Yemesi 1:12 - Farefare Ninkaré

¹² Nẽr-sɛka n wĩbri nãmsgɔ pʋam tarɩ zu-yẽlga. Se'ere n soe la, ẽn ze'ele kãŋkãŋɛ la, Nawẽnnɛ wʋn bɔ ẽ bɔ'a n de vɔm n ka ba'asrɩ tɩ a bĩŋe nõorɛ tɩ a bɔ sɛba n nõŋɛ ẽ na.

ZE'ELEGO PAALEGA

¹² Sum boi mɛ la se'em en ŋmiberi makerɛ puan. Ena daana nyaŋɛ magehegɔ la mɛ, wan to'e vom muŋa la, ti Daana la biŋe nuurɛ ti a bo' sɛba en nɔŋɛ en la.

Yemesi 1:12 ပူးပေါင်းရင်းမြစ်များ

Amatie 10:22

Nẽrba wuu wʋn sise ya mam yʋ'ʋrɛ la ĩyã. La sɛka n ze'ele kãŋkãŋɛ ka paagɛ ba'asgɔ, a wʋn yẽ fãarɛ.

Amatie 25:34

Tɩ naba la wʋn yele sɛba n boe a zʋʋgɔ la yetɩ: ‹Wa'am-ya, yãma sɛba n tarɩ mam Sɔ Nawẽnnɛ yel-sõnnɛ na. To'oge-ya so'olʋm na tɩ Nawẽnnɛ daan põn mãasʋm tɩ a bɔ ya halɩ lan dẽŋɛ dũnia pĩ'iluŋo la.

Aluki 6:22

Yãma sɛba tɩ nẽrba sisri ya, dee bɔkra ya, tʋʋra ya, dee ka nanna ya wʋ ya de la tõon-be'ero dõma, mam n de Nẽrsaala Dayʋa la ĩyã la, tarɩ zu-yẽlga.

Aromduma 5:4

Tɩ sãn mõrgra sẽnna nẽŋa, la botɩ tɩ ɩta la sɩra yãŋra. Tɩ sãn ɩta sɩra yãŋra, la botɩ tɩ tara pʋtẽ'erɛ gu'ura la sɛla tɩ tɩ bɔ sɩra la.

Aromduma 8:28

Tɩ mi tɩ sɛla woo pʋam, Nawẽnnɛ ɩtɩ sõŋa bɔ'ɔra la nẽr-sɛba n nõŋɛ ẽ, sɛba tɩ a looge ba, masɛ wʋ ẽn looge yɛm se'em na.

1 Korẽntɩ 2:9

La de wʋ lan gʋlsɛ Nawẽnnɛ gõŋɔ pʋam se'em yetɩ: «Bõn-sɛba tɩ Nawẽnnɛ mãasʋm tɩ a bɔ nẽr-sɛba n nõŋɛ ẽ na, gãnnɩ bõn-sɛba wuu tɩ nẽra nãn ka yẽ, bɩɩ wõm, bɩɩ tẽ'esɛ a pʋtẽ'erʋm.»

1 Korẽntɩ 8:3

La nẽra sãn nõŋɛ Nawẽnnɛ, Nawẽnnɛ mi ẽ mɛ.

1 Korẽntɩ 9:25

Zɔtba wuu yõkrɩ ba mẽŋa mɛ sɛla woo pʋam tɩ ba to'oge bɔ'a n kãn yuuge dee sã'am. La tõma yõkrɩ tɩ mẽŋa tɩ tɩ wa to'oge la bɔ'a n kãn malɩn sã'am.

2 Timoti 2:15

Nargɛ pãŋa dɛna nẽra n paagɛ Nawẽnnɛ yɛm, la fʋ dɛna tõntõnna n ka zotɩ yãnnɛ la a tõoma, dee mõola sɩra kõ-yẽlga la lan masɛ se'em.

2 Timoti 4:8

Lɛɛlɛ wã, tã'arɛ yɔɔrɔ gã mɛ gu'ura mam, tɩ Zuudãana n diti sarɩya wʋ lan masɛ la, wʋn dɩkɛ bɔ mam daarɛ ẽŋa daarɛ. La, la dagɩ mam mã'a, la de la nẽr-sɛba wuu n nõŋɛ ẽ bɔɔra tɩ a leme wa'am na.

Hiburuduma 10:32

Tẽegɛ-ya yãma n daan pɔsɛ yẽ Nawẽnnɛ peelem n pa'alɛ ya sɩra la, lan daan ãn se'em bɔ ya, ya daan yẽ nãmsgɔ zo'oge mɛ, la ya wĩbe mɛ ze'ele kãŋkãŋɛ.

Hiburuduma 11:17

La de la Abraham n bɔ Nawẽnnɛ sɩra la ĩyã, tɩ a yʋʋn dɩkɛ A'izakɩ tɩ a kãabɛ bɔ Nawẽnnɛ, wakat-sɛka tɩ Nawẽnnɛ makɛ ẽ bɩsɛ yetɩ a dɩkɛ a dayʋa la bɔ ẽ na. A'izakɩ n de a dayɔ-yẽŋa la tɩ a yʋʋn dɩkɛ tɩ a kãabɛ bɔ, dee tɩ la dɛna la ẽŋa yelle tɩ Nawẽnnɛ yʋʋn bĩŋe nõorɛ la ẽ lɛ.

