩ selse bõn-sɛka wuu tɩ Zuudãana Nawẽnnɛ yele fõn yetɩ, fʋ yele tõma la.»

Tõoma 13:48

La bu-zãŋsɩ la n wõm bɛla la, ba sũure ẽŋɛ yẽlʋm mɛ halɩ, tɩ ba pẽgra Nawẽnnɛ yetɔga la. La nẽr-sɛba n masɛ tɩ ba yẽ vɔm n ka ba'asrɩ la daan sakɛ bɔ Azezi sɩra mɛ.

Tõoma 17:11

La bãma tarɩ pʋtẽ'e-sõnnɛ mɛ gãnna Zifdõma sɛba n boe Tesaloniki la, sakɛ to'oge Nawẽnnɛ yetɔga la ba sũure wuu, dee daan karẽŋra Nawẽnnɛ gõŋɔ la daarɛ woo tɩ ba bɩsɛ Apolɩ n yele se'em na de la sɩra bɩɩ la dagɩ sɩra.

Tõoma 2:42

La ba daan ba mõrgɛ botɩ Tõntõnɩba la zãsna ba mɛ, dee naagɛ taaba la pʋtẽ'erɛ ayɩla, lagsra dita la taaba, fiisra borborɩ dee pʋ'ʋsra Nawẽnnɛ.

Efɛɛzɩ 4:26

Ya sũure sãn isge, da tõm-ya tõon-be'ero, la ya da basɛ tɩ wẽnnɛ lui dee tɩ ya sũure la ka sige.

Efɛɛzɩ 4:31

Basɛ-ya sũ-toogo, la sũ-yĩire, la sũ-isgre, la nõke'ene, la taaba tʋʋrɛ, la pʋtʋʋlgɔ wuu.

Kolɔsɩ 3:15

Basɛ-ya tɩ Krisi sũ-mã'asʋm la sɔna ya sũure, Nawẽnnɛ wi ya tɩ ya tara la sũ-mã'asʋm ẽŋa, lagɩm taaba dɛna ayɩla. Mina-ya yel-sõnnɛ pʋ'ʋsgɔ.

Kolɔsɩ 3:8

La lɛɛlɛ wã, basɛ-ya bõn-bãma wuu. Basɛ-ya sũ-isgre, la sũ-yĩire, la pʋtʋʋlgɔ, la taaba tʋʋrɛ, la yetɔg-yaalsɩ mẽ ka le masɛ tɩ ba yese ya nõorʋm.

1 Tesaloniki 2:13

Tõma n daan mõolɛ Nawẽnnɛ kõ-yẽlga la bɔ ya la, ya daan to'oge ẽ, sakɛ tɩ la de la kõ-yẽlga n ze'ele Nawẽnnɛ zẽ'am, a ka ze'ele nẽrsaalba zẽ'am. Asɩra, la de la Nawẽnnɛ yetɔga n boe yãma sɛba n bɔ sɩra la sũure pʋam tõnna. Bɛla tɩ tõma pʋ'ʋsra Nawẽnnɛ wakatɛ wuu bõn-ẽŋa ĩyã.

Yemesi 1:16

M sɔbi-nõŋrɩsɩ, da pã'asɛ-ya ya mẽŋa.

Yemesi 1:2

M sɔbiisi, nãmsgɔ to'oto'ore sãn paagɛ ya Azezi sore la pʋam, ya dɩkɛ ba tɩ ba dɛna ya sũ-yẽlga zõnzõnnɔ,

Yemesi 1:26

Nẽr-sɛka woo n tẽ'esrɩ tɩ ẽŋa de la nẽra n dolɩ Nawẽnnɛ, dee ka tãna a nõorɛ yõkra, a pã'asrɩ la a mẽŋa, nẽr-ẽŋa Nawẽnnɛ doosgo la de la zãŋa.

Yemesi 2:1

M sɔbiisi, yãma n sakɛ tɩ Zuudãana Azezi-krisi n tarɩ na'am pãŋa la, da tũ'usra-ya nẽrba.

Yemesi 2:5

M sɔbi-nõŋrɩsɩ, selse-ya. Nawẽnnɛ looge la nẽr-sɛba tɩ dũnia dõma bɩsrɩ tɩ ba de la nasdõma la, botɩ ba bɔ ẽ sɩra dɛna bõntatba, tɩ ba wʋn wa bɔna a so'olʋm tɩ a bĩŋe nõorɛ tɩ a bɔ sɛba n nõŋɛ ẽ na pʋam.

Yemesi 3:10

Kã'a-be'ero, la kã'a-sõma ze'etɩ la nõ-ẽŋa ayɩla pʋam yɛsra. M sɔbiisi, la ka masɛ tɩ la dɛna bɛla.

Yemesi 4:11

M sɔbiisi, da tɔgra-ya taaba yelle be'em. Nẽr-sɛka n tɔgɛ a tadãana yelle be'em, bɩɩ zɛrgra ẽ, a tɔgrɩ la Nawẽnnɛ lɔɔ la be'em dee zɛrgra ẽ. La fʋ sãn zɛrgra lɔɔ la, fʋ ka sakrɩ lɔɔ la, fʋ lebge la lɔɔ la sarɩyadita.

Yemesi 5:12

M sɔbiisi, sɛla n gãnnɩ wuu de la ya da pɔɩ. Da pɔɩ saazuum, bɩɩ tẽŋa, bɩɩ sɛla ayẽma. Basɛ-ya tɩ ya «ẽe» dɛna «ẽe», tɩ ya «ayɛɩ» dɛna «ayɛɩ», tɩ Nawẽnnɛ da di ya sarɩya.

Yemesi 5:19

M sɔbiisi, ya nẽra ayɩla sãn bʋrgɛ dee basɛ sɩra sore, tɩ nẽra tarɩ ẽ leme wa'am,

1 Zã 2:21

Mam n gʋlsɛ bɔ ya la, mam ka yetɩ ya ka mi sɩra la, la tõn dɛna la yan mi ẽ na ĩyã, la yãma mi tɩ sɛla n de põmpɔrŋɔ ka ze'etɩ sɩra pʋam.