Yemesi 1:17 - Farefare Ninkaré

¹⁷ Bɔ'a wuu n ãn sõŋa, la bɔ'a n masɛ wuu ze'etɩ la saazuum, Nawẽnnɛ n de peelem dãana la zẽ'am. Ẽŋa n nãam bõn-sɛba wuu n boe saazuum nẽera peelem, tɩ ba tɛɛra, la ẽŋa ka teerɩ, a ka tarɩ lika.

ZE'ELEGO PAALEGA

¹⁷ Beni zuo, abo'yabiyabi woo, la bo'olum sumɔ woo ze'eti la saazuo, Sɔ la en de niihum daana la zi'an sigera na. Se'em puan ti ŋmɛlema la lika ka bɔna doohe teere se'ere puan.

Yemesi 1:17 ပူးပေါင်းရင်းမြစ်များ

Amatie 7:11

Yãma nẽrsaalba n de tõon-be'ero dõma la sãn mina tɩ ya bɔ ya kɔma bõn-sõma, ya Sɔ Nawẽnnɛ n boe saazuum kãn bɔ yãma sɛba n sosrɩ ẽ na bõn-sõma n gãnnɩ bɛla?

Aluki 11:13

Yãma n de tõon-be'ero dõma la sãn mina tɩ ya bɔ ya kɔma bõn-sõma, Nawẽnnɛ n de ya Sɔ n boe saazuum n ãn sõŋa la wʋn bɔ nẽr-sɛba n sosrɩ ẽ a Sɩa la gãnna.»

Azã 1:9

Sɛka n de peelem sɩra sɩra la, ze'ele la Nawẽnnɛ zẽ'am wa'am dũnia zuo. Ẽŋa n nẽegɛ tɩ nẽrsaalba wuu yẽta peelem.

Azã 3:27

Tɩ Azã lerge ba yetɩ: «Nẽra ka tã wʋn to'oge sɛla tɩ la sãn dagna Nawẽnnɛ n bɔ ẽ.

Azã 3:3

Tɩ Azezi lerge ẽ yetɩ: «Mam yetɩ fʋ la sɩra sɩra, tɩ nẽra sãn ka yẽ dɔg-paalga, a ka tã wʋn yẽ Nawẽnnɛ so'olʋm.»

Azã 8:12

Tɩ Azezi le tɔgɛ la nẽrba la yetɩ: «Mam de la dũnia peelem. Nẽr-sɛka n dolɩ mam, a kãn malɩn sẽnna lika pʋam, a wʋn yẽ peelem n bɔ'ɔrɩ vɔm.»

Tõoma 11:18

Ban wõm bɛla la, ba sĩm mɛ dee pẽgra Nawẽnnɛ yetɩ: «Bɛla, Nawẽnnɛ botɩ bu-zãŋsɩ mẽ yẽ sore mɛ tɩ ba teege yɛm basɛ tõon-be'ero yẽ yõvore.»

Tõoma 5:31

Nawẽnnɛ zẽkɛ ẽ mɛ zĩ'ire a zʋʋgɔ bɔba, botɩ a dɛna nẽŋam dãana la Fãagra bɔ Ɩsrayɛlɩ dõma sore tɩ ba teege yɛm basɛ tõon-be'ero tɩ Nawẽnnɛ basɛ ba tõon-be'ero taalɛ.

Aromduma 6:23

Asɩra, tõon-be'ero yɔɔrɔ de la kũm. La Nawẽnnɛ yel-sõnnɛ bɔ'a de la vɔm n ka ba'asrɩ, tɩn lagɩm na tɩ Zuudãana Azezi-krisi dɛna ayɩla la ĩyã.

1 Korẽntɩ 4:7

Bẽm soe tɩ fõn tẽ'esɛ tɩ fõn gãnnɩ fʋ taaba? Bẽm tɩ fõn tarɩ tɩ la dagna Nawẽnnɛ n bɔ fɔ? La fʋ sãn to'oge, wãne tɩ fʋ pa'ala fʋ mẽŋa wʋ fʋ ka to'oge mɛ na?