Hiburuduma 12:5

Da yĩm-ya kã'aŋɔ sɛka tɩ Nawẽnnɛ kã'an ya wʋ nẽra n kã'anɩ a kɔma se'em yetɩ: «M bia, Zuudãana sãn sɩbgɛ fɔ, da dɩkɛ tɩ la dɛna zãŋa, a sãn pa'alɛ fɔ fʋ tuure, da basɛ tɩ fʋ bʋraanɛ bo'oge.

Hiburuduma 6:15

Tɩ Abraham mõrgɛ sẽŋɛ nẽŋa, yẽ sɛla tɩ Nawẽnnɛ bĩŋe nõorɛ tɩ a ẽŋɛ la.

Yemesi 2:5

M sɔbi-nõŋrɩsɩ, selse-ya. Nawẽnnɛ looge la nẽr-sɛba tɩ dũnia dõma bɩsrɩ tɩ ba de la nasdõma la, botɩ ba bɔ ẽ sɩra dɛna bõntatba, tɩ ba wʋn wa bɔna a so'olʋm tɩ a bĩŋe nõorɛ tɩ a bɔ sɛba n nõŋɛ ẽ na pʋam.

Yemesi 5:11

Tõma yetɩ mɛ tɩ sɛba n mõrgɛ ze'ele kãŋkãŋɛ Nawẽnnɛ sore pʋam na, de la zu-yẽlga dõma. Ya wõm ban tɔgɛ Azɔɔbɩ n ze'ele kãŋkãŋɛ se'em yelle, la ya yẽ ba'asgɔ Nawẽnnɛ n ẽŋɛ se'em bɔ ẽ. Se'ere n soe la, Nawẽnnɛ de la ninbãal-zɔta, dee tara nẽrba zĩile.

1 Pita 3:14

La baa nẽrba sãn nãmsra ya yan ɩtɩ sɛla n masɛ ĩyã, ya wʋn yẽ yel-sõnnɛ. Bɛla, da zɔta-ya ba dabeem, la ya da basɛ tɩ la dãana ya.

1 Pita 4:13

Tõn tara-ya sũ-yẽlga, tɩ yãma po nãmsra la Krisi nãmsgɔ, tɩ ya wʋn tã'agɛ ẽŋɛ sũ-yẽlga sɩrʋm wakatɛ sɛka tɩ a na'am pãŋa wʋn puke la.

1 Pita 4:14

Ba sãn tʋʋra ya yãma n de Krisi nẽrba la ĩyã, ya tarɩ zu-yẽlga, se'ere n soe la, Nawẽnnɛ Sɩa la n tarɩ nã'asgɔ zozo'e la boe la ya lɛ mɛ.

1 Pita 5:10

Ya wʋn ken nãmsɛ mɛ wakatɛ fẽe. La Nawẽnnɛ n soe yel-sõnnɛ wuu la wi ya mɛ tɩ ya po yẽ a na'am pãŋa n ka tarɩ ba'asgɔ, yãma n lagɩm na Krisi dɛna ayɩla la ĩyã. Ẽŋa wʋn le malgɛ ya tɩ ya ãna sõŋa, bɔ ya pãŋa tɩ ya ze'ele kãŋkãŋɛ, tɩ sɛla kãn tã'agɛ botɩ ya bike.

1 Pita 5:4

Tɩ dũnsĩin-kɛ'ɛma la sãn wa puke, ya wʋn to'oge yɔɔrɔ n ka sã'anɩ n tarɩ pẽka.

1 Zã 4:19

La sãn dɛna tõma, tõma tarɩ nõŋlʋm mɛ, se'ere n soe la, Nawẽnnɛ dẽŋɛ nõŋɛ tõma mɛ.

Lilegere 2:10

Da zoe-ya dabeem yãma n wʋn nãmsɛ la. Bɩsɛ-ya, Asũtãana wʋn makɛ ya bɩsɛ mɛ, botɩ ba kẽ'esɛ ya nẽrba basɛba yʋ'a deem, la ya wʋn yẽ nãmsgɔ mɛ dabsa pia. Bɔ-ya mam sɩra halɩ ka paagɛ ya kũm, tɩ mam wʋn bɔ ya bɔ'a n de vɔm.

Lilegere 3:19

Mam sɩbgrɩ la sɛba wuu tɩ mam nõŋɛ, dee dɛmsra ba. Bɛla, nargɛ-ya pãŋa teege yɛm basɛ tõon-be'ero.

Lilegere 3:21

Nẽr-sɛka n yãŋɛ, mam wʋn botɩ a lagɩm na mam po zĩ'ire mam na'am bĩmbĩnne zuo, wʋ mam yãŋɛ po lagɩm na mam Sɔ Nawẽnnɛ zĩ'ire a na'am bĩmbĩnne zuo la.