Taitusi 3:8 - Farefare Ninkaré

⁸ Yetɔg-ẽna de la sɩra. Bɛla tɩ mam bɔɔra tɩ fʋ mõrgɛ pa'alɛ ba yel-bãma, tɩ nẽr-sɛba n bɔ Nawẽnnɛ sɩra la mõrgɛ tõnna tõon-sõma. Yel-bãma n ãn sõŋa dee tara yõorɔ bɔ'ɔra nẽrba.

ZE'ELEGO PAALEGA

⁸ Yetɔge buna wa dela yelemɛŋerɛ. Mam suure boti fum tɔgera yele ana wa suŋa, ti sɛba en wa'am na nam Yinɛ la wan kaabɛ ba mɛhi bo' tuunsuma. Yele ana wa dela ma'a, gee tara nyuurɔ bɔ'ɔra nɛra woo.

Taitusi 3:8 ပူးပေါင်းရင်းမြစ်များ

Amatie 20:4

tɩ a yele ba yetɩ: ‹Ya mẽ sẽŋɛ mam va'am na ka tõm, tɩ mam wʋn yɔ ya lan masɛ se'em.›

Azã 12:44

Azezi tɔgɛ ke'enke'em yetɩ: «Sɛka n bɔ'ɔrɩ mam sɩra, la dagɩ mam mã'a tɩ a bɔ'ɔrɩ sɩra, a bɔ'ɔrɩ la sɛka n tõm mam na sɩra.

Azã 5:24

Mam yetɩ ya la sɩra sɩra, tɩ sɛka n selse mam yetɔga dee bɔ sɛka n tõm mam na sɩra, a tarɩ la vɔm n ka ba'asrɩ. La ba kãn di a sarɩya. La a yese la kũm pʋam tara vɔm n ka ba'asrɩ.

Tõoma 12:15

Tɩ ba yele pɔsɔɔ la yetɩ: «Fõn de la zɔlgɔ.» Tɩ a le yetɩ: «La de la ẽŋa.» Tɩ ba lerge yetɩ: «La de la a sɩa».

Aromduma 4:5

La nẽra sãn ka tõm tõonɛ, dee bɔ Nawẽnnɛ n botɩ tõon-be'ero dõma masra a zẽ'am na sɩra, Nawẽnnɛ wʋn botɩ a lebge la nẽra n masɛ a zẽ'am ẽn bɔ sɩra la ĩyã.

2 Korẽntɩ 4:13

La gʋlsɛ Nawẽnnɛ gõŋɔ pʋam yetɩ: «Mam bɔ sɩra mɛ n soe tɩ mam tɔgɛ.» Tõma mẽ bɔ Nawẽnnɛ sɩra mɛ, bɛla n soe tɩ tõma tɔgra.

Efɛɛzɩ 4:28

Nẽr-sɛka n daan zũuri, a da le zũura, a mõrgɛ a mẽŋa tõnna sɛla n masɛ, tɩ a wʋn tara sɛla sõŋɛ sɛba n boorɩ sõŋrɛ.

1 Timoti 1:15

Yetɔg-sɛka tɩ mam yetɩ m tɔgɛ wã de la sɩra, la a masɛ mɛ tɩ nẽra woo to'oge ẽ sõŋa: «Azezi-krisi wa'am dũnia zuo wa fãagɛ la tõon-be'ero dõma.» La mam n de tõon-be'ero dãana gãnna ba wuu.

1 Timoti 2:8

Bɛla mam boorɩ tɩ zẽ'a woo bʋraasɩ pʋ'ʋsra Nawẽnnɛ, ba zẽkɛ ba nu'usi la pʋpeelem pʋ'ʋsra Nawẽnnɛ, ba da tara sũ-isgre bɩɩ nõke'ene.

1 Timoti 5:10

La dẽnɩ tɩ nẽrba mina tɩ a de la tõon-sõma dãana, la a uge kɔma sõŋa, la a de la nẽra n ẽŋɛ nẽrba sãanɔ, la a peege Nawẽnnɛ nẽrba nãma, la a sõŋɛ nẽr-sɛba n nãmsɛ, dee dɛna nẽra n tõm tõon-sõma buuri wuu.

2 Timoti 1:12

La de la kõ-yẽlga la ĩyã tɩ mam yẽta nãmsgɔ, la mam ka zotɩ yãnnɛ, se'ere n soe la, mam mi sɛka tɩ mam bɔ sɩra la mɛ, la mam mi m sũure pʋam tɩ a tarɩ pãŋa mɛ wʋn gu'ura sɛla tɩ a dɩkɛ ẽŋɛ mam nu'usum na sõŋa, halɩ ka paagɛ Nawẽnnɛ sarɩyadia daarɛ.

Taitusi 1:9

La masɛ tɩ a tara sɩra zãsŋɔ la kãŋkãŋɛ, wʋ ban zãsʋm ẽ se'em na, tɩ a wʋn tã'agɛ bɔ nẽrba bʋraanɛ tɩ ba dɔla sɩra zãsŋɔ la, dee tã'agɛ pa'alɛ sɩ'ɩsrɩba tɩ ba bãŋɛ ba koŋre.

Taitusi 2:14

Ẽŋa n dɩkɛ a vɔm bɔ tõma ĩyã, tɩ a fãagɛ tɔ tõon-be'ero wuu pʋam, dee basɛ tɩ tɩ malgɛ ãna sõŋa dɛna a mẽŋa nẽrba, mõrgɛ tõnna tõon-sõma.

Taitusi 2:7

Fõn mẽŋa botɩ fʋ yel-ɩrɛ wuu ãna sõŋa, pa'alɛ ba ban wʋn ãna se'em, la fʋ zãsʋm nẽrba Nawẽnnɛ yetɔga la sɩra, la ninmõ'orɛ.

Taitusi 3:1

Tẽegɛ ba wuu yetɩ la masɛ mɛ tɩ ba nanna tẽŋa la nẽŋadõma, la kɛ'ɛndõma dee sakra ba nõorɛ, dee tõnna tõon-sõma buuri wuu.

Taitusi 3:14

Tõma nẽrba la masɛ mɛ tɩ ba zãsʋm tõnna tõon-sõma tɩ la sõŋɛ sɛba n boorɩ sõŋrɛ la, dee da vɔa vɔm n ka tarɩ yõorɔ.

Afilmõ 1:11

Kʋrʋm, a daan ka tarɩ yõorɔ bɔ fɔ, la lɛɛlɛ wã a yãŋa tarɩ yõorɔ mɛ bɔ fõn na mam.

Hiburuduma 10:24

Tɩ bɩsra taaba yelle wʋn kɛŋra taaba, tɩ tɩ tara nõŋlʋm, dee tõnna tõon-sõma.

1 Pita 1:21

Krisi ĩyã tɩ ya bɔ Nawẽnnɛ sɩra, Nawẽnnɛ n vo'oge Krisi, bɔ ẽ na'am pãŋa, bɛla tɩ ya dɩkɛ ya bɔ sɩra, la yan tara pʋtẽ'erɛ gu'ura sɛla la te'ege Nawẽnnɛ.