2 Korẽntɩ 4:6

Nawẽnnɛ n yʋʋn yetɩ: «Peelem nẽegɛ lika pʋam» na, la de la ẽŋa n botɩ peelem nẽegɛ tõma sũa pʋam, botɩ tõma bãŋɛ Nawẽnnɛ na'am pãŋa n nẽegɛ Krisi nẽŋa zuo.

Efɛɛzɩ 1:18

Mam ken sɔsra Nawẽnnɛ tɩ a botɩ ya pʋtẽ'era like tɩ ya bãŋɛ ẽn wi ya tɩ ya tara pʋtẽ'erɛ gu'ura sɛla, dee bãŋɛ bõn-sõma sɛba tɩ a bĩŋe nõorɛ tɩ a bɔ a nẽrba la n ba ãna sõŋa, dee zo'oge se'em.

Efɛɛzɩ 2:8

La de la Nawẽnnɛ yel-sõnnɛ la ĩyã tɩ ya yẽ fãarɛ, yan bɔ Krisi sɩra la ĩyã, la dagɩ ya mẽŋa pãŋa, la de la Nawẽnnɛ bɔ'a.

Filipi 1:29

Se'ere n soe la, Nawẽnnɛ n ẽŋɛ ya yel-sõnnɛ na, la dagɩ ya bɔ Krisi sɩra mã'a, la de la ya ken nãmsɛ a ĩyã.

1 Timoti 6:16

Ẽŋa mã'a n vɔa wakatɛ wuu, a boe la peelem n nẽegɛ gãŋɛ pʋam tɩ nẽra ka tãna wʋn paagɛ mĩ, nẽra baa ayɩla ken ka yẽ ẽ, la nẽra nãn ka yẽtɩ ẽ. Ẽŋa n soe nã'asgɔ, la pãŋa n ka ba'asrɩ. Amina.

Hiburuduma 13:8

Azezi-krisi de la ẽn ãn se'em zaam, la zĩna, la wakatɛ wuu.

Yemesi 1:5

Yɛm sãn pɔ'ɔgɛ ya nẽr-sɛka, a sose Nawẽnnɛ n bɔ'ɔrɩ nẽrba wuu la yɛmleego dee ka mõŋra ba la, tɩ a wʋn bɔ ẽ.

Yemesi 3:15

Yɛm ẽŋa dagɩ yɛm sɛka n ze'ele Nawẽnnɛ zẽ'am. A de la tẽŋa wã zuo bõnɔ, a de la nẽrsaala bõnɔ, a ze'ele la Asũtãana zẽ'am.

Yemesi 3:17

La yɛm n ze'ele Nawẽnnɛ zẽ'am ãn na sõŋa ka tara dẽgrɔ, dee botɩ nẽra tara sũ-mã'asʋm la a taaba, la sũ-bʋgsʋm, ɩta sugri, zɔta nẽrba ninbãalga zozo'e, tõnna tõon-sõma zozo'e, ka bɔkra nẽrba, dee ka dɛna pʋlibsum dãana.

1 Zã 1:5

Kõa n wãna tɩ tõma wõm Azezi-krisi zẽ'am, tɔgra ẽ bɔ'ɔra ya: Nawẽnnɛ de la peelem, lika ka boe a zẽ'am baa fẽfẽe.

1 Zã 4:10

Nõŋlʋm na n doose se'em n wãna: La dagɩ tõma n dẽŋɛ nõŋɛ Nawẽnnɛ. La de la Nawẽnnɛ n nõŋɛ tõma, tõm a Dayʋa, tɩ a dɛna kãabgɔ tõma tõon-be'ero taalɛ basga ĩyã.

Lilegere 21:23

Tẽŋa la ka boorɩ wẽntulle, bɩɩ wõrga tɩ ba nẽegɛ ẽ, se'ere n soe la, Nawẽnnɛ na'am pãŋa peelem n nẽerɩ ẽ, tɩ Pebila la dɛna a fɩtla.

Lilegere 22:5

Yʋ'ʋŋɔ kãn le bɔna. Nẽrba kãn bɔɔra tɩ fɩtla, bɩɩ wẽntulle nẽegɛ peelem, Zuudãana Nawẽnnɛ n wʋn nẽegɛ peelem bɔ ba. La ba wʋn di la na'am wakatɛ n ka ba'asrɩ.